रोमि 2:7 - आठपहरिया

⁷ जुन् याप्‌मिचिङा ओचेट्‌नुना टोॽवा ओचोगुयाक्‍टुटु, माङ्‌हाङ्‌ङाना माहिमा, मान् चोक्‍मा, हिट्‌नुङ् सिनिना चोला लाउङ्‌सा उहिङ्‌युक् हिट्‌नागा माङ्‌हाङ्‌ङा लाट्‌निना चोला पिडुचिचि॥

रोमि 2:7 ပူးပေါင်းရင်းမြစ်များ

मात्‌ति 25:46

“हिट्‌नुङ् हिट्‌नागाँम्‍बाक् लाट्‌निना साजाए ओटोगुटु, टरो धारमोति याप्‌मिचिउम्‍बाक् खोना बेला चा लाट्‌निना चोलाङि उलिक्‌युक्॥”

लुका 21:19

माङ्‌हाङ्‌ङि बिस्‍वासिलो लिसानि हिट्‌नुङ् खानिङा खोना बेला चा लाट्‌निना चोला आटुबुम्‍टुम्॥”

लुका 8:15

हिट्‌नुङ् ओचेट्‌नुना खाम्‌ङि ओठायागा लालिक्‌उम्‍बाक् माङ्‌हाङ् रिङ् ओखेम्‍सुङ् उन्‌चि निङ्‌ग्‍वाङि ओचेट्‌नुलोक् उयुङ्‌सुगा याप्‌मिचि उलियुक्॥ हिट्‌नागाँ माङ्‌हाङ् रिङ् ओखेम्‍सुङ् हिड्‌डे गाड्‌डे डोक् ओचोगुङ् ढुक्‍का उलियुङ् जोम् टुल्‍फुल ओकेङुटु॥

युहान्‍ना 4:36

चासोङ् काहेक्‍बाङा उनिम्‍याक् टोगुटु, हिट्‌नुङ् उन्‍ङा लाट्‌निना चोला लोङ्‌सा चासोङ् छुम्‍सुटु, हिट्‌डेउङ् लालिक् काहिबा लोक् चासोङ् काहेग्‍बा इप्‍पाङ् डोक् एक्‍केउ हारका लिचिचि॥

युहान्‍ना 5:44

खानिङा ठिबाङ्‌ङा आरकोलाम्‍मा मान् आकोलुम्‍गा, टरो ठिबाङ् एरोक् माङ्‌हाङ्‌लाम्‍मा टोगुम्‍ना मान्‌म्‍बाक् आकोन्‌निम्‍ना भोने खानिङा खोड्‌डेउङ् बिस्‍वास चोक्‍मा आहिडुम्‍टुम्‍ना टे?

रोमि 2:10

टरो ओचेट्‌नुना टोॽवा काचोक् ख्‍वाप्‍पा याप्‌मिचिगा निङ् माङ्‌हाङ्‌ङा टो-टो चोगुबिडुचिचि, हिट्‌नुङ् हिट्‌नागाँ मान् हिट्‌नुङ् सान्‌ति ओटोगुटु, हिट्‌ना चा पाइले याहुदिचिङा ओटोगुटु डोक्, हिट्‌नुङ् पानिछोङ्‌बाचिङा चा ओटोगुटु॥

रोमि 6:23

पोङ्‌भोने पापङाना उनिमेयाक्म्‍बाक् सिमाना साजाए टोग्‍मा ए, टरो माङ्‌हाङ्‌ङा आपिडाना बाहुमुल्‍ये बारदानम्‍बाक् आनि डाङ्‌बा खिरिस्‍ट येसुङि लाट्‌निना चोला टोक्‍मा ए॥

रोमि 8:18

हाट्‌ले ना चोलाङि आनि आङ्‌डुम्‍ना याङ्‌छामालोक् हान्‍डेङ् माङ्‌हाङ्‌ङा आनि आनिमेट्‌ना माहिमा टोङ्‌सुम्‍नाँ हाट्‌ले ना याङ्‌छामा पाक्‍चा माखाक् नुङ् आङा ठाहा टोगुङ्‌टुङ्॥

रोमि 9:23

हिट्‌नुङ् माङ्‌हाङ्‌ङा खोनालाउङ्‌सा दाया चोगुचिचि हिट्‌नुङ् पाइले डोक् उन्‍ङाना माहिमा टोक्‍मा टेयार चोगुचिगा याप्‌मिचि लाउङ्‌सा उन्‍ङाना बाहुमुल्‍ले माहिमा निमेट्‌मा उन्‍ङा नाड्‌डे चोगुए॥

१ कोरिन्‌थि 15:42

हिट्‌नुङ् उसियागा याप्‌मिचि उहिङ्‌ग्‍वाट् उलिनाँ चा नाड्‌डे डोक् लियुक्॥ ना येम् सियुङ् उहुम्‍पाङि हुम्‌युक् हिट्‌नुङ् रोग्‌युक्, टरो ना येम् उहिङ्‌ग्‍वाट् लियुङ् फेरि कोब्‍नाँ खोना बेला चा जाखाम् लिनिना॥

१ कोरिन्‌थि 15:50

आमायालु आम्‍भु-आन्‍झाचि हिट्‌नुङ् आनो-आन्‍झाचि, आङा खानि लोमा कोन्‍नानिगा रिङ्उम्‍बाक्, ना हेलिक् लोक् साङाना येम् सियुक्॥ हिट्‌नुङ् ना ओछोङ्‌गुवाट् मिले सोम्‍मा माङ्‌हाङ्‌ङाना खोना बेला चा लाट्‌निना मुलुक्‌ङि युङ्‌मा टोगुन्‍ना॥

१ कोरिन्‌थि 15:58

हिड्‌नाड्‌डेउङ् आमायालु आम्‍भु-आन्‍झाचि हिट्‌नुङ् आनो-आन्‍झाचि, खानिङा आचोगुम्‍ना बिस्‍वासङि निङ्‌ग्‍वा मिरिङे बोलियो लिसानिउङ् युङायाक्‍टानि॥ टाङ्‌बाङाना ओटोॽवा सोरोक् निङ्‌ग्‍वा पिडानुमुङ् चोगानुम्, पोङ्‌भोने खानिङा आचोगुम्‍ना सोब्‍बे थोक् उन्‌ङि खेरो खाट्‌निना नुङ् खानिलाउङ्‌सा ठाहा युङ्‌ग्‍वा॥

गालाति 6:9

आरु घुवार फामाना रिङ्‌ङि आनि निङ्‌ग्‍वा सेट्‌निम्‍चा, पोङ्‌भोने नाड्‌डे चोगुम्‌याक्‍टुम्‍मे भोने माङ्‌हाङ्‌ङाना ओबेलाङि आनि इनाम टोगुम्‍टुम्॥

एफिसि 6:24

आनि डाङ्‌बा येसु खिरिस्‍टलोङ्‌सा माया काचोक्‌चि सोब्‍बेलोक् माङ्‌हाङ्‌ङाना मायादाया सोरोक् उलियाक्॥

कालास्‌सि 1:27

माङ्‌हाङ्‌ङा ओयाप्‌मिचिलाउङ्‌सा ना माहिमित ठोबाना रिङ् पानिछोङ्‌बाचि लाउङ्‌सा आड्‌डिक् चाहाब् लिना रिङ् नुङ् निमेट्‌माचिगा निङ्‌ग्‍वा चोगुए॥ ना ठोबाना रिङ्उम्‍बाक् खिरिस्‍ट खानिङि लिमा ए, ना रिङ्‌ङा खानि उन्‍ङाना माहिमा टोक्‍माना रिङ्‌ङाना निस्‍चाएता मापिडिटि॥

१ तिमोथि 1:17

हाट्‌ले सोरोक् सासान् काचोक्‍बा हाङ्‌बा, खोना बेला चा सिनिना हिट्‌नुङ् निमा हिनिम्‍ना ठिबाङ् माङ्‌हाङ्‌लोङ्‌सा सोरोक् आदार लोक् माहिमा उलियुयाक्‌याक्॥ आमेन्॥

२ तिमोथि 1:10

हाटले ना मायादाया आनि काहिङ्‌मेप्‍बा डाङ्‌बा खिरिस्‍ट येसु उङ्‌साउङ् माङ्‌हाङ्‌ङा आनि सोरि आनिमेट्‌टाइसे॥ उन्‍ङा डोक् आसेट्‌ना बोल् जाखाम् चोगुए हिट्‌नुङ् नुना खाबोरलाम्‍मा खोना बेला चा लाट्‌निना चोला आनिमेट्‌टे॥

हिब्‍रु 2:7

खान्‍ङा छोप्‍मोङ् बेला लोङ्‌सा याप्‌मि माङ्‌हाङ् रिङ् काउग्‍बाचि नुङ्‌ना उछिक्‌ङि आयुङ्‌सुए॥ हिट्‌नुङ् खान्‍ङा याप्‌मिचि माहिमा हिट्‌नुङ् मान्‌ङाना मुकुट् आमेट्‌टुचे,

हिब्‍रु 6:12

हिट्‌नुङ् खानि आल्‍छे याप्‌मिचि लिनेनिन्, टरो माङ्‌हाङ्‌ङि बिस्‍वास काचोक्‌चि हिट्‌नुङ् माङ्‌हाङ् चामारसिङा चोगुना रिङ् ओटोगुन्‍लोक् धैइरे ओचोगुङ् ओहाङ्‌सुगा गाड्‌डे खानि चा लिसानि नुङ् आन्‍याँ निङ्‌ग्‍वा चोगुम्‍टुम्‍मा॥

हिब्‍रु 6:15

हिट्‌नाड्‌डेउङ् आब्‍राहामङा धैइरे चोगाउङ् हाङ्‌सुए, हिट्‌नुङ् माङ्‌हाङ्‌ङा चोगुना चामारसिङा टोगुए॥

१ युहान्‍ना 2:25

हिट्‌नुङ् उन्‍ङा आनिलोक् माङ्‌हुप् चोगुना रिङ्उम्‍बाक् लाट्‌निना चोला ए॥