रोमि 7:14 - आठपहरिया

¹⁴ सेङ्‌सेङ्‌ना हाङ्‌सालाम्‍मा माङ्‌हाङ्‌ङा मोसा धारमाबिधि पिडुना नुङ् आनिलाउङ्‌सा ठाहा युङ्‌ग्‍वा॥ टरो आङाम्‍बाक् याप्‌मि एडोक्, हिट्‌नुङ् ठिबाङ् चाकार छोङ्‌सि गाड्‌डे डोक् आङा चा पाप लाउङ्‌सा छुक्‍टेसाङे॥

रोमि 7:14 ပူးပေါင်းရင်းမြစ်များ

मात्‌ति 16:23

टरो येसु पाटरुसलेङ् नोक्‍टाउङ् लोडुए, “हाउ सैतान, आङालाम्‍मा या खाडा, खान्‍ङा माङ्‌हाङ् उनिङ्‌ग्‍वा गाड्‌डे चोक्‍मा आछाक्‍ङेट्‌ङा, पोङ्‌भोने खान् माङ्‌हाङ् गाड्‌डे आमिट्‌निना, टरो याप्‌मिङाना निङ्‌ग्‍वा गाड्‌डे आमिट्‌ना॥”

मात्‌ति 18:25

टरो हिट्‌ना याप्‌मिङा ओनाॽवा हुङ्‌मा हिडुवाट्‌टुन्, हिट्‌नुङ् ओडाङ्‌बाङा खान् आप्‍पे हिट्‌नुङ् ओपाङ्‌ढाङ्‌मा हिट्‌नुङ् ओछालेट्‌चि हिट्‌नुङ् हिट्‌नाङाना सोब्‍बे थोक्‌चि छोङ्‌सानुमुङ् नाॽवा हुङानुम् पिक्‍सा लोडुचे॥

मात्‌ति 5:22

टरो आङा खानि लोनाँनि, खोना चा आरु याप्‌मिलोक् ओयाक्‍लेड्‌युक् भोने हिट्‌नाङा चा साजाए टोगुटु, जुन्‍ङा आरु ‘ठोनाबा’ लोडुटु हिट्‌ना माङ्‌हाङ्‌ङा ओचाफेन्‍लोक् साजाए पिडुटु॥ जुन्‍ङा आरु याप्‌मि साराप याङुटु हिट्‌ना झान् योनालोग्‌ङिना मिङि ठायुक्॥

मात्‌ति 5:28

टरो आङा खानि लोनाँनि, खोनाङा चा मेन्‍झेमा ओचाफेन्‍ना निङ्‌ग्‍वाङा पुयुटु भोने हिट्‌नाङा हाले डोक् उनिङ्‌ग्‍वाङि इम्‍मेप्‍माजामा टोॽवा चोगुएट्‌टुटु॥

लुका 5:8

हिट्‌नुङ् ना रिङ् निसुङ् येसुङा ओटाकानाङि गुङ् चोगाउङ् सिमोन पाटरुसङा लोडुए, “आडाङ्‌बा, आङा ओचाफेन्‍ना टोॽवा काचोक् याप्‌मि, आङालाम्‍मा खाडायेट्‌टा॥”

लुका 7:6

हिट्‌नुङ् येसु हिट्‌नागालोक् खाडे॥ टरो उन्‌चि काप्‍तानङा ओपाङ् टामा नुङ्‌ना पाइले डोक् काप्‍तानङा नाड्‌डेना खाबोर लोडुचिउङ् ओसाइबाचि पाङ्‌सुचे, “आडाङ्‌बा, आपाङ्‌ङि टामाउङ्‌सा याङ्‌छामा फोगुन्, पोङ्‌भोने खान् आपाङ्‌ङि स्‍वागाट् चोक्‍मा आङा आप्‍पेलोङ्‌सा नुना याप्‌मि ठानाँ चोक्‌निङ्‌ना॥

रोमि 3:9

हिड्‌डे भोने पाक् आन्‍याँ याहुदिचि आरु याप्‌मिचि नुङ्‌ना आझै ओचेट्‌नुगा इ टे? हिड्‌डे माखाक्॥ पोङ्‌भोने आङा पाइले डोक् लोमा हिनाइनाने, याहुदिचि उलियाक् आथाबा पानिछोङ्‌बाचि ख्‍वाप्‍पा याप्‌मिचि पापङा लिन्‍डुएसुचे॥

रोमि 6:6

आनिना ना चोलालाम्‍मा पापङाना आधिकार जाखाम् उलियाक्, हिट्‌नुङ् हाट्‌लेउङ् पापङाना ओकामारा आनि उलिसिन्‍चा नुङ् आनिना पाइलेना चोला याप्‌मिचिङा येसु खाप्‍चेङि उछुडुनाँ उन्‌लोक् डोक् खाप्‍चेङि छुडाना रिङ् आनिलाउङ्‌सा ठाहा युङ्‌ग्‍वा॥

रोमि 7:18

पोङ्‌भोने आङा पापि याप्‌मि लिसाङ्‌नाँ आनिङ्‌ग्‍वाङि ओचेट्‌नुना रिङ् पाक्‍चा वाइना नुङ् आङा ठाहा टोगुङ्‌टुङ्॥ हिट्‌नुङ् आङा ओचेट्‌नु टोॽवा चोक्‍माना निङ्‌ग्‍वा चोगुङ्‌टुङ्, टरो हिट्‌ना आङा चोक्‍मा हिनिङ्‌ना॥

गालाति 4:3

हिट्‌नाड्‌डे डोक् माङ्‌हाङ् आन्‍याँ मिसेन् निमा पाइले, आन्‍याँ चा पिच्‍छाचि गाड्‌डे लिसिङे, पोङ्‌भोने ना नाराङि सासान् काचोक् ओभेन्‍गा हाङ्‌साङागा आधिन्‌ङि वासेट्‌टिङागा॥

एफिसि 3:8

सोब्‍बे माङ्‌हाङ् ओयाप्‌मिचि माड्‌डे आङा सोब्‍बे नुङ्‌ना खाट्‌टिउना लिसाङ् चा खिरिस्‍टङाना आड्‌डिक् बाहुमुल्‍ले नुना खाबोर पानिछोङ्‌बाचि पारचार चोक्‍माना बारदान माङ्‌हाङ्‌ङा आङा याङ्‌पिडे॥

हिब्‍रु 4:12

पोङ्‌भोने माङ्‌हाङ् उरिङ् उहिङ्‌ग्‍वाट् हिट्‌नुङ् साक्‌तिसालि ए, हिट्‌नुङ् ना इप्‍पोक्‌लेङ् ओधार लिसाना चेप्‍सा नुङ्‌ना चा आड्‌डिक् यान्‍ना ए॥ चेप्‍साङा याप्‌मिङाना उमिकिलिक्‌चि हिट्‌नुङ् उसारुॽवाङाना उछि फाडु गाड्‌डे डोक्, ना रिङ्‌ङा भिट्‌रा ठेट्‌निना हिट्‌ना याप्‌मिङाना ओसोक्‍मा हिट्‌नुङ् हाङ्‌साङाना ओभागा फाडुटु, हिट्‌नुङ् याप्‌मिङाना उनिङ्‌ग्‍वाङिना रिङ् लोक् पाक् चोक्‍मा मिट्‌टुटुना हिट्‌ना चा जाँच चोगुटु॥