रोमि 2:20 - आठपहरिया

²⁰ खानिङा धारमाबिधिलाम्‍मा माङ्‌हाङ्‌ङाना बारेङि छेम्‍बाना रिङ् ठाहा टोगुम्‍मागा नुङ् खानि आप्‍पेङा आमाट्‌टुम्‍गा, हिट्‌डेउङ् खानिङा पाक्‍चा बुजा ओचोगुन्‍गा हिट्‌नुङ् पिच्‍छाचि गाड्‌डेगा याप्‌मिचि हिसिक्‍माचि कोनुयुक् नुङ् आप्‍पेलाउङ्‌सा आमिट्‌टुम्‍गा॥

रोमि 2:20 ပူးပေါင်းရင်းမြစ်များ

मात्‌ति 11:25

हिट्‌ना बेला येसुङा माट्‌टुए, “हाउ माङ्‌हाङ् आप्‍पा, टोनालोग् हिट्‌नुङ् नाराङिना टाङ्‌बा, आङा खान्‌ङि पोए-पोए ठाङ्‌सुङ्‌टुङ्, पोङ्‌भोने ओचाप्‍पाङ् याप्‌मिचि हिट्‌नुङ् जोम् ठोना उलिसागा याप्‌मिचिलाम्‍मा आठोबुङ् आयुङ्‌सुना नागा रिङ् खान्‍ङा पिच्‍छाचि गाड्‌डेगा याप्‌मिचि आनिमेट्‌टुचे॥

रोमि 2:19

हिट्‌नुङ् खानिङाम्‍बाक् हिट्‌नागा माङ्‌हाङ्‌ङाना लाम्‍बो ठाहा ओटोगुन्‍गेट्‌टुन्‍गा लाउङ्‌सा लाम्‍बो आनिमेट्‌टुम्‌चिम्‍गा याप्‌मिचि नुङ् खानिङा बिस्‍वास आचोगुम्‍टुम्, हिट्‌नुङ् खानिम्‍बाक् डुम्‍बारिक् डुम्‌ङि उलिसागा याप्‌मिचिगा लाउङ्‌सा व्‍हाङ् गाड्‌डेगा ए॥

रोमि 3:31

पाक् बिस्‍वासङा ना धारमाबिधि बेकामे चोगुटु नुङ् खानि आमिट्‌टिटिगि? हिट्‌डे माखाक्, आन्‍याँ येसु खिरिस्‍टङि बिस्‍वास चोगुम्‍टुम्‍मा भोने, धारमाबिधि आझै काम लाहाब् लिना नुङ् आन्‍याँ बिस्‍वास चोगुम्‍टुम्‍मा॥

रोमि 6:17

पाइलेम्‍बाक् खानि पापङाना आधिन्‌ङि आलिसेसिगा, टरो हाट्‌लेम्‍बाक् आलिसिन्‍गेट्‌टिन्‍गा॥ हिट्‌डेउङ् आङा माङ्‌हाङ् पोए-पोए ठाङ्‌सुङ्‌टुङ्, पोङ्‌भोने खानिङा आटोगुम्‍ना छेम्‍बाना हिसिक्‍मा पुरो खानि निङ्‌ग्‍वाङा डोक् पालान् आचोगुएसुम्‍मे॥

१ कोरिन्‌थि 3:1

मायालु आम्‍भु-आन्‍झाचि, आङा खानिलोक् चेक्‍टाङ्‌नाँ सेङ्‌सेङ्‌ना हाङ्‌सा ओटोगुगा याप्‌मिचिलोक् चेक्‌टि गाड्‌डे आङा चेक्‍मा हिनेट्‌निङ्, टरो आङाम्‍टे खानिलोक् नाराङिगा याप्‌मिचि गाड्‌डे आथाबा बिस्‍वासङि लोप्‍मोगा नुनु उठुङुगा ओओचिलोक् चेक्‌टि गाड्‌डे चेक्‍टाङे॥

२ तिमोथि 1:13

खिरिस्‍ट येसुङि लिसाना बिस्‍वास लोक् मायाङि खान्‍ङा आङालाम्‍मा आखेम्‍सुगा नागा छेम्‍बागा रिङ्‌चिगा नामुनाङाना सिको चोगु॥

२ तिमोथि 3:5

हिट्‌नुङ् धारमाकारमा चोगि गाड्‌डे काचोक्‍बा, टरो हिट्‌निना साक्‌तिम्‍बाक् लाट्‌मा इन्‍कार ओचोगुगा॥ नाड्‌डेगा याप्‌मिचिलाम्‍मा खान् लाम्‍माङ् डोक् युङा॥

तितास 1:16

हिट्‌नागाँ माङ्‌हाङ् मिसेन् निसुएसुम्‍मे पिक्‍साम्‍बाक् ओमाट्‌टुगा, टरो उन्‌चि टोॽवा लाम्‍माम्‍बाक् माङ्‌हाङ् बिरोध ओचोगुना॥ हिट्‌नागा चिम्‍मा फुट्‌टुम्‌चिम्‍गा, रिङ् ओखेम्‌निगा हिट्‌नुङ् हिट्‌नागा खोना चा नुना टोॽवा चोक्‍मा काहिबा ओवाइगा॥

हिब्‍रु 5:13

नुनु एडोक् ठुङुना याप्‌मि आझै ओओ डोक् लियुक्, हिट्‌नुङ् हिट्‌नाङा ओचेट्‌नुना लोक् ओचाफेन्‍ना रिङ् बुजा चोक्‍मा हिडुन्‍ना॥

याकुब 3:1

आम्‍बु-आन्‍झाचि हिट्‌नुङ् आनो-आन्‍झाचि, खानि माड्‌डे याप्‍मा जाना काहिसिक्‍बा लिनेनिन्, पोङ्‌भोने आनि काहिसिक्‍बाचिगा आरु नुङ्‌ना आझा टुक्‍लोक् न्‍याए लियुक् नुङ् खानिलोङ्‌सा ठाहा युङ्‌ग्‍वा॥

१ पाटरुस 2:2

लोप्‍मो पोङ्‌साना ओओ नुनु ठुङ्‌मा लाउङ्‌सा ओसाॽवासा गाड्‌डे डोक् खानि चा माङ्‌हाङ्‌ङाना छेम्‍बाना रिङ् ठुङ्‌मा निङ्‌ग्‍वा पिडानुम्, हिट्‌नुङ् खानि हिट्‌नालाम्‍मा मुक्‌टिङि पोसा आखाडिटि॥