रोमि 2:16 - आठपहरिया

¹⁶ हिट्‌ना लेम्‍बा टायुगेट् जाबो माङ्‌हाङ्‌ङा खिरिस्‍ट येसु याप्‌मिचिगा उन्‌चि निङ्‌ग्‍वाङि ठोबागा रिङ्‌ङाना न्‍याए काचोक्‍बा चोगुटु॥ ना रिङ् डोक् आङा नुना खाबोर पारचार चोगुङ्‌नाँ माट्‌टुङ्‌टुङ्॥

रोमि 2:16 ပူးပေါင်းရင်းမြစ်များ

मात्‌ति 16:27

पोङ्‌भोने याप्‌मि छा उन्‍ङाना माङ्‌हाङ् रिङ् काउग्‍बाचिलोक् ओमाङ्‌हाङ् पाबाङाना माहिमाङि उङ्‌युक्, हिट्‌नुङ् हिट्‌ना बेला सोब्‍बे याप्‌मिचि उन्‌चिङा ओचोगुना टोॽवाङाना पारतिफल उन्‍ङा पिडुचिचि॥

लुका 8:17

हिड्‌डेउङ् निनिम्‍गेट्‌निम्‍गा थोक्‌चि चा व्‍हाङ्‌ङि निसुम्‍टुम् हिट्‌नुङ् ठोप्‍बालाक् रिङ्‌चि चा सोब्‍बे ठाहा टोक्‌युक्॥

युहान्‍ना 12:48

आङा इन्‍कार काचोक् हिट्‌नुङ् आङा माट्‌टुङ्‌ना रिङ् बिस्‍वास चोगुन्‍ना भोने हिट्‌नाङाना न्‍याए लियुक्॥ आङा माट्‌टुङ्‌ना रिङ्‌ङा डोक् आखेरि लेम्‍बाङि हिट्‌नाङाना न्‍याए चोगुटु॥

मुलिचेला टोॽवा 10:42

हिट्‌नुङ् ख्‍वाप्‍पा याप्‌मिचि पारचार चोक्‍मा, हिट्‌नुङ् उन् उहिङ्‌ग्‍वाट् हिट्‌नुङ् उसियागा न्‍याए काचोक्‍बा लिमालोङ्‌सा माङ्‌हाङ्‌ङा सेगुना याप्‌मि नुङ् माप्‍मा लोङ्‌सा आन्‍याँ आग्‍याँ याप्‌मिपिडे॥

मुलिचेला टोॽवा 17:31

पोङ्‌भोने नाराङिगा ख्‍वाप्‍पा याप्‌मिचि न्‍याए चोक्‍माना लेम्‍बा माङ्‌हाङ्‌ङा सेक्‍मा हिडुएसुए हिट्‌नुङ् हिट्‌ना लेम्‍बा उन्‍ङा आप्‍पेङा सेगुनाँ ठिबाङ् याप्‌मिलाम्‍मा न्‍याए चोगुटु॥ हिट्‌ना याप्‌मि सियानालाम्‍मा उहिङ्‌ग्‍वाट् चोगुना सोब्‍बे याप्‌मिचि उन्‍ङा पारचिन्‍दा निमेट्‌टुचे॥”

रोमि 16:25

आनि सोब्‍बेङा माङ्‌हाङ् उनिङ् चोन्‍डुम्॥ माङ्‌हाङ्‌ङा खानि बिस्‍वास बोल्‍लेउ चोक्‍मा हिडुटु॥ जुन् आङा पारचार चोगुएट्‌टुङ्‌ना येसु खिरिस्‍ट बारेङाना नुना खाबोरङा हिड्‌डे डोक् माट्‌टुटु॥ हिट्‌नुङ् ना नुना खाबोर माङ्‌हाङ्‌ङा याप्‍मा बारखालाम्‍मा ठोबुएसुना॥

रोमि 2:5

टरो खानिउम् जिद्‌दि, हिट्‌नुङ् काएल्-काबु लिमा आटेन्‌डिन्‍गा, हिट्‌डेउङ् माङ्‌हाङ्‌ङाना ओरेक् टाना बेला लाउङ्‌सा खानिङा आप्‍पेङा टोक्‍माना साजाए जोम् आचोगुएट्‌टुम्॥ हिट्‌ना बेला ख्‍वाप्‍पा याप्‌मिचिङा माङ्‌हाङ्‌ङाना धारमोति न्‍याए उनिसुटु॥

रोमि 3:6

हिट्‌डे माप्‍मा हिनिम्‍ना, पोङ्‌भोने माङ्‌हाङ्‌ङा नुलोक् ओयाप्‌मिचि न्‍याए चोगुन्‌चिन्‍गा भोने, खोड्‌डेउङ् ना नाराङिगा आरु याप्‌मिचि नुलोक् न्‍याए चोक्‍मा हिडुचिचिगा टे?

१ कोरिन्‌थि 15:1

आम्‍बु-आन्‍झाचि हिट्‌नुङ् आनो-आन्‍झाचि, आङा खानिलाउङ्‌सा पारचार चोगुङ्‌ना नुना खाबोरङाना बारेङि फेरि खानि लोनाँनि॥ जुन् नुना खाबोर खानिङा आलाडुम्‍मे, हिट्‌ना बिस्‍वासङि डोक् खानि लाहाब् आलिसेसिए॥

१ कोरिन्‌थि 4:5

हिट्‌डेउङ् बेला मिलिए पाइले डोक् न्‍याए चोक्‍नेनुम्, टाङ्‌बा उङ्‌लोक् सोम्‍मा हाङ्‌सानुम्॥ टाङ्‌बाङा डोक् डुम्‍बारिक् डुम्‌ङि ठोबागा रिङ् व्‍हाङ्‌ङि पारकाट् चोगुटु, हिट्‌नुङ् याप्‌मिचिगा निङ्‌ग्‍वाङिगा रिङ् पारचिन्‍दा चोगुटु॥ हिट्‌ना बेला सोब्‍बे याप्‌मिचिङा ओचोगुना टोॽवालाम्‍मा टोक्‍माना जाए-जाए माङ्‌हाङ्‌लाम्‍मा ओटोगुटु॥

२ कोरिन्‌थि 5:10

पोङ्‌भोने आनि सोब्‍बे ठिक् लेम्‍बा न्‍याए लोङ्‌सा खिरिस्‍टङाना ओटोकानाङि एप्‍मा कोन्‌युक्॥ हिट्‌डेउङ् आनि सोब्‍बेङा ना येम्‌ङि लिसिनाँ चोगुम्‍ना ओचेट्‌नुना टोॽवा आथाबा ओचाफेन्‍ना टोॽवाङाना इनाम टोगुम्‍टुम्॥

गालाति 1:11

आम्‍भु-आन्‍झाचि हिट्‌नुङ् आनो-आन्‍झाचि, आङा खानिलाउङ्‌सा पारचार चोगुङ्‌ना नुना खाबोर याप्‌मिचिलाम्‍मा टायाना माखाक् नुङ् खानिङा ठाहा टोगानुम्॥

१ तिमोथि 1:11

ना छेम्‍बाना हिसिक्‍मा आसिक् कापिबा माङ्‌हाङ्‌ङाना माहिमित नुना खाबोर गाड्‌डे युङ्‌ग्‍वा॥ माङ्‌हाङ्‌ङा बिस्‍वास याङ्‌चोगाउङ् ना नुना खाबोर आङा याङ्‌पिडे॥

२ तिमोथि 2:8

येसु खिरिस्‍ट मिट्‌टु, उन् सियाउङ् उहिङ्‌ग्‍वाट् लिसा कोबे, उन् दाउद पुङ्‌लाङिना, आङा पारचार चोगुङ्‌ना नुना खाबोर ना डोक् ए॥

२ तिमोथि 4:1

माङ्‌हाङ् जामानि युङ्‌सुङ् हिट्‌नुङ् उसियागा हिट्‌नुङ् उहिङागा याप्‌मिचिगा न्‍याए काचोक्‍बा खिरिस्‍ट येसु जामानि युङ्‌सुङ्, हिट्‌नुङ् उन् उङ्‌ना हिट्‌नुङ् हाङ्‌बा लियुङ् सासान् चोगुना रिङ् बिचार चोक्‍सा खान् नाड्‌डेना आग्‍याँ पिनाँ,

२ तिमोथि 4:8

हाट्‌लेउम् आङालोङ्‌सा धारमिक्‍ताङाना मुकुट् युङ्‌गुवा, हिट्‌ना मुकुट् नुलोक् न्‍याए काचोक्‍बा टाङ्‌बाङा हिट्‌ना बेला आङा याङ्‌पियुक्, हिट्‌नुङ् आङा एडोक् माखाक्, टरो उन् टाना ओलाम्‍बो उपुयुगा सोब्‍बेलोङ्‌सा पिडुचिचि॥

हिब्‍रु 9:27

सोब्‍बे याप्‌मिचि एक्‌खेप् सिमा डोक् कोन्‌युक्, हिट्‌नुङ् उसियुङ् माङ्‌हाङ्‌ङा हिट्‌नागा न्‍याए चोगुचिचि॥

१ पाटरुस 4:5

टरो उहिङ्‌ग्‍वाट् लोक् उसियागा याप्‌मिचिगा न्‍याए काचोक् माङ्‌हाङ्‌लाउङ्‌सा ना बारेङि हिट्‌नागाँ हिसाब पिमा कोन्‌युक्॥

२ पाटरुस 2:9

नाड्‌डेउङ् भाक्‌ति काचोक् याप्‌मि याङ्‌छामालाम्‍मा जोगाँ चोक्‍मा हिट्‌नुङ् ओभेन्‍गा याप्‌मिचि साजाए पिमा न्‍याए चोक्‍माना लेम्‍बा सोम्‍मा युङ्‌मा टाङ्‌बाङा निसुटु॥