रोमि 3:3 - आठपहरिया

³ ना रिङ् छेम्‍बा डोक् इम्‍टेप्‍मा याहुदिचिङा माङ्‌हाङ्‌ङि ओचोगुना चामारसिङा पालान् ओचोग्‍वाट्‌टुन्॥ हिट्‌डे भोने आम्‍टेप्‍माङा पालान् ओचोग्‍वाट्‌टुन्‍ना कारानङा डोक् माङ्‌हाङ्‌ङा उन्‍ङा चोगुना चामारसिङा चोगुन्‍ना इ टे?

रोमि 3:3 ပူးပေါင်းရင်းမြစ်များ

मात्‌ति 24:35

टोनालोग् हिट्‌नुङ् नारा मेग्‌युखाट्‌युक्, टरो आङा लोनानिगा रिङ्उम्‍बाक् मेग्‌निखाट्‌निना॥

युहान्‍ना 1:16

उन्‌ङि लिसाना जोम् मायादायालाम्‍मा आनि सोब्‍बेङा याप्‍मा आसिक् ए आसिक् टोगुएसुम्‍मे॥

रोमि 10:16

टरो हिट्‌नागा सोब्‍बेङा नुना खाबोर पालान् ओचोगुन्‍गेट्‌टुन्‍ना, पोङ्‌भोने यासैयाङा माट्‌टुटु, “हाउ टाङ्‌बा, आन्‍याँ माट्‌टुम्‍माना खाबोर साङा बिस्‍वास ओचोगुएना टे?”

रोमि 11:29

पोङ्‌भोने माङ्‌हाङ्‌ङा आनि आपिडाना बारदान नोक्‍टुखाट्‌टुन्‍ना हिट्‌नुङ् उन्‍ङा सेगुचिगा याप्‌मिचि बारेङि उनिङ्‌ग्‍वा फेराँ चोगुन्‍ना॥

रोमि 9:6

हाट्‌ले माङ्‌हाङ्‌ङा उन्‍ङाना बाचा इस्‍राइलि याप्‌मिचिङि पुरो चोग्‍वाट्‌टुन् नुङ् आङा माट्‌टुङ्‌ना माखाक्, टरो आङा माप्‍मा कोलुङ्‌ना रिङ्‌म्‍बाक् इस्‍राइलि छोङ्‌बाङि ओपोङ्‌सागा सोब्‍बे याप्‌मिचि माङ्‌हाङ् ओयाप्‌मिचि उलिनिगा॥

२ कोरिन्‌थि 3:18

टाङ्‌बाङि बिस्‍वास काचोक् आनि सोब्‍बेङा आनि नाभाक् घुम्‍टोङा मिटेप्‍मे उन्‍ङाना माहिमा पारकाट् चोगुम्‍टुम्॥ टाङ्‌बा हाङ्‌सा ए, हिट्‌नुङ् उन्‍ङा आनि उन् गाड्‌डे डोक् आड्‌डिक् याप्‍मा फेराँ आचोक्‌युङ् आझै झान् उन्‍ङाना माहिमाङि ओम्‌सिटि॥

२ थेसालोनिकि 1:3

भुम्‍बु-झान्‍झाचि हिट्‌नुङ् आनो-आन्‍झाचि, खानि लोङ्‌सा सोरोक् आन्‍याँ माङ्‌हाङ् पोए-पोए पिमा डोक् कोन्‌युक्, हिट्‌नुङ् नाड्‌डे चोक्‍मा नुयुक्‍चा, पोङ्‌भोने खानि बिस्‍वास माङ्‌जोम् पोयुगेट्, हिट्‌नुङ् खानिङा ठिबाङ्‌ङा आरको औधि जोम् माया चोग्‍गा चोक् आचोगेट्‌टि॥

२ तिमोथि 2:13

आनि बिस्‍वासिलो लिसिन्‍चा उन् उम्‍टे बिस्‍वासिलो डोक् वाहेट्, पोङ्‌भोने उन्‍ङा आप्‍पेलोङ्‌सा इन्‍कार चोक्‍मा हिडुन्‍ना॥

हिब्‍रु 4:2

युङ्‌माना डेन् बारेङि नुना खाबोर आनि खेम्‍सुम् गाड्‌डे डोक् आनि टुबाठेबाचिङा चा ओखेम्‍सुए॥ टरो हिट्‌नागाँ ओखेम्‍सुना रिङ् हिट्‌नागा लाउङ्‌सा खेडोक् लिसे, पोङ्‌भोने हिट्‌नागाँ हिट्‌ना रिङ् बिस्‍वास ओचोगुवाट्‌टुन् हिट्‌नुङ् हिट्‌नागा आरुङा बिस्‍वास ओचोगुना रिङ्‌ङि ओटोङे॥