रोमि 6:4 - आठपहरिया

⁴ हिट्‌नाडेउङ् जब आनि बाप्‌टिस्‍मा लाडुमे, आनि सिइए हिट्‌नुङ् खिरिस्‍टलोक् डोक् हुमिए॥ हिट्‌नुङ् माङ्‌हाङ् पाबाङा उन्‍ङाना माहिमाङाना ओबोल्‍ङा खिरिस्‍ट सियानालाम्‍मा उहिङ्‌ग्‍वाट् चोगु गाड्‌डे डोक् आनि चा ओछोङ्‌ग्‍वाट् चोला टोगुम्‍मे॥

रोमि 6:4 ပူးပေါင်းရင်းမြစ်များ

युहान्‍ना 11:40

येसुङा हिट्‌ना लोडुए, “बिस्‍वास आचोगुए भोने, खान्‍ङा माङ्‌हाङ्‌ङाना माहिमा आनिसुटु नुङ् आङा लोनाना माखाइ टे?”

युहान्‍ना 2:11

येसुङा चोगुगा चिन्‍नाचि माड्‌डे ना पाइलेना चिन्‍ना उन्‍ङा गालिलङाना कानाङि चोगुए॥ नाड्‌डेउङ् येसुङा उन्‍ङाना माहिमा पारकाट् चोगुए, हिट्‌नुङ् ओचेलाचिङा उन्‌ङि बिस्‍वास ओचोगुए॥

मुलिचेला टोॽवा 2:24

टरो माङ्‌हाङ्‌ङा उन् सिमाना याङ्‌छामालाम्‍मा छुट्‌कारा पिडुए हिट्‌नुङ् उहिङ्‌ग्‍वाट् चोगुए, पोङ्‌भोने सिमाना रिङ्‌ङा उन् छाक्‍मा हिडुवाट्‌टुन्॥

मुलिचेला टोॽवा 2:32

“माङ्‌हाङ्‌ङा येसु सियानालाम्‍मा उहिङ्‌ग्‍वाट् चोगुना रिङ् आनि ख्‍वाप्‍पाङा निसुएसुम्‍मे॥

रोमि 6:19

आङा खानिङा बुजा चोक्‍मा आहिडुम्‍ना रिङ्‌ङि डोक् डाङ्‌बा लोक् चाकारङाना बारेङि माट्‌टुएट्‌टुङ्॥ पाइले खानिङा खानि येम् ओचाफेन्‍गा टोॽवा चोक्‍मा चाकार गाड्‌डे डोक् ओभेन्‍गा रिङ् लाउङ्‌सा आपिडुम्‍मे॥ हाट्‌ले खानि चोला माङ्‌हाङ्‌ङाना ओनाभाक्‌ङि ओचेट्‌नुना टोॽवा चोक्‍मा चाकार गाड्‌डे डोक् पिडानुम्, हिड्‌डेउङ् खानि चोला चा सेङ्‌सेङ् लियुक्॥

रोमि 6:3

आनि खिरिस्‍ट येसु रोक् कारिक्‍बाचिङा चुवाङाना बाप्‌टिस्‍मा लाडुम्‍नाँ उन्‌लोक् डोक् सिइना रिङ् खानिलाउङ्‌सा ठाहा युङ्‌ग्‍वा टे॥

रोमि 6:8

हाट्‌ले आनि खिरिस्‍टलोक् सिइए भोनेम्‍टे उन्‌लोक् उहिङ्‌ग्‍वाट् चा लिसिटि नुङ् आनि बिस्‍वास चोगुम्‍टुम्॥

रोमि 6:9

पोङ्‌भोने खिरिस्‍ट सियानालाम्‍मा उहिङ्‌ग्‍वाट् लिसे हिट्‌नुङ् उन् फेरि सिनिना नुङ् आनि ठाहा टोगुम्‍टुम्॥ हिट्‌नुङ् हाट्‌लेउङ् पापङाना बोल्‍ङा उन् आधिन् चोगुन्‍ना॥

रोमि 7:6

टरो हाट्‌ले पाइला आनि आधिन्‌ङि आचोगोना धारमाबिधिलाम्‍मा छुट्‌कारा टोगुएसुम्‍मे, पोङ्‌भोने आनि खिरिस्‍टलोक् एक्‍केउ सिइए॥ हाट्‌ले आन्‍याँ पाइले छेप्‍बालाक् धारमाबिधिङाना पारा माङ्‌हाङ्‌ङाना सेवा चोक्‌निम्‍माना, टरो सेङ्‌सेङ्‌ना हाङ्‌सालाम्‍मा ओछोङ्‌ग्‍वाट् पारा सेवा चोगुम्‍टुम्‍मा॥

रोमि 8:11

सेङ्‌सेङ्‌ना हाङ्‌साङा येसु सियानालाम्‍मा उहिङ्‌ग्‍वाट् चोगुए॥ खानि येम् सिचा खानिङि लिसाना सेङ्‌सेङ्‌ना हाङ्‌साङाना ओबोललाम्‍मा माङ्‌हाङ्‌ङा खानि उहिङ्‌ग्‍वाट् माचोगिटि॥

१ कोरिन्‌थि 6:14

माङ्‌हाङ् ओबोल्‍ङा टाङ्‌बा सियानालाम्‍मा उहिङ्‌ग्‍वाट् चोगुए, हिट्‌नुङ् उन्‍ङाना ओबोल्‍ङा डोक् आनि चा उहिङ्‌ग्‍वाट् आचोक्‌युक्॥

२ कोरिन्‌थि 13:4

छेम्‍बा डोक्, याप्‌मिचिङा खिरिस्‍ट खाप्‍चेङि उछुडुनाँ फेटुलो डाना, टरो चा माङ्‌हाङ् ओबोल्‍ङा उन् उहिङ्‌ग्‍वाट् चोगुए॥ हिट्‌नुङ् आनि चा उन् गाड्‌डे डोक् फेटुलो लिसेसिए, टरो माङ्‌हाङ् ओबोललाम्‍मा खानि माझाङि आन्‍याँ टोॽवाङि उन्‌लोक् हिङिटिङा॥

२ कोरिन्‌थि 5:17

नाड्‌डेउङ् कोइ याप्‌मि खिरिस्‍टङि वाहेट् भोने, हिट्‌ना ओछोङ्‌ग्‍वाट् याप्‌मि लियुक्॥ पाइलेगा रिङ् मासाउङ् खाडे, पुयानुम्, हाट्‌ले सोब्‍बे रिङ् ओछोङ्‌ग्‍वाट् उलिसेसे॥

एफिसि 4:17

हाट्‌ले आङा टाङ्‌बाङाना आधिकारलाम्‍मा खानि लोनाँनि, खानि माङ्‌हाङ् मिसेन् उनिसुन्‍गेट्‌टुन्‍गा याप्‌मिचि गाड्‌डे लिनेनिन्, पोङ्‌भोने हिट्‌नागाँगा मिप्‍माना निङ्‌ग्‍वा डोक् खेडोक्‍ना॥

एफिसि 5:8

पोङ्‌भोने पाइले खानि निङ्‌ग्‍वा ओमाक्‍पा डाना, टरो हाट्‌ले खानि टाङ्‌बा ओयाप्‌मिचि आलिसिनाँ माङ्‌हाङ् ओव्‍हाङ् खानिलोक् युङ्‌ग्‍वा॥ हिट्‌डेउङ् हिट्‌ना व्‍हाङ्‌ङिगा पिच्‍छाचि गाड्‌डे डोक् वासानि॥

कालास्‌सि 3:10

हिट्‌नुङ् हाट्‌ले खानि ओछोङ्‌ग्‍वाट् चाट्‌ला लिसाना याप्‌मि आलिसिएसिए॥ माङ्‌हाङ्‌ङा खानि ओछोङ्‌ग्‍वाट् याप्‌मि माचोगिए, हिट्‌नुङ् उन्‍ङा खानि उन् गाड्‌डे डोक् आझै झान् झान् माचोगेएट्‌टि, हिट्‌डेउङ् खानिङा छेम्‍बा डोक् उन् मिसेन् आनिसुम्‍टुम्॥

कालास्‌सि 4:1

हाउ डाङ्‌बाचि, खानि कामाराचि टो यो मिचोक्‍ङे नुलोक् चाट्‌ला मेट्‌टानुम्‌चिम्॥ टोनालोग्‌ङि खानिगा चा डाङ्‌बा युङ्‌ग्‍वा नुङ् मिट्‌टानुम्॥

१ पाटरुस 3:21

हिट्‌नुङ् ना चुवाङा बाप्‌टिस्‍माङाना साङ्‌केट् चोगुटु, जुन्‍ङा खानि माहिङिटि॥ ना येम्‌ङिना रिग्‍वाट् वासिडि गाड्‌डे माखाक्, टरो ना चोखो मिप्‍माना बोल्‍ङा माङ्‌हाङ्‌लोक् चोक्‍बालाक् चामारसिङा ए॥ येसु खिरिस्‍ट सियानालाम्‍मा उहिङ्‌ग्‍वाट् लिसानाँ ना बाप्‌टिस्‍माङा खानि आहिङिटि॥

१ युहान्‍ना 2:6

माङ्‌हाङ्‌ङि वाङेट्‌ना पिक्‍ना याप्‌मिङा खिरिस्‍टङाना ओचाट्‌ला गाड्‌डे वामा कोन्‌युक्॥