रोमि 5:8 - आठपहरिया

⁸ टरो आनि पापि लिसिनाँ डोक् माङ्‌हाङ्‌ङा खिरिस्‍ट आनि लाउङ्‌सा सिमा पाङ्‌सुङ् उन्‍ङा औधि माया आचोक्‍ना रिङ् आनिमेट्‌टे॥

रोमि 5:8 ပူးပေါင်းရင်းမြစ်များ

युहान्‍ना 15:13

साइबाचि लोङ्‌सा चोला पिमा नुङ्‌ना ठेना माया आरु पाक्‍चा वाइना॥

युहान्‍ना 3:16

पोङ्‌भोने माङ्‌हाङ्‌ङा ना नाराङिगा याप्‌मिचि आम्‍टेप्‍मा जोम् माया चोगुचे, उन्‍ङा उन्‍ङाना ठिबाङ् एना छा चा आपिडे, हिड्‌डेउङ् उन्‌ङि बिस्‍वास काचोक् खोना चा जाखाम् उलिन्‍याक्, टरो हिट्‌नाँ खोना बेला चा लाट्‌निना चोला ओटोगुवाक्॥

रोमि 3:5

टरो आनिना ओचाफेन्‍ना चाट्‌लाङा माङ्‌हाङ्‌म्‍बाक् धारमि नुङ् आझै याप्‌मिचि पारचिन्‍दा ठेट्‌लोक् चोगुटु भोने, हाट्‌ले आन्‍याँ पाक् माट्‌टुम्‍माना टे? आनि याप्‌मि लिसिनाँ याप्‌मिङा निङ्‌ग्‍वा चोगु गाड्‌डे माङ्‌हाङ्‌ङा आनि साजाए पिमाम्‍बाक् उन्‍ङा नुना चोग्‍वाट्‌टुन् नुङ् माप्‍मा हिडुम्‍टुम्॥ टरो पाक् आनि हिड्‌डे माप्‍मा हिडुम्‍टुम्‌नि टे?

रोमि 4:25

ना येसु डोक् आनि पाप लाउङ्‌सा माङ्‌हाङ्‌ङा सिमा पाङ्‌सुए हिट्‌नुङ् माङ्‌हाङ्‌ङा ओनाभाक्‌ङि आनि धारमोति चोक्‍माउङ्‌सा येसु सियानालाम्‍मा उहिङ्‌ग्‍वाट् चोगुए॥

रोमि 5:20

याप्‌मिचि आप्‍पेङा इम्‍टेप्‍मा औधि पाप ओचोगुएना हिट्‌ना रिङ् ठाहा ओटोगुवाक् नुङ् माङ्‌हाङ्‌ङा हिट्‌नागा धारमाबिधि पिडुचे॥ टरो याप्‌मिचिगा पाप पोया चा माङ्‌हाङ्‌ङा कायाङ्‌छाबाचि उन्‍ङाना मायादाया औधि याप्‍मा निमेट्‌टुचे॥

रोमि 5:6

छेम्‍बा डोक्, पाइले आनि पापलाम्‍मा छुट्‌कारा टोक्‍मा आनि पाक्‍चा चोक्‍मा हिनेट्‌निम्॥ टरो जब माङ्‌हाङ्‌ङा टोङ्‌सुना बेला टाए, खिरिस्‍ट आनि पापि याप्‌मिचि लोङ्‌सा सिए॥

रोमि 5:7

हाट्‌ले धारमोति याप्‌मि लोङ्‌सा सिमा कोन्‍ना याप्‌मि टोक्‍मा आड्‌डिक् टुक्‌युक् होला, हिट्‌नुङ् चा छेम्‍बा डोक् नुना याप्‌मि लाउङ्‌सा कोइ याप्‌मि सिमा आँट् चोक्‍मा हिडुटु॥

रोमि 8:32

हिट्‌नुङ् उन्‍ङा आप्‍पे उइछा धारि जोगाँ चोगुङ् युङ्‌सुवाट्‌टुन्, टरो आनि ख्‍वाप्‍पा लोङ्‌सा आपिडे॥ उन्‍ङा आप्‍पे उइछा आनि आपिडे भोने, पाक् उन्‍ङा आनिलाउङ्‌सा ख्‍वाप्‍पा थोक् आपिनिनै टे?

रोमि 8:39

हिट्‌नुङ् टो टाङ्‌साङिगा आथाबा यो नाराङि उलिसागा साक्‌तिङा आथाबा हान्‍डेङ् लिगा खोना चा थोक्‌चिङा आनि टाङ्‌बा खिरिस्‍ट येसुलाम्‍मा टोगुम्‍ना माङ्‌हाङ्‌ङाना ओमायालाम्‍मा साम्‍मा आहिनिना॥

गालाति 2:20

आङा खिरिस्‍टलोक् खाप्‍चेङि छुडाइसाङे, हिट्‌नुङ् हाट्‌लेलाम्‍मा आङा आप्‍पे हिङ्‌निङ्‌ना, टरो खिरिस्‍ट डोक् आङि हिङ्‌युक्॥ आझै आङा ना येम्‌ङि हिङ्‌ङा, टरो आङा माया काचोक् हिट्‌नुङ् ओचोला कापि माङ्‌हाङ् छाङि बिस्‍वास चोगुङुङ् आङा हिङ्‌ङा॥

एफिसि 2:7

नाड्‌डेउङ् माङ्‌हाङ्‌ङा खिरिस्‍ट येसुलाम्‍मा उन्‍ङाना ओदाया आनि आनिमेट्‌टे, हिट्‌डेउङ् हान्‍डेङ्‌म्‍बाक् उन्‍ङाना ओदाया आम्‍टेप्‍मा ठेना नुङ् याप्‌मिचिङा उनिसुटु॥

एफिसि 5:2

खिरिस्‍टङा आनि माया आचोगे हिट्‌नुङ् उन्‍ङा आप्‍पे ओचोला भोक् चोगुङ् आनि लाउङ्‌सा आपिडे हिट्‌नुङ् बुङ्‌बुङ् नाम्‍ना ढुपा गाड्‌डे डोक् माङ्‌हाङ्‌ङि ठाङ्‌सुए॥ हिट्‌डेडोक् खानिङा सोरोक् आरु याप्‌मिचि माया चोगानुम्‌चिम्॥

१ तिमोथि 1:16

टरो येसु खिरिस्‍टङा उन्‌ङि बिस्‍वास ओचोगुङ् लाट्‌निना चोला काटोक्‌चि लोङ्‌सा उन्‍ङा चोगुना धैइरेताङाना सिको काचोग्‍बा लिमा उहिङा नुङ् आङा गाड्‌डेना सोब्‍बे नुङ्‌ना औधि पापि याप्‌मि उन्‍ङा लुक्‍मा याङ्‌टुक्‍टे॥

हिब्‍रु 8:3

सोब्‍बे सानिङ्‌डाङ्‌बाचि भेटि हिट्‌नुङ् भोक् ठाङ्‌माउङ्‌सा नियुक्‍टा उलियुक्॥ हिट्‌नाड्‌डेउङ् आनि सानिङ्‌डाङ्‌बालोक् भोक् ठाङ्‌मा लाउङ्‌सा पालोवालो थोक्‍उम् लिमा डोक् कोलाना डाना॥

१ पाटरुस 3:18

पोङ्‌भोने खिरिस्‍ट आनि पाप लोङ्‌सा एक्‍के खेप् सिए॥ ठिबाङ् नुना याप्‌मि कायाङ्‌छाबा याप्‌मिचि लाउङ्‌सा सिए॥ खिरिस्‍टङा आनि माङ्‌हाङ् सोरि खाप्‍माउङ्‌सा हिड्‌डे चोगुए॥ उन् याप्‌मिचिगा गाड्‌डे येम्‌ङि लिसानाँ सिए, टरो माङ्‌हाङ्‌ङाना ओहाङ्‌साङा उन् फेरि उहिङ्‌ग्‍वाट् चोगुए॥

१ युहान्‍ना 3:16

हाट्‌ले येसु खिरिस्‍टङा आनि लोङ्‌सा ओसोक्‍मा लेडुङ् छेम्‍बाना माया खोड्‌डेना नुङ् आन्‍याँ बुजा चोगुएसुम्‍मे॥ आनि चा आप्‍पे आनि बिस्‍वासि भुम्‍भु-झान्‍झाचि आथाबा नाना-झान्‍झाचि लोङ्‌सा आनि सोक्‍मा पिमा कोन्‌युक्॥