रोमि 15:12 - आठपहरिया

¹² हिट्‌नुङ् आरको ठोङ्‌ङि माङ्‌काटा यासैयाङा नाड्‌डे छेप्‍टुटु, “यिसैङाना उपुङ्‌लालाम्‍मा ठिबाङ् याप्‌मि टायुक्, उन्‍ङा पानिछोङ्‌बाचि सासान् चोगुचिचि, हिट्‌नागाँ उन्‌ङि आसा उयुङ्‌सुटु॥”

रोमि 15:12 ပူးပေါင်းရင်းမြစ်များ

मात्‌ति 12:21

हिट्‌नुङ् सोब्‍बे छोङ्‌चिङा उन्‌चि आसा उनिङ्‌ङि डोक् उयुङ्‌सुटु॥”

१ कोरिन्‌थि 15:19

ना चोला लोङ्‌सा एडोक् खिरिस्‍टङि आनि आसा युङ्‌सुम्‍टुम् भोने, आनि सोब्‍बे याप्‌मिचि नुङ्‌ना आड्‌डिक् पुमाजामागा लिसिटि॥

२ तिमोथि 1:12

हिड्‌डेउङ् आङा याङ्‌छामा आङ्‌डुएट्‌टुङ्॥ टरो आङा मोन्‌निङ्‌सिनिङ्‌ना पोङ्‌भोने आङा साक्‌ङि बिस्‍वास चोगुएसुङेना हिट्‌ना ठाहा टोगुएसुङे॥ हिट्‌नुङ् उन्‍ङा आङा जिम्‍मा याङ्‌पिडाना रिङ् उन्‍ङा डोक् हिट्‌ना बेला सोम्‍मा लोङ्‌सा जागेडा चोगुङ् युङ्‌सुटु नुङ् आङा ढुक्‍का वाङेट्‌ङा॥

१ पाटरुस 1:21

खिरिस्‍टलाम्‍मा खानिङा माङ्‌हाङ्‌ङि बिस्‍वास आचोगुम्‍मे, जुन्‍ङा उन् सियानालाम्‍मा उहिङ्‌ग्‍वाट् चोगुए हिट्‌नुङ् उन्‌लाउङ्‌सा मान् पिडुए, नाड्‌डेउङ् खानिङा बिस्‍वास लोक् आसा माङ्‌हाङ्‌ङि आयुङ्‌सुएसुम्‍मे॥

१ युहान्‍ना 3:3

हिट्‌नुङ् खिरिस्‍ट फाकाट्‌ना लिसा गाड्‌डे, उन्‌ङि नाड्‌डेना आसा उयुङ्‌सुगाँ ख्‍वाप्‍पा याप्‌मिङा आप्‍पेलाउङ्‌सा फाकाट्‌ना ओचोगुङ् उयुङ्‌सुटु॥

पारकास 22:16

“आङा येसुङा खानि सोरि माङ्‌पाङ्‌ङि उलिसागा सोब्‍बेलाउङ्‌सा नागा रिङ् लोमा आङाना माङ्‌हाङ् रिङ् काउग्‍बा खानिङि पाङ्‌सुएसुङे॥ आङा दाउद हाङ्‌बाङाना पुङ्‌लाङिना छालेट् ए, हिट्‌नुङ् भ्‍यानिक् ओम्‍ना चोक्‌चिङ्‌गेट् आङा डोक्॥”

पारकास 5:5

चौबिस जाना ओठेडोङ्‌चि माड्‌डेङि ठिबाङ्‌ङा आङा याङ्‌लोडे, “हाब्‍नेन्, पुयुटे, ठिबाङ् किबा ओलोडुना, उन् याहुदा छोङ्‌ङिना, उन् दाउद पुङ्‌लाङिना हाङ्‌बा ए, उन्‍ङा पाइला डोक् ओसाट्‌टुरचि मेप्‍माहिडुएसुचे॥ हिड्‌डेउङ् उन् डोक् सि गोटा छाप्‌चि हेप्‍मा हिट्‌नुङ् छाप्‍लाङाना मुठा ओङ्‌मा योग्‍ए वाहेट्॥”