रोमि 2:15 - आठपहरिया

¹⁵ हिट्‌नुङ् हिट्‌नागाँ ओचोगुना रिङ्‌लाम्‍मा उन्‌चि निङ्‌ग्‍वाङि धारमाबिधिङिगा रिङ् छेप्‍टेसे नुङ् पारकाट् लियुक्॥ हिट्‌नुङ् आप्‍पे उन्‌चि निङ्‌ग्‍वाङा चा हिट्‌ना ठिक्‍का डोक् ओमाट्‌टुटु, पोङ्‌भोने हिट्‌नागाँ ओचोगुगा टोॽवा चा खोनाम्‍बाक् माहामाना, खोनाम्‍बाक् माङ्‌जोना नुङ् उन्‌चि निङ्‌ग्‍वाङा ठाहा ओटोगुटु॥

रोमि 2:15 ပူးပေါင်းရင်းမြစ်များ

युहान्‍ना 8:9

जब हिट्‌नागाँ ना रिङ् ओखेम्‍सुए, हिट्‌नुङ् हिट्‌नागा पाइले ओठेगालाम्‍मा ओखाट्‌टिगा उलिसाउङ् ठिबाङ् ठिबाङ् ओखाडे॥ येसुम्‍बाक् हिट्‌ना मेन्‍झेमालोक् ओएकेले ओपोक्‍टुढोए, हिट्‌नुङ् हिट्‌ना मेन्‍झेमाम्‍बाक् ओटोकानाङि येबायाक्‍टे॥

मुलिचेला टोॽवा 23:1

पावालङा काचाहारि-कुन्‍डाल सोब्‍बेलेङ् पुयुङ् माट्‌टुए, “भुम्‍भु-झान्‍झाचि, ना बेला सोम्‍मा माङ्‌हाङ् ओटोकानाङि ना आचोलाङा चोखो निङ्‌ग्‍वाङि डोक् माङ्‌हाङ्‌ङाना सेवा चोगुएसुङे॥”

मुलिचेला टोॽवा 24:16

नाड्‌डेउङ् याप्‌मि हिट्‌नुङ् माङ्‌हाङ् ओटोकानाङि आठोना ओछेक्‍छेक् चोक्‍मा इट्‌टुएसुङे॥

रोमि 2:14

पानिछोङ्‌बाचिलोक् मोसाङा छेप्‍टुना याहुदिचिगा धारमाबिधि वानेट्‌निना॥ टरो हिट्‌नागालोक् धारमाबिधि वानिचा हिट्‌नागाँ धारमाबिधिङा माट्‌टु गाड्‌डे ओचोगुटु भोने, उन्‌चि निङ्‌ग्‍वा डोक् धारमाबिधि गाड्‌डेना ए॥

रोमि 2:27

हिट्‌नाडे लिसानाँ उन्‌चि येम्‌ङि खाताना ओचोगुन्‍गा पानिछोङ्‌बाचिङा धारमाबिधि पालान् ओचोगुटु भोने, हिट्‌नागाँ डोक् खानि फाट्‌टुर मालाबिटि॥ पोङ्‌भोने खानि खाताना काचोक्‍बा याहुदिचिलोक् छेप्‍बालाक् धारमाबिधि लिचा खानिङा आझै धारमाबिधि पालान आचोक्‌निम्‍ना॥

रोमि 9:1

आङा माप्‍मा कोलुङ्‌ना रिङ् छेम्‍बाना॥ आङा खिरिस्‍टङाना ओयाप्‌मि हिट्‌नुङ् माङ्‌जो चेक्‌निङ्‌ना॥ सेङ्‌सेङ्‌ना हाङ्‌साङा आङाना मिप्‍माना बोल् आधिन् चोगुटु, हिट्‌नुङ् आङा माङ्‌जो चोक्‌निङ्‌ना नुङ् आङाना मिप्‍माना बोल्‍ङा याङ्‌लोयुक्॥

२ कोरिन्‌थि 1:12

ना नाराङि एडोक् माखाक्, खानि ओटोक्‍माङ्‌ङि चा माङ्‌हाङ् उनिङ्‌ग्‍वा गाड्‌डे आन्‍याँ चाट्‌ला चोखो हिट्‌नुङ् सोजो लिसाना रिङ् आन्‍याँ निङ्‌ग्‍वालाम्‍मा निस्‌चित लिसिङाउङ् माप्‍मा हिडुम्‍टुम्‍मा॥ आन्‍याँ नाराङिना याप्‌मिङाना ओठोनाङि माखाक्, टरो माङ्‌हाङ्‌ङाना ओमायादायाङि भोरोसा युङ्‌सुम्‍टुम्‍मा॥

२ कोरिन्‌थि 5:11

नाड्‌डेउङ् आन्‍याँ सोरोक् टाङ्‌बा मान् चोगुम्‍टुम्‍मा, हिट्‌नुङ् याप्‌मिचि उन्‌लेङ् ओनोक्‌याक् नुङ् आँट् पिडुम्‌चिम्‌चिम्‍मा॥ आन्‍याँ खोड्‌डेगा याप्‌मिचि नुङ् माङ्‌हाङ्‌ङा ठाहा टोगुटु, हिट्‌नुङ् खानिङा चा आन्‍याँ खोड्‌डे पारिक्‍गा याप्‌मिचि नुङ् ठाहा आटोगुम्‍टुम् नुङ् आङा आसा युङ्‌सुङ्‌टुङ्॥

१ तिमोथि 4:2

नाड्‌डेगा हिसिक्‍मा माङ्‌जो काचोक्‍बा हिट्‌नुङ् उन्‌चि निङ्‌ग्‍वा माक्‍ना लिसागा याप्‌मिचिलाम्‍मा डोक् लियुक्, हिट्‌नुङ् हिट्‌नागाँगा मिप्‍माना बोल् जाखाम् लिसाइसे॥

तितास 1:15

चोखो याप्‌मिचि लोङ्‌सा ख्‍वाप्‍पा रिङ्‌चि चोखो डोक् लियुक्॥ टरो निङ्‌ग्‍वा ओचाफेन्‍गा हिट्‌नुङ् बिस्‍वास ओचोगुन्‍गा लोङ्‌सा भोने पाक् रिङ् चा सेङ्‌सेङ् लिनिना पोङ्‌भोने हिट्‌नागाँगा मिप्‍माना बोल् हिट्‌नुङ् चोखो निङ्‌ग्‍वा डोक् चोखो वाइना॥