रोमि 2:19 - आठपहरिया

¹⁹ हिट्‌नुङ् खानिङाम्‍बाक् हिट्‌नागा माङ्‌हाङ्‌ङाना लाम्‍बो ठाहा ओटोगुन्‍गेट्‌टुन्‍गा लाउङ्‌सा लाम्‍बो आनिमेट्‌टुम्‌चिम्‍गा याप्‌मिचि नुङ् खानिङा बिस्‍वास आचोगुम्‍टुम्, हिट्‌नुङ् खानिम्‍बाक् डुम्‍बारिक् डुम्‌ङि उलिसागा याप्‌मिचिगा लाउङ्‌सा व्‍हाङ् गाड्‌डेगा ए॥

रोमि 2:19 ပူးပေါင်းရင်းမြစ်များ

मात्‌ति 15:14

हिट्‌नागा खेम्‍गेन्‍चा लाप्‍नेनुम्‌चिम्, हिट्‌नागाउम्‍टे याङ्‌कानिनिबा याप्‌मिचिगा याङ्‌कानिनिबा ओठेडोङ्‌चि ए॥ ठिबाङ् याङ्‌कानिबाङा आरको याङ्‌कानिनिबा लाम्‍बेट्‌टुए भोने, हिट्‌नागाचि इप्‍पाङ् डोक् खोपिल्‍टाङि ठाचिचि॥”

मात्‌ति 4:16

डुम्‍बारिक् डुम्‌ङि उयुङागा याप्‌मिचिङा ठेना व्‍हाङ् उनिसुटु॥ हिट्‌नुङ् मिरतुङाना डुम्‍बारिक् डुम्‌ङिना स्‍वाँराङि उयुङागा याप्‌मिचिङि ठेना व्‍हाङ् ओम्‍साइसे॥”

मात्‌ति 5:14

“खानिउम्‍टे नाराङिगा व्‍हाङ् ए॥ झोन्‍झोबाङिना खालाङ्‌गा साङा चा टेप्‍मा उहिडुन्‍ना॥

मात्‌ति 6:23

टरो कामिक् नुमानिङ् वाइना भोने, ख्‍वाप्‍पा कायेम् डोक् डुम् लियुक्॥ नाड्‌डेडोक् कानिङ्‌ग्‍वा भिट्‌रा लिसाना व्‍हाङ्‌म्‍बाक् डुम् लिसे भोने, हिट्‌ना आम्‍टेप्‍मा औधि डुम् लियुक्‍ना होला!

मारकुस 10:15

छेम्‍बा डोक्, आङा खानि लोनाँनि, नागा खाटिटियुगा ओओचि गाड्‌डे उलियुङ् माङ्‌हाङ् उमुलुक् जुन्‍ङा लाडुन्‍ना, हिट्‌ना खोना बेला चा हिट्‌नि लिग्‍मा टोगुन्‍ना॥”

लुका 1:79

हिट्‌नुङ् माङ्‌डुम्‍बारिक् डुम्‌ङि कायुङ्‌बा हिट्‌नुङ् उसियालाबागा सोरि ना नाम्‌ङाना ओलाप्‍को ओम्‌युक्, हिट्‌नुङ् उन्‍ङा आनि हाङ्‌हाङ्‌ङाना लाम्‍बोङि आलाम्‍बेॽयुक्॥”

युहान्‍ना 9:34

हिट्‌नागाँ हिट्‌ना ओलोडुए, “खान्‌उम्‍टे कायाङ्‌छाबा आलिसाउङ् डोक् आपोङ्‌साना, हिट्‌नुङ् पाक् हाट्‌ले खान्‍ङा आन्‍याँ हिसिक्‍मा याप्‌मि आकोन्‌येट्‌नि?” हिट्‌नुङ् हिट्‌नागाँ उन् छुम्‍मापाङ्‌लाम्‍मा भारा ओहोट्‌टुडिसुए॥

मुलिचेला टोॽवा 26:18

खान्‍ङा हिट्‌नागा याप्‌मिचिगा मिक् ओङ्‌सुबिडुचि, हिट्‌नुङ् हिट्‌नागा डुम्‍बारिक् डुम्‍लाम्‍मा व्‍हाङ्‌ङि हिट्‌नुङ् सैतानङाना ओसाक्‌तिलाम्‍मा माङ्‌हाङ्‌ङि ओनोक्‌याक्॥ हिट्‌नुङ् माङ्‌हाङ्‌ङा हिट्‌नागाँगा पाप टुगुबिडुचिचि, हिट्‌नुङ् हिट्‌नागाँ माङ्‌हाङ्‌ङि बिस्‍वास ओचोगुनाँ उन्‍ङा सेगुचिगा ओयाप्‌मिचिलोक् साङ्‌गाटिङि युङ्‌मा ओटोगुटु॥’

रोमि 2:18

खानिङा धारमाबिधि पोढाँ आचोगुमुङ् खोना रिङ् छेम्‍बाना हिट्‌नुङ् माङ्‌हाङ्‌ङा निङ्‌ग्‍वा चोगु गाड्‌डे खोड्‌डे पारिक् वामाना हिट्‌ना रिङ् ठाहा आटोगुएसुम्‍मे॥

रोमि 2:20

खानिङा धारमाबिधिलाम्‍मा माङ्‌हाङ्‌ङाना बारेङि छेम्‍बाना रिङ् ठाहा टोगुम्‍मागा नुङ् खानि आप्‍पेङा आमाट्‌टुम्‍गा, हिट्‌डेउङ् खानिङा पाक्‍चा बुजा ओचोगुन्‍गा हिट्‌नुङ् पिच्‍छाचि गाड्‌डेगा याप्‌मिचि हिसिक्‍माचि कोनुयुक् नुङ् आप्‍पेलाउङ्‌सा आमिट्‌टुम्‍गा॥

१ कोरिन्‌थि 3:18

खोनाङा चा आप्‍पेलाउङ्‌सा धोका उपिडुन्‍चा॥ खानि माड्‌डे कोइङा ना नाराङिना ठोना लिसाना याप्‌मि गाड्‌डे मिट्‌टुटु भोने, हिट्‌ना छेम्‍बाना ठोना लिसाना याप्‌मि लिमाउङ्‌सा हिट्‌ना मुरखा लिमा कोन्‌युक्॥

१ कोरिन्‌थि 4:10

खिरिस्‍ट लोङ्‌सा आन्‍याँम्‍बाक् मुरखा लिसिएसिइङे, टरो खानिम्‍बाक् खिरिस्‍टङि ठोना लिसागा गाड्‌डे आलिसिएसिए॥ आन्‍याँ निम्‍छारो लिसिएसिङे, टरो खानि बोल्‍लेउ आलिसिएसिए॥ याप्‌मिचिङा खानि मान् माचोगिगा, टरो आन्‍याँम्‍बाक् चिम्‍मा याप्‌मिउफुट्‌गा॥

फिलिप्‌पि 2:15

हिट्‌नाड्‌डेउङ् खानि खोनाङा चा पाक्‍चा लोमा माहिडिन्‍गा॥ खानि ओमाक्‍पा निङ्‌ग्‍वा हिट्‌नुङ् ओचाफेन्‍लोक् चाट्‌ला उलिसागा याप्‌मिचि माझाङि आयुङिना माङ्‌हाङ्‌ङाना फाकाट्‌ना छाचि गाड्‌डे फाट्‌टुर मालेना हिट्‌नुङ् चोखो लिसानिउङ् युङानि॥ डुम्‍बारिक् डुम्‍ना टाङ्‌साङ्‌ङि चोक्‌चिङ्‌गेट् ओम्‌सि गाड्‌डे डोक् खानि चा हिट्‌नागा माझाङि ओम्‍मा कोन्‌युक्॥