रोमि 14:20 - आठपहरिया

²⁰ माङ्‌हाङ्‌ङाना टोॽवा चामागा ठुङ्‌मागा थोक्‌ङा जाखाम् चोक्‍नेनुम्॥ हिट्‌नुङ् सोब्‍बे चामागा थोक् चामा नुयुक्, टरो आनि चाम्‍गा थोक्‌ङा आरु पाप चोक्‍मा मेप्‍माम्‍बाक् ओचाफेन्‍ना रिङ् ए॥

रोमि 14:20 ပူးပေါင်းရင်းမြစ်များ

मात्‌ति 15:11

याप्‌मिङा ओयासिलाम्‍मा चोगा खोना थोक्‍ङा चा याप्‌मि आसुद्‌दो चोगुन्‍ना, टरो उनिङ्‌ग्‍वा भिट्‌रालाम्‍मा भारा होन्‍गा रिङ्‌ङा एरोक् हिट्‌ना आसुद्‌दो चोगुटु॥”

मात्‌ति 18:6

“टरो जुन्‍ङा आङि बिस्‍वास काचोक्‌चि नागा खाट्‌टियुगा माड्‌डे ठिबाङ् पाप चोक्‍मा मेट्‌टुटु भोने, हिट्‌नाङा ओठोॽवारिक्‌ङि ठेना लुङ्‌गेॽवाङाना झाँटा छुडुमुङ् गाइरो सामुन्‍दराङि लुम्‍माडिमा हिट्‌ना लोङ्‌सा ओचेट्‌नुना लियुक्॥

मुलिचेला टोॽवा 10:15

हिट्‌नुङ् फेरि नाड्‌डेना साब्‍दा मुक्‍टे, “माङ्‌हाङ्‌ङा सेङ्‌सेङ् चोगुगा चामागा थोक्‌चि खान्‍ङा आसुद्‌दो माट्‌टुन्॥”

रोमि 14:2

उदाहारान्‌ङि, कोइ-कोइ बिस्‍वासिचिङा सोब्‍बे थोक् चामा लियुक् नुङ् बिस्‍वास ओचोगुटु, टरो बिस्‍वासङि कामजोर उलिसागाँम्‍बाक् सागापाटा एडोक् चामा नुयुक् नुङ् उमिट्‌टुटु॥

रोमि 14:21

खान्‍ङा चेचे आचोनाँ, इमालिङ् आठुङुनाँ आथाबा आरु थोक् डोक् आचोगुनाँ आरु बिस्‍वासिचि पापङि ओठायुक् भोने, खान्‍ङा हिट्‌डे आचोगुन्‍नाँ डोक् ओचेट्‌नु लियुक्॥

एफिसि 2:10

माङ्‌हाङ्‌ङा आनि आचोगाना ए॥ खिरिस्‍ट येसुलोक् आनिना साम्‍बान्‍धा लिसानाँ, आनि चोलाङि नुना टोॽवा चोक्‍मा लाउङ्‌सा ओछोङ्‌ग्‍वाट् चोला आनि टोगुएसुम्‍मे॥ आनि हिट्‌नागा नुगा टोॽवा चोगुम् नुङ् माङ्‌हाङ्‌ङा पाइले डोक् टेयार चोगुएसुना॥

फिलिप्‌पि 1:6

माङ्‌हाङ्‌ङा खानि निङ्‌ग्‍वाङि ठिक् नुना टोॽवा उटुम् चोगुएसुए, हिट्‌नुङ् उन्‍ङा एडोक् येसु खिरिस्‍ट नोक्‍ना उङ्‌ना बेला हिट्‌ना टोॽवा चोक्‍मा हिडुटु नुङ् आङा बिस्‍वास चोगुङ्‌टुङ्॥

तितास 1:15

चोखो याप्‌मिचि लोङ्‌सा ख्‍वाप्‍पा रिङ्‌चि चोखो डोक् लियुक्॥ टरो निङ्‌ग्‍वा ओचाफेन्‍गा हिट्‌नुङ् बिस्‍वास ओचोगुन्‍गा लोङ्‌सा भोने पाक् रिङ् चा सेङ्‌सेङ् लिनिना पोङ्‌भोने हिट्‌नागाँगा मिप्‍माना बोल् हिट्‌नुङ् चोखो निङ्‌ग्‍वा डोक् चोखो वाइना॥