रोमि 3:23 - आठपहरिया

²³ पोङ्‌भोने सोब्‍बे याप्‌मिचिङा पाप ओचोगुएसुए, हिट्‌नुङ् माङ्‌हाङ्‌ङाना माहिमा टोक्‍मालाम्‍मा लाप्‍माङ् उलिसेसेए॥

रोमि 3:23 ပူးပေါင်းရင်းမြစ်များ

रोमि 1:28

हिट्‌नुङ् हिट्‌नागाँ माङ्‌हाङ् पिमा कोन्‍ना मान् पिमा चा ओनाडुए॥ हिट्‌डेउङ् माङ्‌हाङ्‌ङा हिट्‌नागा चोक्‍मा लिनिना टोॽवा ओचोगुवाक् नुङ् उन्‌चि ओचाफेन्‍ना निङ्‌ग्‍वाङि डोक् लेडुचे॥

रोमि 11:32

माङ्‌हाङ्‌ङा सोब्‍बे याप्‌मिचि खाम्‍बाङ्‌ङि ओठायागा गाड्‌डे डोक् चोगुचे, पोङ्‌भोने हिट्‌नागाँ उन्‍ङाना आग्‍याँ पालान् ओचोग्‍वाट्‌टुन्॥ हिट्‌नुङ् हिट्‌नागा ख्‍वाप्‍पालाउङ्‌सा उन्‍ङाना दाया निमेट्‌मा उन्‍ङा हिट्‌डे चोगुए॥

रोमि 3:19

हाट्‌ले धारमाबिधिङा जे रिङ् माट्‌टुटु हिट्‌ना धारमाबिधिङाना आधिन्‌ङि उलिगा याप्‌मिचिलाउङ्‌सा माट्‌टुना रिङ् नुङ् आन्‍याँ ठाहा टोगुम्‍टुम्‍मा॥ नाड्‌डेउङ् साक्‍लोक् चा पाक्‍चा माप्‍माना रिङ् लिनिना हिट्‌नुङ् नाराङिगा ख्‍वाप्‍पा याप्‌मिचि माङ्‌हाङ्‌ङाना न्‍याए सोरि येप्‍मा कोन्‌युक्॥

रोमि 3:9

हिड्‌डे भोने पाक् आन्‍याँ याहुदिचि आरु याप्‌मिचि नुङ्‌ना आझै ओचेट्‌नुगा इ टे? हिड्‌डे माखाक्॥ पोङ्‌भोने आङा पाइले डोक् लोमा हिनाइनाने, याहुदिचि उलियाक् आथाबा पानिछोङ्‌बाचि ख्‍वाप्‍पा याप्‌मिचि पापङा लिन्‍डुएसुचे॥

रोमि 5:2

येसु खिरिस्‍टङि आनि बिस्‍वास चोगुम्‍नाङा माङ्‌हाङ्‌ङा उन्‍ङाना मायादाया आनि आनिमेट्‌टेसे, हिट्‌डेउङ् हाट्‌ले आनि टोगुम्‍ना माङ्‌हाङ्‌ङाना मायादाया ठाहा टोगुम्‍टुम्॥ हिट्‌नुङ् आन्‍याँ निङ्‌ग्‍वाङि डोक् खुसि लिसिटिङा, पोङ्‌भोने माङ्‌हाङ्‌ङा उन्‍ङाना माहिमाङि आनि साहाभागि आचोक्‌युक् नुङ् आनि आसा चोगुम्‍टुम्॥

गालाति 3:22

टरो धारमाछाप्‍लाङा आनि सोब्‍बे पापङाना आधिन्‌ङि लिसेइसिए नुङ् माट्‌टुटु, हिट्‌डेउङ् येसु खिरिस्‍टङि बिस्‍वास चोगुमुङ् एडोक् माङ्‌हाङ्‌ङा चोगुना चामारसिङा आनि टोगुम्‍टुम्॥

१ थेसालोनिकि 2:12

हिट्‌नुङ् आन्‍याँ खानि आरति-उपादेस पिनाने, आँट् पिनाने, हिट्‌नुङ् आनुरोध चोक्‍नाने, हिट्‌डेउङ् खानि चाल चालान् माङ्‌हाङ्‌ङा निङ्‌ग्‍वा टासुना उलियाक्॥ हिट्‌नुङ् उन्‍ङा खानिलाउङ्‌सा उमुलुक्‌ङि हिट्‌नुङ् माहिमाङि माछेम्‌डिटि॥

२ थेसालोनिकि 2:14

ना रिङ् लोङ्‌सा डोक् आन्‍याँ लोनानिगा नुना खाबोरलाम्‍मा आनि टाङ्‌बा येसु खिरिस्‍टङाना साम्‍मान्‌ङाना ओभागा खानिङा चा टोक्‍मा माङ्‌हाङ्‌ङा खानि माछेम्‌डिए॥

हिब्‍रु 4:1

हिट्‌नाड्‌डेउङ् आनि आझै चा माङ्‌हाङ्‌ङाना आराम चोक्‍माना डेन्‌ङि लिग्‍मा हिडिटि नुङ् उन्‍ङाना बाचाङा माट्‌टुटु॥ नाड्‌डेउङ् ओछेक्‍छेक् चोगि, हिट्‌नुङ् हिट्‌ना आराम चोक्‍माना डेन्‌ङि लिग्‍मा ओटोगुन्‍गा खानि माड्‌डे साक्‍चा लिनेनिन्॥

१ पाटरुस 4:13

टरो खिरिस्‍टङाना याङ्‌छामाङि खानि चा साहाभागि आलिसिना रिङ्‌ङि हारका लिसानि, हिट्‌डेउङ् उन्‍ङाना ठेना माहिमा पारकाट् लिनाँ खानि चा आड्‌डिक् आनान्‌दित आलिसिटि॥

१ पाटरुस 5:1

हाट्‌ले माङ्‌पाङ्‌ङिगा ओठेडोङ्‌चि लाउङ्‌सा आङा ठिक् रिङ् लोनाँनि॥ आङा चा माङ्‌पाङ्‌ङिना ओठेडोङ् डोक् हिट्‌नुङ् खिरिस्‍टङा आङ्‌डुना याङ्‌छामा आङा आप्‍पे निसुएसुङ्‌ङे॥ हिट्‌नुङ् ठेट्‌टा लाबाना माहिमाङि साहाभागि आङा चा लिङा॥ आङा खानि साइबा ओठेडोङ् लिसाङ्‌नाँ खानि लोनाँनि,

१ पाटरुस 5:10

हिट्‌नुङ् जोम् मायादाया लिसाना माङ्‌हाङ्‌ङा खिरिस्‍टङि उन्‍ङाना लाट्‌निना माहिमा लाउङ्‌सा खानि माछेम्‌डिइसे॥ हिट्‌डेउङ् खानिङा होप्‍मो बेला सोम्‍मा याङ्‌छामा आआङ्‌डुमुङ् उन्‍ङा डोक् खानि फेरि ओछोङ्‌ग्‍वाट् माचोगिटि हिट्‌नुङ् घुवार माफाडिउङ् बोल्‍लेउ माचोगिटि॥