रोमि 2:26 - आठपहरिया

²⁶ खाताना ओचोगुन्‍गा पानिछोङ्‌बाचिङा धारमाबिधि पालान् ओचोगुटु भोने, माङ्‌हाङ्‌ङा हिट्‌नागा खाताना उलिसागा गाड्‌डे डोक् मिट्‌टुचिचि॥

रोमि 2:26 ပူးပေါင်းရင်းမြစ်များ

मात्‌ति 15:28

टब येसुङा हिट्‌ना लोडुए, “छेम्‍बा डोक् ए आन्‍झो, काबिस्‍वास ठेना रैछो॥ खान्‍ङा आमाट्‌टु गाड्‌डे डोक् उलियाक्॥” हिट्‌ना बेला डोक् उइछा नुमानिङ् लिसालेट्‌टे॥

रोमि 2:25

खानिङा धारमाबिधि पालान् आचोगुम्‍टुम् भोनेम्‍टे खाताना चोक्‍मा ओचेट्‌नु डोक् ए, टरो धारमाबिधि पालान् आचोक्‌निम्‍ना भोनेम्‍टे खाताना ओचोगुन्‍गा याप्‌मिचि गाड्‌डे डोक् खानि आलिसिटि॥

रोमि 2:27

हिट्‌नाडे लिसानाँ उन्‌चि येम्‌ङि खाताना ओचोगुन्‍गा पानिछोङ्‌बाचिङा धारमाबिधि पालान् ओचोगुटु भोने, हिट्‌नागाँ डोक् खानि फाट्‌टुर मालाबिटि॥ पोङ्‌भोने खानि खाताना काचोक्‍बा याहुदिचिलोक् छेप्‍बालाक् धारमाबिधि लिचा खानिङा आझै धारमाबिधि पालान आचोक्‌निम्‍ना॥

रोमि 3:30

पोङ्‌भोने माङ्‌हाङ् ठिक् एना ए॥ हिट्‌नुङ् उन्‍ङा याहुदिचि उलियाक्, पानिछोङ्‌बाचि उलियाक् ख्‍वाप्‍पा उन्‌चि बिस्‍वासलाम्‍मा डोक् धारमोति चोगुचिचि॥

रोमि 8:4

हाट्‌ले धारमाबिधिङा माट्‌टुगा रिङ् सोब्‍बे चोक्‍मा उहिडुम् नुङ् माङ्‌हाङ्‌ङा हिट्‌डे चोगुए, पोङ्‌भोने हाट्‌ले आनि आनिना पापि निङ्‌ग्‍वा गाड्‌डे वासिन्‍गा, टरो सेङ्‌सेङ्‌ना हाङ्‌साङा निङ्‌ग्‍वा चोगु गाड्‌डे वासिटि॥

गालाति 6:15

हिड्‌नाडेउङ् खाताना चोगुम्‍चा चोक्‌निम्‍चा पाक्‍चा लिनिना, टरो याप्‌मिङाना उनिङ्‌ग्‍वा ओछोङ्‌ग्‍वाट् लिमाम्‍बाक् मुलि रिङ् ए॥

एफिसि 2:11

नाड्‌डेउङ् खानि आपोङ्‌सिनालाम्‍मा डोक् पानिछोङ्‌बाचि नुङ् मुन्‍नेनुम्॥ हिट्‌नुङ् खाताना काचोक्‌चि नुङ् आप्‍पेलाउङ्‌सा कापिक् इस्‍राएलिचिङा खानि “खाताना मालेगा” नुङ् मालोडिगा॥ (ना खातानाम्‍बाक् याप्‌मिचिगा मुक्‍ङा उन्‌चि येम्‌ङि ओचोगुना रिति ए॥)

फिलिप्‌पि 3:3

पोङ्‌भोने छेम्‍बा डोक् माङ्‌हाङ् ओयाप्‌मिचिउम्आनि गोलो टे, आनि हाङ्‌साङा माङ्‌हाङ् माङ्‌ध्‍यान् चोगुम्‍टुम् हिट्‌नुङ् खिरिस्‍ट येसु उनिङ् चोन्‍डुम्‍टुम्॥ आनिम्‍टे याप्‌मिचिङा ओचोगुएट्‌टुना रिति थितिङि भोरोसा युङ्‌निम्‍गा॥

कालास्‌सि 2:11

खानि खिरिस्‍टङि आलिसिनाँ डोक् खानि खाताना आलिसिगा डागा॥ ना रिङ्‌ङा माप्‍मा कोलुनाम्‍बाक् याप्‌मिलाम्‍मा येम्‌ङि खाताना चोक्‍मा माखाक्, टरो खिरिस्‍टङा खानिगा पापलोक्‍ना निङ्‌ग्‍वा ख्‍वाप्‍पा टुगुडिसुए नुङ् माट्‌टुना ए॥