रोमि 7:25 - आठपहरिया

²⁵ आङा माङ्‌हाङ् पोए-पोए ठाङ्‌सुङ्‌टुङ्, उन्‍ङा डोक् आनि डाङ्‌बा येसु खिरिस्‍टलाम्‍मा छुट्‌कारा आपियुक्॥ हिट्‌डेउङ् आनिङ्‌ग्‍वालाम्‍मा माङ्‌हाङ्‌ङाना धारमाबिधि पालान् चोक्‍मा निङ्‌ग्‍वा चोगुङ्‌टुङ्, टरो हिट्‌ना ठिक्‍ए बेला आनिङ्‌ग्‍वाङि ओभेन्‍ना निङ्‌ग्‍वा लिसानाँ पापङा घारिघारि आङा आधिन् याङ्‌चोक्‍ना॥

रोमि 7:25 ပူးပေါင်းရင်းမြစ်များ

मात्‌ति 1:21

उन्‍ङा ठिबाङ् ओओ पोङ्‌सुटु हिट्‌नुङ् हिट्‌नाङा ओयाप्‌मिचि उन्‌चि पापलाम्‍मा हिङुचिचि, हिट्‌नुङ् हिट्‌ना ओओङाना उनिङ् खान्‍ङा येसु युङ्‌सु॥”

रोमि 6:14

हिट्‌नुङ् पापङा खानि उठुङ्‌ङि आधिन् चोगुन्‍ना, पोङ्‌भोने खानि धारमाबिधिङाना ओआधिन्‌ङि माखाक्, टरो माङ्‌हाङ्‌ङाना ओदायामायाङाना आधिन्‌ङि आवासेट्‌टि॥

रोमि 6:17

पाइलेम्‍बाक् खानि पापङाना आधिन्‌ङि आलिसेसिगा, टरो हाट्‌लेम्‍बाक् आलिसिन्‍गेट्‌टिन्‍गा॥ हिट्‌डेउङ् आङा माङ्‌हाङ् पोए-पोए ठाङ्‌सुङ्‌टुङ्, पोङ्‌भोने खानिङा आटोगुम्‍ना छेम्‍बाना हिसिक्‍मा पुरो खानि निङ्‌ग्‍वाङा डोक् पालान् आचोगुएसुम्‍मे॥

रोमि 8:2

पोङ्‌भोने आनि खिरिस्‍ट येसुलोक् एक्‍केउ लिसिनाँ सेङ्‌सेङ्‌ना हाङ्‌साङा आनि ओछोङ्‌ग्‍वाट् चोला आपिडेसे, हिट्‌नुङ् पाप चोक्‍मालाम्‍मा हिट्‌नुङ् सिमाना रिङ्‌लाम्‍मा छुट्‌कारा आपिडेसे॥

१ कोरिन्‌थि 15:57

टरो माङ्‌हाङ्‌लोङ्‌सा पोए-पोए उलियाक्, उन्‍ङा डोक् आनि टाङ्‌बा येसु खिरिस्‍टलाम्‍मा पाप लोक् सिइना रिङ् मेप्‍माना बोल् आपियुक्॥

२ कोरिन्‌थि 9:15

माङ्‌हाङ्‌ङा आपिडाना माप्‍मा डोक् हिनिम्‍ना आड्‌डिक् बाहुमुल्‍ये बारदान लाउङ्‌सा उन्‍ङाना पोए-पोए उलियाक्॥

एफिसि 5:20

आनि टाङ्‌बा येसु खिरिस्‍टङाना उनिङ्‌ङि माङ्‌हाङ् पाबालाउङ्‌सा ख्‍वाप्‍पा रिङ्‌ङि सोरोक् पोए-पोए पिडानुम्॥

फिलिप्‌पि 3:3

पोङ्‌भोने छेम्‍बा डोक् माङ्‌हाङ् ओयाप्‌मिचिउम्आनि गोलो टे, आनि हाङ्‌साङा माङ्‌हाङ् माङ्‌ध्‍यान् चोगुम्‍टुम् हिट्‌नुङ् खिरिस्‍ट येसु उनिङ् चोन्‍डुम्‍टुम्॥ आनिम्‍टे याप्‌मिचिङा ओचोगुएट्‌टुना रिति थितिङि भोरोसा युङ्‌निम्‍गा॥

फिलिप्‌पि 4:6

पाक् रिङ्‌ङि चा सुरटा चोक्‍नेनिन्, टरो सोब्‍बे रिङ् लाउङ्‌सा बिन्‌टि चोगानुम्॥ खानिलाउङ्‌सा आभोर आलिसिगा थोक् बिन्‌टि चोगानुमुङ् माङ्‌हाङ् लोडानुम् हिट्‌नुङ् उन्‍ङा चोगुना ख्‍वाप्‍पा थोक् लाउङ्‌सा पोए-पोए ठाङ्‌सानुम्॥

कालास्‌सि 3:17

हिट्‌नुङ् खानिङा पाक् आमाट्‌टुम् चा, आचोगुम्‍चा, ख्‍वाप्‍पा रिङ् टाङ्‌बा येसु उनिङ्‌ङि चोगानुम् हिट्‌नुङ् उन्‌लाम्‍मा डोक् माङ्‌हाङ् पाबालाउङ्‌सा पोए-पोए ठाङ्‌सानुम्॥

१ पाटरुस 2:5

खानि चा उहिङ्‌ग्‍वाट् लुङ्‌गेॽवा लिसानिउङ् आबानि हिट्‌नुङ् आत्‌मिक् माङ्‌ठाना चोक्‍मा आप्‍पेलोङ्‌सा पिडानुम्॥ हिट्‌नि खानि येसु खिरिस्‍टङाना नाताङा चोगुनाँ माङ्‌हाङ्‌ङाना उनिङ्‌ग्‍वा टासुना आत्‌मिक् भोक् काठाङ्‌बा सेङ्‌सेङ्‌ना पुजारिङाना टोॽवा आचोगुम्‍टुम्॥

१ पाटरुस 2:9

टरो खानिम्‍टे माङ्‌हाङ्‌ङा मासेगिगा छोङ्‌बाचि, मुलुक्‌ङिना पुजारिचि, सेङ्‌सेङ्‌गा छोङ्‌बाचि, माङ्‌हाङ्‌ङाना आप्‍पे ओयाप्‌मिचि ए॥ खानिङा उन्‍ङाना ओबोल्‌ङाना टोॽवाचि पारचार चोगानुम् नुङ् उन्‍ङा खानि डुम्‍बारिक्‌लाम्‍मा उन्‍ङाना डोङ् ठोङ्‌डिना ओव्‍हाङ्‌ङि माआप्‌टिए॥