रोमि 6:19 - आठपहरिया

¹⁹ आङा खानिङा बुजा चोक्‍मा आहिडुम्‍ना रिङ्‌ङि डोक् डाङ्‌बा लोक् चाकारङाना बारेङि माट्‌टुएट्‌टुङ्॥ पाइले खानिङा खानि येम् ओचाफेन्‍गा टोॽवा चोक्‍मा चाकार गाड्‌डे डोक् ओभेन्‍गा रिङ् लाउङ्‌सा आपिडुम्‍मे॥ हाट्‌ले खानि चोला माङ्‌हाङ्‌ङाना ओनाभाक्‌ङि ओचेट्‌नुना टोॽवा चोक्‍मा चाकार गाड्‌डे डोक् पिडानुम्, हिड्‌डेउङ् खानि चोला चा सेङ्‌सेङ् लियुक्॥

रोमि 6:19 ပူးပေါင်းရင်းမြစ်များ

मात्‌ति 4:23

येसुङा याहुदि छुम्‍मापाङ्‌ङि सिकाँ चोक्‍सा माङ्‌हाङ् उमुलुक् बारेङि नुना खाबोर पारचार चोक्‍सा सोब्‍बे पारिक्‍ङागा रोगा लाहाब् उलिसागा हिट्‌नुङ् उटुगागा याप्‌मिचि नुमानिङ् चोगुचिउङ् गालिल छेट्‌रा टेप् लिन्‍डुए॥

रोमि 15:1

आनि बिस्‍वास माङ्‌हाङ्‌ङि बोल्‍लेउ लिसिगाँ आप्‍पे आनि एडोक् चाप्‍टामा लिसिना रिङ् पुमा लिनिना, टरो बिस्‍वासङि निम्‍छारो उलिसागा याप्‌मिचि घुवार फामाचि कोन्‌युक्॥

रोमि 3:5

टरो आनिना ओचाफेन्‍ना चाट्‌लाङा माङ्‌हाङ्‌म्‍बाक् धारमि नुङ् आझै याप्‌मिचि पारचिन्‍दा ठेट्‌लोक् चोगुटु भोने, हाट्‌ले आन्‍याँ पाक् माट्‌टुम्‍माना टे? आनि याप्‌मि लिसिनाँ याप्‌मिङा निङ्‌ग्‍वा चोगु गाड्‌डे माङ्‌हाङ्‌ङा आनि साजाए पिमाम्‍बाक् उन्‍ङा नुना चोग्‍वाट्‌टुन् नुङ् माप्‍मा हिडुम्‍टुम्॥ टरो पाक् आनि हिड्‌डे माप्‍मा हिडुम्‍टुम्‌नि टे?

रोमि 6:13

खानि येम्‌ङिना खोना चा आङ्‌गाचि पाप चोक्‍मा हिट्‌नुङ् ओभेन्‍गा टोॽवा चोक्‍मा पिनेनुम्॥ टरो खानि आप्‍पेलाउङ्‌सा माङ्‌हाङ्‌ङि पिडानुम्, पोङ्‌भोने खानि आसिइगा याप्‌मिचि गाड्‌डेगा डोक् आवासेट्‌टिगा टरो हाट्‌ले खानिङा ओछोङ्‌ग्‍वाट् चोला आटोगुएसुम्‍मे॥ हिट्‌डेउङ् खानि आङ्‌गाचि ओचेट्‌नुना टोॽवा चोक्‍माउङ्‌सा माङ्‌हाङ् पिडानुम्॥

रोमि 7:23

टरो आनिङ्‌ग्‍वाङि आरको साक्‌तिङा काम चोगुना आङा ठाहा टोगुङ्‌टुङ्॥ हिट्‌ना साक्‌ति आङाना आनिङ्‌ग्‍वाङाना नियामङाना बिरुद्‌दाङि चुङ्‌युक्, हिट्‌नुङ् हिट्‌नाँ आङि लिसाना पापङाना नियामङिना आधिन्‌ङि आङा याङ्‌चोक्‌युक्॥

रोमि 8:26

हिट्‌नाडेडोक् सेङ्‌सेङ्‌ना हाङ्‌साङा चा आनि पाक्‍चा चोक्‍मा हिनिम्‍ना बेला घुवार आफायुक्॥ हिट्‌ना बेला खोड्‌डे पारिक् बिन्‌टि चोक्‍मा कोन्‌युक्‍ना, आनि ठाहा टोग्‌निम्‍ना, टरो सेङ्‌सेङ्‌ना हाङ्‌सा आप्‍पेङा माप्‍मालोक् हिनिम्‍ना रिङ्‌ङि आनि निङ्‌ग्‍वालाम्‍मा बिन्‌टि आठाङ्‌युबियुक्॥

१ कोरिन्‌थि 5:6

नागा रिङ्‌ङि खानि ठेमाजामा लिमाम्‍बाक् ओचेट्‌नुना लिनिना॥ खानिङा नाड्‌डे माप्‍बालाक् रिङ् ठाहा आटोगुम्‍टुम्, “पिठोङि खाट्‌टिप्‍मा एडोक् खामिर काङेभोने ख्‍वाप्‍पा पिठो डोक् बोङ्‌ना चोगुटु॥”

१ कोरिन्‌थि 6:11

खानि माड्‌डे आम्‍टेप्‍मा ठिक् बेला नाड्‌डेगा डोक् आवासेट्‌टिगा डागा॥ टरो माङ्‌हाङ्‌ङा खानि पाप माटुगिबिडिसिए, हिट्‌नुङ् सेङ्‌सेङ् माचोगिएसिए॥ हाटले टाङ्‌बा येसु खिरिस्‍टङा चोगुनाँ हिट्‌नुङ् आनि माङ्‌हाङ्‌ङाना ओहाङ्‌सालाम्‍मा माङ्‌हाङ्‌ङा खानि धारमोति याप्‌मि नुङ् माछेम्‌डिएसिए॥

१ कोरिन्‌थि 9:8

ना आङा याप्‌मिङाना निङ्‌ग्‍वालाम्‍मा एडोक् माट्‌टुङ्‌ना माखाक्, धारमाबिधिङा चा नाड्‌डे डोक् माट्‌टुटु॥

गालाति 3:15

बिस्‍वासि भुम्‍भु-झान्‍झाचि हिट्‌नुङ् आनो-आन्‍झाचि, हाट्‌ले लेम्‍बासेम्‍बा याप्‌मिङा चोगुना बारेङि ठिक् रिङ् माट्‌टुङ्‌टुङ्, इप्‍पाङ् याप्‌मिङा खोना चा रिङ्‌ङि चोगाचुना चामारसिङा हान्‍डेङ् एग्‍मा हिचुन्‍ना, हिट्‌नुङ् फेरि आरु रिङ् चा थापाँ चोक्‍मा हिचुन्‍ना॥

हिब्‍रु 12:15

माङ्‌हाङ्‌ङाना ओमायादायालाम्‍मा साक्‍चा लाट्‌माङ् उलिनि चा नुङ् ठिबाङ्‌ङा आरको यान्‍दा चोग्‍गा चोक् चोगानि॥ निङ्‌ग्‍वा टुक्‍ना रिङ्‌ङा चुङ्‌माना रिङ् उलिनि चा, हिट्‌नुङ् हिट्‌ना बिखालु गाड्‌डेना निङ्‌ग्‍वा टुक्‍ना रिङ्‌ङा आरु आसुद्‌दो ओचोगुन्‍चा॥

हिब्‍रु 4:15

आनिना सानिङ्‌डाङ्‌बाङा आनिना काम्‍जोरि ठाहा टोगुटु, पोङ्‌भोने आनि गाड्‌डे डोक् उन् याप्‍मा रिङ्‌ङि वारिक्‌ङि ठाए, टरो उन्‍ङा पाप चोग्‍वाट्‌टुन्॥