रोमि 2:3 - आठपहरिया

³ हिट्‌डेउङ् खानिङा हिट्‌ड्‌डेना टोॽवा ओचोग्‍गा याप्‌मिचि न्‍याए आचोगुम्‌चिम्‍गा, हिट्‌नुङ् खानि आप्‍पेङा चा हिट्‌ना टोॽवा डोक् आचोगुम्‍टुम् भोने, पाक् माङ्‌हाङ्‌ङा साजाए आपिनिना नुङ् खानि आमिट्‌टिटिगि?

रोमि 2:3 ပူးပေါင်းရင်းမြစ်များ

मात्‌ति 23:33

“हाउ बिखालु ओप्‍पुङा ओछालेट्‌चि! खानिङा खोड्‌डेउङ् योनालोग्‌ङिना साजाए टोक्‍मालाम्‍मा होम्‍माना निङ्‌ग्‍वा चोक्‍मा आहिडुम्‍टुम्‍ना?

मात्‌ति 26:53

खान् पाक् आमिट्‌युक्‍ना, पाक् आङा माङ्‌हाङ् पाबाङि बिन्‌टि चोक्‍मा हिनिङ्‌ना इ? हिट्‌नुङ् उन्‍ङा ना बेला डोक् माङ्‌हाङ् रिङ् काउग्‍बाचि बारो पोल्‍टान् नुङ्‌ना जोम् आङा लाउङ्‌सा पाङ्‌सुन्‌चिन्‍गै टे?

लुका 12:14

हिट्‌नुङ् येसुङा हिट्‌ना लोडुए, “हाउ साइबा, साङा खान्‌चि माक्‍फेन्‍सुबेन् काहाम्‍बा याप्‌मि नुङ् याङ्ओचोगेना आथाबा न्‍याए काचोक्‍बा याप्‌मि लिसाङेना?”

लुका 22:58

होप्‍मोङा आरको याप्‌मिङा पाटरुस निसुङ् लोडुए, “खान् चा नागा याप्‌मिचिगा उन्‌चि टाक् डोक्॥” टरो पाटरुसङा लोडुए, “आसाइबा, आङाउम्‍टे माखाक्॥”

लुका 22:60

टरो पाटरुसङा लोडुए, “हाउ आसाइबा, खान् पाक् आपिग्‍येट्‌ना॥ आङा माखाक्, आङा येसु मिसेन् डोक् निनिङ्‌ना॥” पाटरुस चेक्‍टेट्‌टाना बेला डोक् कोक्‍साबा ओक्‍टे॥

रोमि 1:32

हिट्‌नुङ् हिड्‌डेगा टोॽवा काचोक्‌चि माङ्‌हाङ्‌ङा साजाए पिडुचिचि नुङ् हिट्‌नागाँ ठाहा ओटोगु चा, आझै हिट्‌नागाँ हिड्‌डेगा टोॽवा डोक् ओचोगुयाक्‍टुगा॥ हिट्‌टेप्‍मा एडोक् माखाक्, झान् हिट्‌डेगा टोॽवा चोक्‍मा आरु चा ओचाम्‍सुचिचि॥

रोमि 2:1

हाउ आसाइबाचि, खानिङा आरु फाट्‌टुर लाब्‍मा हिडुम्‌चिम्‌चिम्‍मा नुङ् आमिट्‌टिटि होला, टरो खानि जोसुकै आलिसि चा, खानि लाउङ्‌सा पाक्‍चा माप्‍माना रिङ् वाइना॥ जब खान्‍ङा आरु न्‍याए आचोगुचिचि, खान्‍ङा आप्‍पेलाउङ्‌सा चा न्‍याए आचोगुटु, पोङ्‌भोने खान्‍ङा चा हिट्‌नागाँ ओचोगुना रिङ् डोक् आचोगुटु॥

रोमि 2:2

माङ्‌हाङ्‌ङा नाड्‌डेगा ओभेन्‍गा टोॽवा ओचोग्‍गा याप्‌मिचि सात्‍ते रिङ्‌ङाना आधारङि डोक् न्‍याए चोगुचिचि नुङ् आनि ठाहा टोगुम्‍टुम्॥

रोमि 9:20

टरो हाउ याप्‌मि, खान् साइना माङ्‌हाङ्‌ङा चोगुना रिङ् बिरोध काचोक्? खाम्‍ङाना भाँडाङा हिट्‌ना चोगुना याप्‌मि “पोङ् खान्‍ङा आङा नाड्‌डे पाराना याङ्आचोगेना” नुङ् लोडुटुनि टे?

१ थेसालोनिकि 5:3

हिट्‌ना बेला याप्‌मिचिङा सोब्‍बेलेङ् “हाङ्‌हाङ् युङ्‌ग्‍वा हिट्‌नुङ् पाक्‍चा ओचाफेन्‍ना वाइना” पिक्‍सा ओमाट्‌टुगेट्‌टुना बेला मेच्‍छेमा छाडाङ्‌मा बेथा लाहाब् लिसि गाड्‌डे डोक् ठाहा डोक् मिटोक्‍ङे हिट्‌नागा उठुङ्‌ङि नास ठायुक्, हिट्‌नुङ् खोना चा ना जाखाम्‌लाम्‍मा होम्‍मा उहिनिगा॥

हिब्‍रु 12:25

ओछेक्‍छेक् चोगानि, खानिलोक् चेक्‌येट्‌ना उरिङ् खेम्‍मा इन्‍कार चोक्‍नेनुम्॥ पोङ्‌भोने नाराङि खाबोर कालो मोसाङा माङ्‌हाङ् उरिङ् इस्‍राइलि याप्‌मिचि लोडुचिनाँ खेम्‍मा इन्‍कार काचोक्‌चि साजाए पिडुचे भोने, हाट्‌ले आनिलोक् टोनालोग्‌लाम्‍मा चेक्‍ना माङ्‌हाङ् उरिङ् खेम्‍नेट्‌निम् भोने आनि चा साजाए टोगुम्‍टुम्॥

हिब्‍रु 2:3

नाड्‌डेउङ् नाटेप्‍मा औधि ठेना मुक्‌टि आनि इन्‍कार चोगुम्‍टुम् भोने, खोड्‌डेउङ् साजाए टोक्‍मालाम्‍मा आनि हिङिटिगा टे? ना मुक्‌टिङाना बारेङि टाङ्‌बा येसु आप्‍पेङा डोक् पाइले पारचार चोगुए, हिट्‌नुङ् ना रिङ् काखेम्‍बाचिङा ना छेम्‍बाना ए नुङ् आनिलाउङ्‌सा पारमान् याप्‌मि उपिडे॥