रोमि 15:13 - आठपहरिया

¹³ खानि आसा कापिबा माङ्‌हाङ्‌ङा खानि निङ्‌ग्‍वाङि आड्‌डिक् आनान्‍दा हिट्‌नुङ् हाङ्‌हाङ् मापिडियाक् नुङ् आङा बिन्‌टि चोगुङ्‌टुङ्, पोङ्‌भोने खानिङा उन्‌ङि बिस्‍वास आचोगुएसुम्‍मे॥ नाड्‌डेउङ् सेङ्‌सेङ्‌ना हाङ्‌साङाना साक्‌तिलाम्‍मा खानिङि लिसाना आसा पोसा पोसा खाट्‌युक्॥

रोमि 15:13 ပူးပေါင်းရင်းမြစ်များ

युहान्‍ना 14:1

येसुङा चेलाचि लोडुचे, “खानि चिन्‌तित् लिनेनिन्॥ खानिङा माङ्‌हाङ् बिस्‍वास चोगानुम्, हिट्‌नुङ् आङा चा बिस्‍वास याङ्‌चोगानि॥

युहान्‍ना 14:27

“आङा खानिलोङ्‌सा हाङ्‌हाङ् पिनाढानाँनि॥ आप्‍पे आङाना हाङ्‌हाङ् खानि पिनाँनि हिट्‌नुङ् नाराङा आपिना गाड्‌डेना हाङ्‌हाङ् माखाक्॥ खानि निङ्‌ग्‍वा टुक्‍नेनुम् हिट्‌नुङ् किट्‌नेनिन्॥

रोमि 12:12

खानिलोक् लिसाना आसाङि हारका लिसानि, हिट्‌नुङ् याङ्‌छामा लिना बेला आङ्‌डानुम् हिट्‌नुङ् सोरोक् बिन्‌टि चोगायाक्‍टानि॥

रोमि 14:17

पोङ्‌भोने माङ्‌हाङ् उमुलुक् आनि चोलाङि चामाना हिट्‌नुङ् ठुङ्‌माना बारेङि माखाक्, टरो माङ्‌हाङ्‌ङाना धारमिक्‍ता, हाङ्‌हाङ् हिट्‌नुङ् आनान्‍दाङाना बारेङि ए, नाम्‍बाक् सेङ्‌सेङ्‌ना हाङ्‌साङा आनि आपियुक्॥

रोमि 15:19

हिट्‌नुङ् हिट्‌नागाँ ठे-ठेगा चिन्‍नाचि हिट्‌नुङ् माङ्‌डोङ् ठोङ्‌डिगा टोॽवा सेङ्‌सेङ्‌ना हाङ्‌साङाना ओबोल्‍ङा चोगुना उनिसुएसुए॥ हिट्‌डेउङ् आङा खिरिस्‍टङाना बारेङि नुना खाबोर यरुसलेम नुङ् इल्‍लुरिकान छेट्‌राङिगा ख्‍वाप्‍पा ठोङ्‌ङि पारचार चोगुएसुङे॥

रोमि 15:5

माङ्‌हाङ्‌ङा डोक् आनिलाउङ्‌सा आङ्‌मा हिमाना साक्‌ति लोक् आँट् आपियुक्॥ हिट्‌नुङ् खिरिस्‍ट येसुङाना उनिङ्‌ग्‍वा गाड्‌डे खानि सोब्‍बे ठिबाङ्‌ङा आरकोलोक् ठिक्‍ए निङ्‌ग्‍वाङि युङ्‌मा हिमाना बोल् उन्‍ङा खानि मापिड्‌याक् नुङ् आङा बिन्‌टि चोगुङ्‌टुङ्॥

१ कोरिन्‌थि 2:4

आङा खानिलोक् चेक्‍टाङ्‌नाँ हिट्‌नुङ् माङ्‌हाङ्‌ङाना खाबोर पारचार चोगुङ्‌नाँ खानिङा आङा बिस्‍वास याङ्‌चोगानि पिक्‍सा ओचाप्‍पाङ् रिङ् चेक्‍नेयाट्‌निङ्, टरो आङा पारचार चोगुङ्‌ना खाबोर छेम्‍बाना ए नुङ् सेङ्‌सेङ्‌ना हाङ्‌साङाना ओसाक्‌तिङा खानि मानिमेट्‌टिटि॥

२ कोरिन्‌थि 9:8

हिट्‌नुङ् माङ्‌हाङ्‌ङा खानि चाहाब् आलिसिगा नुङ्‌ना चा याप्‍मा डोक् आसिक् पिमा माहिडिटि॥ हिट्‌डेउङ् खोना थोक्‌ङि चा खानि खोना बेला चा आभोर आलिसिन्‍गा हिट्‌नुङ् खानिङा ख्‍वाप्‍पा नुना टोॽवा लोङ्‌सा जोम् पिमा आहिडुम्‍टुम्॥

गालाति 5:22

टरो सेङ्‌सेङ्‌ना हाङ्‌साङा माट्‌टु गाड्‌डे काचोक्‍बा याप्‌मिङा नाड्‌डेगा टोॽवा चोगुटु, उन्‍ङा याप्‌मिचि माया चोगुचिचि, खुसि लियुक्, हाङ्‌हाङ् लियुक्, आङ्‌मा काहिबा लियुक्, याप्‌मिचि दाया चोगुचिचि, आरु नुलोक् मेट्‌टुचिचि, बिस्‍वासिलो लियुक्,

एफिसि 1:2

आनि माङ्‌हाङ् पाबा हिट्‌नुङ् टाङ्‌बा येसु खिरिस्‍टङा मायादाया हिट्‌नुङ् हाङ्‌हाङ् खानि मापिडियाक्॥

१ थेसालोनिकि 1:5

पोङ्‌भोने आन्‍याँ खानि लोनानिगा नुना खाबोर रिङ्‌ङि एडोक् माखाक्, टरो साक्‌ति, सेङ्‌सेङ्‌ना हाङ्‌सा हिट्‌नुङ् साङ्‌का डोक् मालेना छेम्‍बाना रिङ् डाना॥ खानिलोक् आन्‍याँ वासिङानाँ खानिना ओचेट्‌नु लाउङ्‌सा आन्‍याँ खोड्‌डेना चाट्‌ला चोक्‍नानेना नुङ् खानिङा ठाहा आटोगुम्‍टुम्॥

१ तिमोथि 1:1

बिस्‍वासङि आप्‍पे आइछा गाड्‌डेना तिमोथि, आनि काहिङ्‌मेप्‍बा डाङ्‌बा माङ्‌हाङ् हिट्‌नुङ् आसा युङ्‌सुम्‍ना खिरिस्‍ट येसुङाना आग्‍याँ गाड्‌डे आङा खिरिस्‍ट येसुङाना मुलिचेला पावाललाम्‍मा ना चिट्‌ठि खान् लोङ्‌सा छेप्‍टुएट्‌टुङ्॥ आनि माङ्‌हाङ् पाबा हिट्‌नुङ् आनि टाङ्‌बा खिरिस्‍ट येसुङाना मायादाया, लुक्‍माटुक्‍मा लोक् हाङ्‌हाङ् खान्‌ङि उलियाक्॥

हिब्‍रु 6:11

हिट्‌नुङ् खानि सोब्‍बेङा आसा आयुङ्‌सुम्‍ना रिङ् छेम्‍बा डोक् टोगुम्‍टुम्‍मा नुङ् खानिङा पाइले आचोगुम् गाड्‌डे डोक् आहिङिलोक् सोम्‍मा खानि निङ्‌ग्‍वालाम्‍मा डोक् चोगायाक्‍टानुम् नुङ् आन्‍याँ निङ्‌ग्‍वा युङ्‌ग्‍वा॥

१ पाटरुस 1:8

खानिङा उन् आनिनिम्‍गेट्‌निम् हिट्‌नुङ् चा माया आचोगुम्‍टुम्॥ हिट्‌नुङ् उन् हाट्‌ले आनिनिम्‍चा उन्‌ङि बिस्‍वास आचोगुम्‍टुम्॥ हिट्‌नुङ् माप्‍मा डोक् हिनिम्‍ना ठेना हारकाङा खानि निङ्‌ग्‍वा इप्‍टुएसुए॥