रोमि 6:13 - आठपहरिया

¹³ खानि येम्‌ङिना खोना चा आङ्‌गाचि पाप चोक्‍मा हिट्‌नुङ् ओभेन्‍गा टोॽवा चोक्‍मा पिनेनुम्॥ टरो खानि आप्‍पेलाउङ्‌सा माङ्‌हाङ्‌ङि पिडानुम्, पोङ्‌भोने खानि आसिइगा याप्‌मिचि गाड्‌डेगा डोक् आवासेट्‌टिगा टरो हाट्‌ले खानिङा ओछोङ्‌ग्‍वाट् चोला आटोगुएसुम्‍मे॥ हिट्‌डेउङ् खानि आङ्‌गाचि ओचेट्‌नुना टोॽवा चोक्‍माउङ्‌सा माङ्‌हाङ् पिडानुम्॥

रोमि 6:13 ပူးပေါင်းရင်းမြစ်များ

लुका 15:24

पोङ्‌भोने ना आइछा सियेसाना, टरो फेरि उहिङ्‌ग्‍वाट् लिसाइसे॥ ना मासेसाना, टरो टुबाइसे॥’ हिट्‌नुङ् हिट्‌नागा आनान्‍दा चोक्‍मा ठालाँ ओचोगुए॥

लुका 15:32

टरो आनि खुसि हिट्‌नुङ् आनान्‍दा चोक्‍मा डोक् कोन्‌युक्, पोङ्‌भोने ना कान्‍झा सियाइसाना, फेरि हिङैसे॥ ना मासेसाना हिट्‌नुङ् टुबाइसे॥’”

युहान्‍ना 5:24

“छेम्‍बा डोक्, आङा खानि लोनाँनि, जुन्‍ङा आरिङ् खेम्‍सुटु हिट्‌नुङ् आङा कापाङ्‌बा माङ्‌हाङ्‌ङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ हिट्‌नुङ् हिट्‌नाँ साजाए टोगुन्‍ना, टरो हिट्‌ना सिमालाम्‍मा चोलाङि पाइले डोक् लिग्‌युएट्‌युक्॥

रोमि 1:29

हिट्‌नागाँ सोब्‍बे पारिक्‍गा ओचाफेन्‍गा रिङ् एडोक् उमिट्‌टुगा, हिट्‌नुङ् ओभेन्‍गा रिङ्‌ङा इप्‍टुचिगा उलिगा॥ हिट्‌नागा लोभि हिट्‌नुङ् चिम्‍मा काफुट्‌चि, रेम्‍सुबा काहिक्‍बा, हिट्‌नुङ् याप्‌मि कासेट्, खेमाबुङ्‌मा ओचोग्‍गा, रिङ् काटेप् उलिगा॥ हिट्‌नागाँ आरुङागा निङ्‌ग्‍वा चोसेक् ओमेट्‌टुचिगा, आरुङागा रिङ् ओमाट्‌टुगा,

रोमि 12:1

हिट्‌डेउङ् आम्‍बु-आन्‍झाचि हिट्‌नुङ् आनो-आन्‍झोचि, माङ्‌हाङ्‌ङा आनि आड्‌डिक् दाया आचोगानाँ खानि आप्‍पेलाउङ्‌सा सेङ्‌सेङ्‌ना हिट्‌नुङ् माङ्‌हाङ्‌ङाना उनिङ्‌ग्‍वा टासुना उहिङ्‌ग्‍वाट् भोक् ठाङ्‌सानुम् नुङ् आङा खानि लोनाँनि॥ पोङ्‌भोने खानिङा माङ्‌हाङ् सेवा चोक्‍मा कोन्‍ना छेम्‍बाना पाराम्‍बाक् ना डोक्॥

रोमि 6:11

हिट्‌ना पारा डोक्, खोड्‌डेउङ् सियाना याप्‌मिङा पाप चोगुन्‍ना, हिट्‌नाडेडोक् खानिङा पाप आचोगुमुङ् आसिए, टरो माङ्‌हाङ् ओचाप् टामा चोक्‍मा हिङ्‌मा कोन्‌युक् नुङ् मिट्‌टानुम्, पोङ्‌भोने खानि खिरिस्‍ट येसुङाना ओयाप्‌मिचि ए॥

रोमि 6:16

खान्‍ङा जुन्‍ङाना रिङ् आखेम्‍सुङ् हिट्‌नाँ मालोडाना रिङ् गाड्‌डे आचोगुटु भोने, खान् हिट्‌नाङाना ओकामारा आलियुक् नुङ् ठाहा आटोगुटु॥ खान् पापङाना आधिन्‌ङि आलियुङ् हिट्‌डेडोक् आचोगुटु भोने खान् आसियुक्, टरो खान्‍ङा माङ्‌हाङ्‌ङाना आग्‍याँ पालान् आचोगुटु भोने माङ्‌हाङ् ओनाभाक्‌ङि खान् धारमोति आलियुक्॥

रोमि 6:19

आङा खानिङा बुजा चोक्‍मा आहिडुम्‍ना रिङ्‌ङि डोक् डाङ्‌बा लोक् चाकारङाना बारेङि माट्‌टुएट्‌टुङ्॥ पाइले खानिङा खानि येम् ओचाफेन्‍गा टोॽवा चोक्‍मा चाकार गाड्‌डे डोक् ओभेन्‍गा रिङ् लाउङ्‌सा आपिडुम्‍मे॥ हाट्‌ले खानि चोला माङ्‌हाङ्‌ङाना ओनाभाक्‌ङि ओचेट्‌नुना टोॽवा चोक्‍मा चाकार गाड्‌डे डोक् पिडानुम्, हिड्‌डेउङ् खानि चोला चा सेङ्‌सेङ् लियुक्॥

रोमि 7:23

टरो आनिङ्‌ग्‍वाङि आरको साक्‌तिङा काम चोगुना आङा ठाहा टोगुङ्‌टुङ्॥ हिट्‌ना साक्‌ति आङाना आनिङ्‌ग्‍वाङाना नियामङाना बिरुद्‌दाङि चुङ्‌युक्, हिट्‌नुङ् हिट्‌नाँ आङि लिसाना पापङाना नियामङिना आधिन्‌ङि आङा याङ्‌चोक्‌युक्॥

रोमि 7:5

पाइले आन्‍याँ येम्‌ङिना निङ्‌ग्‍वा गाड्‌डे चोगुमुङ् वासिङे, हिट्‌नुङ् धारमाबिधिङा ओचाफेन्‍गा रिङ् चोक्‍मा निङ्‌ग्‍वा पोसुए॥ हिट्‌डेउङ् आनिना नाड्‌डेना ओचाफेन्‍ना टोॽवाङा आनि सिमा कोन्‍ना लिसे हिट्‌नुङ् माङ्‌हाङ्‌लाम्‍मा लाप्‍माङ् लिसिए॥

१ कोरिन्‌थि 6:15

खानि येम् खिरिस्‍टङाना ओआङ्‌गा नुङ् पाक् खानिलोङ्‌सा ठाहा वाइना इ? हिड्‌डे भोने पाक् आङा खिरस्‍टङाना आङ्‌गालोङ्‌सा वालाफेडुमा टोॽवा काचोक् ओआङ्‌गालोक् एक्‍केउ चोगुङ्‌नि टे? नाउम् लिमा डोक् हिनिना रिङ् ए॥

१ कोरिन्‌थि 6:20

पोङ्‌भोने माङ्‌हाङ्‌ङा याप्‍मा मुल्‍ले हुङुङ् खानि माइनिगा॥ नाड्‌डेउङ् खानिङा खानि येम्‌ङा माङ्‌हाङ् मान् चोगानुम्॥

१ कोरिन्‌थि 6:9

ओभेन्‍गा याप्‌मिचिङा माङ्‌हाङ् उमुलुक्‌ङि लिक्‍माना हाक् ओटोगुन्‍ना नुङ् पाक् खानिलाउङ्‌सा ठाहा वाइना इ? आप्‍पेलाउङ्‌सा ढाँट् फोक्‍नेनुम्॥ नाड्‌डेगा वालाफेडुबा टोॽवा काचोक्‌चि, मुर्‌ति साम्‍माङ् काचोक्‌चि, इम्‍मेप्‍माजामा टोॽवा काचोक्‌चि, वालाफेडुबा येम्‍बेछाचि, येम्‍बेछा-येम्‍बेछा हिट्‌नुङ् मेच्‍छेमा-मेच्‍छेमा इम्‍मेप्‍माजामा टोॽवा काचोक्‌चि,

२ कोरिन्‌थि 10:4

आनि चालाँ चोगुम्‍गा हातियारम्‍बाक् नाराङिगा याप्‌मिचिङा चालाँ ओचोगुना हातियार माखाक्, टरो माङ्‌हाङ् बिरुद्‌दाङि ओकोब्‍गा माङ्‌जोगा रिङ् हिट्‌नुङ् साट्‌टुरचिगा बोल्‍लेउ ठोङ्‌चि जाखाम् चोक्‍माना माङ्‌हाङ् ओबोल्‌ङाना हातियारम्‍बाक् आनिलोक् युङ्‌ग्‍वा॥

२ कोरिन्‌थि 5:14

आन्‍याँ जे चोगुम्‍टुम्‍मा हिट्‌नाउम्‍टे खिरिस्‍टङा आन्‍याँ माया याप्‌मि चोगानाँ चोगुम्‍टुम्‍मा, पोङ्‌भोने छेम्‍बा डोक् आन्‍याँ ना रिङ् ठाहा टोगुम्‍टुम्‍मा सोब्‍बे याप्‌मिचि लाउङ्‌सा ठिबाङ् सिए, हिट्‌नाड्‌डेउङ् सोब्‍बे याप्‌मिचि उसियागा रिङ् आन्‍याँ बिस्‍वास चोगुम्‍टुम्‍मा॥

२ कोरिन्‌थि 5:15

हिट्‌नुङ् खिरिस्‍ट आनि सोब्‍बे लोङ्‌सा सिए॥ हाट्‌ले साक् आप्‍पे लाउङ्‌सा हिङ्‌युक्‍ना हिट्‌ना हाट्‌लेउङ् आप्‍पे लाउङ्‌सा माखाक्, टरो आनि सोब्‍बे लाउङ्‌सा सियाना हिट्‌नुङ् उहिङ्‌ग्‍वाट् लिसा कोबाना लोङ्‌सा हिङ्‌मा कोन्‌युक्॥

२ कोरिन्‌थि 8:5

हिट्‌नुङ् आन्‍याँ मिप्‍मा डोक् मिट्‌नेट्‌निम्‍माना रिङ् हिट्‌नागाँ ओचोगुए॥ पाइले हिट्‌नागाँ आप्‍पेलाउङ्‌सा टाङ्‌बाङाना सेवा चोक्‍मा निङ्‌ग्‍वा ओचोगुए, हिट्‌नुङ् माङ्‌हाङ्‌ङाना निङ्‌ग्‍वा गाड्‌डे चोक्‍मा हिट्‌नागाँ आन्‍याँ मुक्‌ङि चा याप्‌मि उपिडे॥

एफिसि 2:5

हिट्‌नाड्‌डेउङ् आनि पाप चोगुमुङ् सिएसिगा नुङ् चा उन्‍ङा खिरिस्‍ट सियानालाम्‍मा उहिङ्‌ग्‍वाट् चोगुङ् आनि चोला आपिडे॥ माङ्‌हाङ्‌ङा मायादाया माचोगिनाँ उन्‍ङा खानि माहिङेसिए॥

एफिसि 5:14

हिट्‌डेउङ् याप्‌मिचिङा नाड्‌डे ओमाट्‌टुटु, “हाउ आइम्‌सिगा याप्‌मिचि, कोबानि हिट्‌नुङ् सिमालाम्‍मा उहिङ्‌ग्‍वाट् लिसानि, हिट्‌नुङ् खिरिस्‍टङाना व्‍हाङ् खानिङि ओम्‌युक्॥”

फिलिप्‌पि 1:20

आङा खोना बेला चा मोम्‍मासिमा उलिनिङ् चा नुङ् आङाना आड्‌डिक् आनिङ्‌ग्‍वा हिट्‌नुङ् आसा युङ्‌ग्‍वा, टरो आङा पाइले चोगुङ् गाड्‌डे डोक् मिकेट्‌ङे खिरिस्‍टङाना बारेङि चेक्‍मा कोन्‍ङा॥ हिट्‌नुङ् आङा सिङा चा, हिङ्‌ङा चा आचोलालाम्‍मा खिरिस्‍टङाना मान् चोगुङ्‌टुङ् नुङ् आङा भोरोसा युङ्‌सुङ्‌टुङ्॥

कालास्‌सि 2:13

ठिक् बेला खानिङा पाप आचोगुमुङ् हिट्‌नुङ् आझै खानिगा पापलोक्‍ना निङ्‌ग्‍वा टुक्‌निगेट्‌निना डानाउङ् खानि हाङ्‌साङि आसिएसिगा, टरो हाट्‌ले माङ्‌हाङ्‌ङा खानिगा ख्‍वाप्‍पा पापचि छेमा माचोगिबिडिउङ् खानि खिरिस्‍टलोक् उहिङ्‌ग्‍वाट् माचोगेइसे॥

कालास्‌सि 3:5

हिड्‌नाड्‌डेउङ् खानिगा पापलोक्‍ना निङ्‌ग्‍वालाम्‍मा ओहोन्‍गा ओभेन्‍गा रिङ्‌चि चोक्‍मा नाडानुम्॥ हिट्‌नागाम्‍बाक् इम्‍मेप्‍माजामा टोॽवा, आसुद्‌दो टोॽवा चोक्‍मा, निङ्‌ग्‍वाङि छोम्‍बोक् छोम्‍बोक् लिमा, भेन्‍ना निङ्‌ग्‍वा चोक्‍मा, हिट्‌नुङ् लोभि लिमा ए॥ याप्‍मा लोभि लिमाम्‍बाक् मुरति साम्‍माङ् चोक्‍मा गाड्‌डे डोक् ए॥

२ थेसालोनिकि 2:12

हिड्‌डेउङ् छेम्‍बाना रिङ् बिस्‍वास ओचोगुन्‍गा, टरो ओभेन्‍गा टोॽवाङि डोक् हारका उलिगा सोब्‍बे याप्‌मिचि माङ्‌हाङ्‌ङा साजाए पिडुचिचि॥

२ तिमोथि 2:15

मोम्‍मासिमा मिलिए हिट्‌नुङ् छेम्‍बाना रिङ् नुलोक् चालाँ काचोक् सेवाक गाड्‌डे डोक् माङ्‌हाङ् उनिङ्‌ग्‍वा टालोक् उन् सोरि आप्‍पेलोङ्‌सा नुलोक् लिमायाक्‍मा कोसिस चोगा॥

याकुब 4:1

खानि माझाङि खेमाबुङ्‌मा लोक् चुङ्‌माना रिङ् खोनालाम्‍मा होन्‌युक्‍ना? पाक् नागा ख्‍वाप्‍पा थोक्‌चि खानि निङ्‌ग्‍वा भिट्‌रा चुङ्‌ना ओचाफेन्‍ना निङ्‌ग्‍वालाम्‍मा होन्‌निनै टे?

१ पाटरुस 2:24

आनि पाप लाउङ्‌सा सिइउङ् धारमिक्‍ता लाउङ्‌सा हिङि नुङ् खिरिस्‍ट आप्‍पेङा ओयेम्‌ङि आनि पाप खाप्‍चेङि खुयुए॥ हिड्‌नाड्‌डेउङ् उन्‍ङाना खेसिक्‌लाम्‍मा खानि आनुइए॥

१ पाटरुस 4:2

हाट्‌ले ना चोला लिलोक् याप्‌मिङाना ओचाफेन्‍ना निङ्‌गुवा गाड्‌डे माखाक्, टरो माङ्‌हाङ् उनिङ्‌गुवा गाड्‌डे चोगानिउङ् युङानि॥

१ युहान्‍ना 1:9

टरो आनि पाप माङ्‌हाङ्‌ङाना ओटोकानाङि काएल्-काबु चोगुम्‍टुम् भोने, उन्‍ङा आनि पाप छेमा आचोक्‌युबियुक् हिट्‌नुङ् सोब्‍बे ओचाफेम्‍मा रिङ्‌लाम्‍मा आनि सेङ्‌सेङ् आचोक्‌युक्, पोङ्‌भोने उन् बिस्‍वासयोग्‍ए हिट्‌नुङ् धारमोति ए॥