रोमि 6:9 - आठपहरिया

⁹ पोङ्‌भोने खिरिस्‍ट सियानालाम्‍मा उहिङ्‌ग्‍वाट् लिसे हिट्‌नुङ् उन् फेरि सिनिना नुङ् आनि ठाहा टोगुम्‍टुम्॥ हिट्‌नुङ् हाट्‌लेउङ् पापङाना बोल्‍ङा उन् आधिन् चोगुन्‍ना॥

रोमि 6:9 ပူးပေါင်းရင်းမြစ်များ

रोमि 5:14

आदाम ओबेला नुङ् धारमाबिधि काछेप् मोसाङा ओबेला सोम्‍मा ख्‍वाप्‍पा याप्‌मिचि उसिए॥ आदामङाम्‍बाक् माङ्‌हाङ्‌ङाना आग्‍याँ पालान् चोग्‍वाट्‌टुन् नुङ् उन् सिए, टरो आरु याप्‌मिचिङा आदामङा चोगुना गाड्‌डेना पाप ओचोग्‍वाट्‌टुन् चा हिट्‌नागा आझै चा उसिए॥ आदामबाक् हान्‍डेङ् टाना खिरिस्‍टङाना उरुप् डाना॥

रोमि 6:10

खिरिस्‍ट सियानाँ उन् पापङाना ओसाक्‌ति मेट्‌मा लोङ्‌सा ठिक्‍ए खेप् सिए, उन् फेरि काइले चा सिनिना॥ हाट्‌ले उन् उहिङ्‌ग्‍वाट् वाहेट् हिट्‌नुङ् उन् माङ्‌हाङ् माहिमा पिमा लाउङ्‌सा हिङ्‌युक्॥

रोमि 6:14

हिट्‌नुङ् पापङा खानि उठुङ्‌ङि आधिन् चोगुन्‍ना, पोङ्‌भोने खानि धारमाबिधिङाना ओआधिन्‌ङि माखाक्, टरो माङ्‌हाङ्‌ङाना ओदायामायाङाना आधिन्‌ङि आवासेट्‌टि॥

रोमि 6:4

हिट्‌नाडेउङ् जब आनि बाप्‌टिस्‍मा लाडुमे, आनि सिइए हिट्‌नुङ् खिरिस्‍टलोक् डोक् हुमिए॥ हिट्‌नुङ् माङ्‌हाङ् पाबाङा उन्‍ङाना माहिमाङाना ओबोल्‍ङा खिरिस्‍ट सियानालाम्‍मा उहिङ्‌ग्‍वाट् चोगु गाड्‌डे डोक् आनि चा ओछोङ्‌ग्‍वाट् चोला टोगुम्‍मे॥

हिब्‍रु 7:16

हिट्‌नुङ् उन् लेबिचिगा पुङ्‌लालाम्‍मा पुजारि लिमा कोन्‍डाना नुङ् धारमाबिधिङा माट्‌टु गाड्‌डे उन् पुजारि लिसाना माखाक्, टरो खोना बेला चा जाखाम् लिनिना चोलाङाना बोल्‌लाम्‍मा उन् पुजारि लिसाना॥

हिब्‍रु 7:25

हिट्‌नाड्‌डेउङ् येसुङि बिस्‍वास ओचोगुङ् माङ्‌हाङ् सोरि ओखाट्‌गा याप्‌मिचि उन्‍ङा सोरोक् लाउङ्‌सा बाचाँ चोक्‍मा हिडुचिचि, पोङ्‌भोने हिट्‌नागा लाउङ्‌सा माङ्‌हाङ्‌ङि बिन्‌टि चोक्‍माबिमा उन् सोरोक् उहिङ्‌ग्‍वाट् वाहेट्॥

पारकास 1:18

उहिङ्‌ग्‍वाट्म्‍बाक् आङा डोक् ए॥ आङा सियाङ् चा, आङा सोरोक् उहिङ्‌ग्‍वाट् ए॥ आङालोक् मिरतु हिट्‌नुङ् पातालङिना साँचो युङ्‌ग्‍वा॥