रोमि 2:25 - आठपहरिया

²⁵ खानिङा धारमाबिधि पालान् आचोगुम्‍टुम् भोनेम्‍टे खाताना चोक्‍मा ओचेट्‌नु डोक् ए, टरो धारमाबिधि पालान् आचोक्‌निम्‍ना भोनेम्‍टे खाताना ओचोगुन्‍गा याप्‌मिचि गाड्‌डे डोक् खानि आलिसिटि॥

रोमि 2:25 ပူးပေါင်းရင်းမြစ်များ

मुलिचेला टोॽवा 7:51

“हाउ आड्‌डिक् निङ्‌ग्‍वा भेन्‍गा ओमाक्‍पाचि, खानि माङ्‌हाङ्‌ङाना नुना खाबोर खेम्‍मा आटेन्‌डिन्‍गा॥ खानि टुबाठेबाचिङा ओचोगुगा गाड्‌डे डोक् खानिङा चा आचोगुम्‍गा हिट्‌नुङ् खानिङा जाइले चा सेङ्‌सेङ्‌ना हाङ्‌सा इन्‍कार आचोगुम्‍ना॥

रोमि 2:13

पोङ्‌भोने धारमाबिधिङिगा रिङ् काखेम्‍बा याप्‌मिचि माङ्‌हाङ् ओटोकानाङि धारमोति लिमा उहिनिगा, टरो धारमाबिधि पालान् काचोक्‌चि एडोक् माङ्‌हाङ्‌ङा धारमोति चोगुचिचि॥

रोमि 2:23

धारमाबिधि खानिलोक् युङ्‌ग्‍वा नुङ् ठेलोक् आचोगिगा, टरो खानिङा माङ्‌हाङ् मान् आचोक्‌निम्‍ना, पोङ्‌भोने खानिङा धारमाबिधि पालान् आचोक्‌निम्‍ना॥

रोमि 2:26

खाताना ओचोगुन्‍गा पानिछोङ्‌बाचिङा धारमाबिधि पालान् ओचोगुटु भोने, माङ्‌हाङ्‌ङा हिट्‌नागा खाताना उलिसागा गाड्‌डे डोक् मिट्‌टुचिचि॥

रोमि 2:27

हिट्‌नाडे लिसानाँ उन्‌चि येम्‌ङि खाताना ओचोगुन्‍गा पानिछोङ्‌बाचिङा धारमाबिधि पालान् ओचोगुटु भोने, हिट्‌नागाँ डोक् खानि फाट्‌टुर मालाबिटि॥ पोङ्‌भोने खानि खाताना काचोक्‍बा याहुदिचिलोक् छेप्‍बालाक् धारमाबिधि लिचा खानिङा आझै धारमाबिधि पालान आचोक्‌निम्‍ना॥

रोमि 2:28

पोङ्‌भोने याप्‌मि याहुदि गाड्‌डे निङ्‌युङ् एडोक् हिट्‌नुङ् भारा ओयेम्‌ङि खाताना चोक्‍माना रिति चोगुङ् एडोक् माङ्‌हाङ्‌ङाना छेम्‍बाना याहुदि लिमा हिनिना॥

१ कोरिन्‌थि 7:19

पोङ्‌भोने खाताना चोक्‍मा हिट्‌नुङ् खाताना मिचोक्‍मा ठेना रिङ् माखाक्, टरो माङ्‌हाङ्‌ङाना आग्‍याँ पालान् चोक्‍माउम्‍बाक् मुलि रिङ् ए॥

गालाति 6:13

खाताना उलिसागा याप्‌मिचि आप्‍पेङा चा धारमाबिधि पालान् ओचोगुन्‍गा, टरो खाताना चोक्‍मा मेट्‌टुम्‌चिम्‍मे नुङ् घामान्‍डा चोक्‍मा लाउङ्‌सा एडोक् हिट्‌नागाँ खानि हिट्‌डे चोक्‍मा मामेट्‌टेएट्‌टि॥

गालाति 6:15

हिड्‌नाडेउङ् खाताना चोगुम्‍चा चोक्‌निम्‍चा पाक्‍चा लिनिना, टरो याप्‌मिङाना उनिङ्‌ग्‍वा ओछोङ्‌ग्‍वाट् लिमाम्‍बाक् मुलि रिङ् ए॥