रोमि 6:6 - आठपहरिया

⁶ आनिना ना चोलालाम्‍मा पापङाना आधिकार जाखाम् उलियाक्, हिट्‌नुङ् हाट्‌लेउङ् पापङाना ओकामारा आनि उलिसिन्‍चा नुङ् आनिना पाइलेना चोला याप्‌मिचिङा येसु खाप्‍चेङि उछुडुनाँ उन्‌लोक् डोक् खाप्‍चेङि छुडाना रिङ् आनिलाउङ्‌सा ठाहा युङ्‌ग्‍वा॥

रोमि 6:6 ပူးပေါင်းရင်းမြစ်များ

रोमि 6:12

हिट्‌नाडेउङ् खानिना ना सियुएट्‌ना येम्‌ङि पापलाउङ्‌सा आधिन् चोक्‍मा पिनेनुम्, हिट्‌नुङ् खानि येम्‌ङा चोक्‍मा कोलुगा ओचाफेन्‍गा थोक्‌चि चोक्‍मा पिनेनुम्॥

रोमि 6:22

टरो हाट्‌ले खानिङा पापलाम्‍मा छुट्‌कारा आटोगुएसुम्‍मे, हिट्‌नुङ् माङ्‌हाङ्‌ङाना कामारा आलिसेसिए॥ हाट्‌ले खानि सेङ्‌सेङ् आलिसिटि हिट्‌नुङ् खोना बेला चा लाट्‌निना चोला आटोगुम्‍टुम्॥

रोमि 7:14

सेङ्‌सेङ्‌ना हाङ्‌सालाम्‍मा माङ्‌हाङ्‌ङा मोसा धारमाबिधि पिडुना नुङ् आनिलाउङ्‌सा ठाहा युङ्‌ग्‍वा॥ टरो आङाम्‍बाक् याप्‌मि एडोक्, हिट्‌नुङ् ठिबाङ् चाकार छोङ्‌सि गाड्‌डे डोक् आङा चा पाप लाउङ्‌सा छुक्‍टेसाङे॥

रोमि 8:13

पोङ्‌भोने खानिङा पापलोक्‍ना निङ्‌ग्‍वाङा चोगु गाड्‌डे आचोगुम्‍टुम् भोने खानि आसिइटि॥ टरो सेङ्‌सेङ्‌ना हाङ्‌साङाना ओसाक्‌तिङा पापलोक्‍ना निङ्‌ग्‍वा आसेडुम्‍टुम् भोने, खानि उहिङ्‌ग्‍वाट् आलिसिटि॥

२ कोरिन्‌थि 5:14

आन्‍याँ जे चोगुम्‍टुम्‍मा हिट्‌नाउम्‍टे खिरिस्‍टङा आन्‍याँ माया याप्‌मि चोगानाँ चोगुम्‍टुम्‍मा, पोङ्‌भोने छेम्‍बा डोक् आन्‍याँ ना रिङ् ठाहा टोगुम्‍टुम्‍मा सोब्‍बे याप्‌मिचि लाउङ्‌सा ठिबाङ् सिए, हिट्‌नाड्‌डेउङ् सोब्‍बे याप्‌मिचि उसियागा रिङ् आन्‍याँ बिस्‍वास चोगुम्‍टुम्‍मा॥

गालाति 2:20

आङा खिरिस्‍टलोक् खाप्‍चेङि छुडाइसाङे, हिट्‌नुङ् हाट्‌लेलाम्‍मा आङा आप्‍पे हिङ्‌निङ्‌ना, टरो खिरिस्‍ट डोक् आङि हिङ्‌युक्॥ आझै आङा ना येम्‌ङि हिङ्‌ङा, टरो आङा माया काचोक् हिट्‌नुङ् ओचोला कापि माङ्‌हाङ् छाङि बिस्‍वास चोगुङुङ् आङा हिङ्‌ङा॥

गालाति 5:24

खिरिस्‍ट येसुङि उलिगा याप्‌मिचि टेप्‍माङा उन्‌चि पापलोक्‍ना चोलालोक् ओभेन्‍गा निङ्‌ग्‍वा चा खाप्‍चेङि ओसेडुटु॥

गालाति 6:14

टरो आङाम्‍बाक् आरु रिङ्‌ङि माखाक्, आनि टाङ्‌बा येसु खिरिस्‍ट खाप्‍चेङि सियाना रिङ्‌ङि एडोक् ठेलोक् नाभुक् चोगुङ्‌टुङ्॥ उन् खाप्‍चेङि सियानाँ आङा लाउङ्‌सा नाराङिगा थोक्‌चि पाक्‍चा माखाक्, हिट्‌नुङ् नारा लाउङ्‌सा आङा पाक्‍चा माखाक्॥

एफिसि 4:22

हिट्‌डेउङ् पाइलेना खानिगा उचाफेम्‍मा चाट्‌लाङा खानि जाखाम् माचोगिट्‌टि हिट्‌नुङ् ना पाइलेना चोलालोक् नाहिगा ख्‍वाप्‍पा ओचाफेन्‍गा रिङ्‌चि नामा कोन्‌युक् नुङ् खानिङा सिकाँ आलिसेसिए॥

कालास्‌सि 3:5

हिड्‌नाड्‌डेउङ् खानिगा पापलोक्‍ना निङ्‌ग्‍वालाम्‍मा ओहोन्‍गा ओभेन्‍गा रिङ्‌चि चोक्‍मा नाडानुम्॥ हिट्‌नागाम्‍बाक् इम्‍मेप्‍माजामा टोॽवा, आसुद्‌दो टोॽवा चोक्‍मा, निङ्‌ग्‍वाङि छोम्‍बोक् छोम्‍बोक् लिमा, भेन्‍ना निङ्‌ग्‍वा चोक्‍मा, हिट्‌नुङ् लोभि लिमा ए॥ याप्‍मा लोभि लिमाम्‍बाक् मुरति साम्‍माङ् चोक्‍मा गाड्‌डे डोक् ए॥

तितास 3:3

ठिक् बेला आनि आप्‍पे चा डोम्‍डोम्‍गा, रिङ् खेम्‌निम्‍गा हिट्‌नुङ् ठागाँ लिसिगा याप्‌मि लिसिएसिगा॥ आनि जोम् ओचाफेन्‍ना निङ्‌ग्‍वा लोक् ओचाफेन्‍लोक् मोज्‍मोज्‍जाङाना कामारा लिसेइसिगा॥ आनि चोला ख्‍वाप्‍पा दुस्‍टा हिट्‌नुङ् रेक् काप्‍मा रिङ्‌ङा इप्‍टुएसुना, हिट्‌नुङ् याप्‌मिचिङा चिम्‍मा आफुट्‌टागा हिट्‌नुङ् याप्‌मिचि चिम्‍मा फुट्‌टुम्‌चिम्‍गा याप्‌मिचि वासेट्‌टिगा॥