रोमि 2:2 - आठपहरिया

² माङ्‌हाङ्‌ङा नाड्‌डेगा ओभेन्‍गा टोॽवा ओचोग्‍गा याप्‌मिचि सात्‍ते रिङ्‌ङाना आधारङि डोक् न्‍याए चोगुचिचि नुङ् आनि ठाहा टोगुम्‍टुम्॥

रोमि 2:2 ပူးပေါင်းရင်းမြစ်များ

मुलिचेला टोॽवा 17:31

पोङ्‌भोने नाराङिगा ख्‍वाप्‍पा याप्‌मिचि न्‍याए चोक्‍माना लेम्‍बा माङ्‌हाङ्‌ङा सेक्‍मा हिडुएसुए हिट्‌नुङ् हिट्‌ना लेम्‍बा उन्‍ङा आप्‍पेङा सेगुनाँ ठिबाङ् याप्‌मिलाम्‍मा न्‍याए चोगुटु॥ हिट्‌ना याप्‌मि सियानालाम्‍मा उहिङ्‌ग्‍वाट् चोगुना सोब्‍बे याप्‌मिचि उन्‍ङा पारचिन्‍दा निमेट्‌टुचे॥”

रोमि 2:1

हाउ आसाइबाचि, खानिङा आरु फाट्‌टुर लाब्‍मा हिडुम्‌चिम्‌चिम्‍मा नुङ् आमिट्‌टिटि होला, टरो खानि जोसुकै आलिसि चा, खानि लाउङ्‌सा पाक्‍चा माप्‍माना रिङ् वाइना॥ जब खान्‍ङा आरु न्‍याए आचोगुचिचि, खान्‍ङा आप्‍पेलाउङ्‌सा चा न्‍याए आचोगुटु, पोङ्‌भोने खान्‍ङा चा हिट्‌नागाँ ओचोगुना रिङ् डोक् आचोगुटु॥

रोमि 2:3

हिट्‌डेउङ् खानिङा हिट्‌ड्‌डेना टोॽवा ओचोग्‍गा याप्‌मिचि न्‍याए आचोगुम्‌चिम्‍गा, हिट्‌नुङ् खानि आप्‍पेङा चा हिट्‌ना टोॽवा डोक् आचोगुम्‍टुम् भोने, पाक् माङ्‌हाङ्‌ङा साजाए आपिनिना नुङ् खानि आमिट्‌टिटिगि?

रोमि 2:5

टरो खानिउम् जिद्‌दि, हिट्‌नुङ् काएल्-काबु लिमा आटेन्‌डिन्‍गा, हिट्‌डेउङ् माङ्‌हाङ्‌ङाना ओरेक् टाना बेला लाउङ्‌सा खानिङा आप्‍पेङा टोक्‍माना साजाए जोम् आचोगुएट्‌टुम्॥ हिट्‌ना बेला ख्‍वाप्‍पा याप्‌मिचिङा माङ्‌हाङ्‌ङाना धारमोति न्‍याए उनिसुटु॥

रोमि 9:14

हाट्‌ले आनि पाक् माट्‌टुम्‍ना टे? पाक् माङ्‌हाङ्‌ङा आन्‍याए चोगुटुनि टे? हिट्‌डे चोक्‌निना॥

पारकास 16:5

हिट्‌नुङ् चुवा उठुङ्‌ङि आधिकार लिसाना माङ्‌हाङ् रिङ् काउग्‍बाङा माङ्‌हाङ् नाड्‌डे लोडुना रिङ् आङा खेम्‍सुङे, “हाउ सेङ्‌सेङ्‌ना माङ्‌हाङ्, खान् आच्‍छो बेला चा आवासेट्‌टाना हिट्‌नुङ् हाट्‌ले चा आवाहेट् डोक् ए, खान्‍ङा नाड्‌डेगा बिपोत्‌तिचि आपाङ्‌सुङ् न्‍याए आचोगुए, खान्‍ङा आचोगुना न्‍याए माहामाना ए॥

पारकास 19:2

पोङ्‌भोने उन्‍ङा न्‍याए टो यो मिचोक्‍ङे हिट्‌नुङ् माहामा चोगुटु, हिट्‌नुङ् नाराङिगा याप्‌मिचि भेन्‍ना टोॽवा चोक्‍मा मेट्‌टुचिगा हिट्‌ना दुस्‍टा वालाफेडुमा उन्‍ङा न्‍याए चोगुएसुए॥ माङ्‌हाङ्‌ङा हिट्‌ना खालाङ्‌गा साजाए पिडुए, पोङ्‌भोने हिट्‌ना खालाङ्‌गाङा माङ्‌हाङ् ओसेवाक्‌चि सेडुचे॥”