रोमि 14:22 - आठपहरिया

²² हिड्‌डेउङ् नागा चामा-ठुङ्‌मा बारेङि खान्‍ङा जे बिस्‍वास आचोगुटु, हिट्‌ना रिङ् खान् लोक् माङ्‌हाङ्‌ङि एडोक् युङ्‌सु॥ याप्‌मिङा जुन् रिङ् ओचेट्‌नु लियुक् नुङ् मिट्‌टुना रिङ्‌ङि साङ्‌का चोगुन्‍ना भोने, माङ्‌हाङ्‌ङा हिट्‌ना आसिक् पिडुटु॥

रोमि 14:22 ပူးပေါင်းရင်းမြစ်များ

मुलिचेला टोॽवा 24:16

नाड्‌डेउङ् याप्‌मि हिट्‌नुङ् माङ्‌हाङ् ओटोकानाङि आठोना ओछेक्‍छेक् चोक्‍मा इट्‌टुएसुङे॥

रोमि 14:14

टाङ्‌बा येसुङा खोना चा चामागा थोक्‌चि आसुद्‌दो उलिनिगा नुङ् आङा पारचिन्‍दा याङ्‌निमेट्‌टेसाङे॥ टरो कोइ याप्‌मिङा कोइ-कोइ चामागा थोक् आसुद्‌दो मिट्‌टुटु भोने, हिट्‌ना लोङ्‌सा डोक् आसुद्‌दो लियुक्॥

रोमि 14:2

उदाहारान्‌ङि, कोइ-कोइ बिस्‍वासिचिङा सोब्‍बे थोक् चामा लियुक् नुङ् बिस्‍वास ओचोगुटु, टरो बिस्‍वासङि कामजोर उलिसागाँम्‍बाक् सागापाटा एडोक् चामा नुयुक् नुङ् उमिट्‌टुटु॥

रोमि 14:23

टरो जुन् याप्‌मिङा चामागा थोक् बारेङि साङ्‌का चोगुटु हिट्‌नुङ् चोटु भोने, हिट्‌ना लाउङ्‌सा पाप लियुक्, पोङ्‌भोने हिट्‌नाङा ना रिङ् ठिक्‍का डोक् ए नुङ् बिस्‍वास चोग्‍वाट्‌टुन्॥ बिस्‍वास माले चोगुम्‍गा ख्‍वाप्‍पा थोक् पाप लियुक्॥

रोमि 14:5

कोइ याप्‌मिङा ठिक् लेम्‍बा आरु लेम्‍बा नुङ्‌ना सेङ्‌सेङ्‌ना मिट्‌टुटु, टरो आरको याप्‌मिङा ख्‍वाप्‍पा लेम्‍बा बोरो बोरना नुङ् मिट्‌टुटु॥ हिड्‌डेउङ् सोब्‍बे याप्‌मिङा पाक् उमिट्‌टुटुना हिट्‌ना रिङ्‌ङि हिट्‌नागा पाक्‍का लिमा कोन्‌युक्॥

रोमि 2:1

हाउ आसाइबाचि, खानिङा आरु फाट्‌टुर लाब्‍मा हिडुम्‌चिम्‌चिम्‍मा नुङ् आमिट्‌टिटि होला, टरो खानि जोसुकै आलिसि चा, खानि लाउङ्‌सा पाक्‍चा माप्‍माना रिङ् वाइना॥ जब खान्‍ङा आरु न्‍याए आचोगुचिचि, खान्‍ङा आप्‍पेलाउङ्‌सा चा न्‍याए आचोगुटु, पोङ्‌भोने खान्‍ङा चा हिट्‌नागाँ ओचोगुना रिङ् डोक् आचोगुटु॥

रोमि 7:15

आङा पाक् चोगुएट्‌टुङ्, हिट्‌ना रिङ् डोक् आङा बुजा चोक्‌निङ्‌ना॥ पोङ्‌भोने आङा चोक्‍मा निङ्‌ग्‍वा चोगुङ्‌ना रिङ्उम्‍बाक् चोक्‌निङ्‌ना, टरो चिम्‍मा फुट्‌टुङ्‌ना रिङ्उम्‍बाक् आङा चोगुङ्‌ना॥

रोमि 7:24

इनामा, आङा इम्‍टेप्‍मा याङ्‌छामा टोगुङ्‌ना याप्‌मि॥ ना पाप हिट्‌नुङ् सिइना रिङ्‌ङा आधिन् चोगुना चोलालाम्‍मा साङा छुट्‌कारा याङ्‌पियुक्‍ना?

१ कोरिन्‌थि 8:7

टरो सोब्‍बेङा ना रिङ् ठाहा ओटोगुन्‍ना॥ आम्‍टेप्‍मा याप्‌मिचिङा बिस्‍वास चोक्‍मा पाइले मुरतिङि एडोक् निङ्‌ग्‍वा उटिसुनाँ हाट्‌ले चा हिट्‌नागाँ चामा थोक् ओचोनाँ मुरतिङि ठाङ्‌बालाक् डोक् चाएट्‌टुम् नुङ् उमिट्‌गा॥ हिट्‌नुङ् हिट्‌नागा ओचाफेन्‍लोक् उमिट्‌गा, पोङ्‌भोने हाट्‌ले चा हिट्‌नागाँ ओचोगुएट्‌टुना रिङ् गाल्‌ति नुङ् उमिट्‌टुगा॥

२ कोरिन्‌थि 1:12

ना नाराङि एडोक् माखाक्, खानि ओटोक्‍माङ्‌ङि चा माङ्‌हाङ् उनिङ्‌ग्‍वा गाड्‌डे आन्‍याँ चाट्‌ला चोखो हिट्‌नुङ् सोजो लिसाना रिङ् आन्‍याँ निङ्‌ग्‍वालाम्‍मा निस्‌चित लिसिङाउङ् माप्‍मा हिडुम्‍टुम्‍मा॥ आन्‍याँ नाराङिना याप्‌मिङाना ओठोनाङि माखाक्, टरो माङ्‌हाङ्‌ङाना ओमायादायाङि भोरोसा युङ्‌सुम्‍टुम्‍मा॥

गालाति 6:1

आम्‍भु-आन्‍झाचि हिट्‌नुङ् आनो-आन्‍झाचि, कोइ याप्‌मिङा ओचाफेम्‍मा टोॽवा चोगुना आटुबुम्‍मे भोने, खानि माङ्‌हाङ्‌ङाना ओहाङ्‌साङि दोरो आलिसागा मेयोक् लिसानिउङ् हिट्‌ना सुधार चोक्‍मा कोन्‌युक्॥ टरो ओछेक्‍छेक् चोगानि, नाभाउम्‍टे खानि चा निङ्‌ग्‍वा छिक्‍माङि ठामा आहिडिटि॥

याकुब 3:13

खानि माड्‌डेङि कोइ ठोना लिसाना हिट्‌नुङ् रिङ् बुजा काचोक्‍बा याप्‌मि युङ्‌ग्‍वा भोने, उन्‍ङा आप्‍पेलाउङ्‌सा मेयोक् चोगुङ् हिट्‌नुङ् ठोना लिसाना याप्‌मि गाड्‌डे डोक् ओचेट्‌नुलोक् टोॽवा चोगुङ् ओचोलाङि निमेट्‌मा कोन्‌युक्॥

१ युहान्‍ना 3:21

मायालु आसाइबाचि, आनि निङ्‌ग्‍वाङा आनि आप्‍पेलाउङ्‌सा फाट्‌टुर आलाब्‍नेएट्‌नि भोने आनि माङ्‌हाङ् ओटोकानाइ खाप्‍मा आँट् टोगुम्‍टुम्॥