रोमि 13:12 - आठपहरिया

¹² आझै डुम्‍बारिक् डुम् लिसाना रिङ् छेम्‍बा डोक् ए, टरो व्‍हाङ् लिसा लाबे॥ हिट्‌डेउङ् डुम्‍बारिक् डुम्‌ङि चोगुम्‍गा ओचाफेन्‍गा टोॽवा चोक्‍मा नाडुम्, हिट्‌नुङ् व्‍हाङ्‌ङि ओचेट्‌नुना रिङ् चोक्‍ङा टिलिङ्‌गाचि गाड्‌डे टेयार लिसि॥

रोमि 13:12 ပူးပေါင်းရင်းမြစ်များ

रोमि 13:14

टरो टाङ्‌बा येसु खिरिस्‍टङाना ओचाट्‌ला आनि चोलाङि लाडुम्, हिट्‌नुङ् आनि पापि निङ्‌ग्‍वालाम्‍मा होन्‍ना ओचाफेन्‍ना रिङ् युमालेङ् निङ्‌ग्‍वा टिनिम्‍चा॥

१ कोरिन्‌थि 10:11

नागा सोब्‍बे रिङ् याप्‌मिचिङा सिकाँ उलियाक् नुङ् डोक् आनि टुबाठेबाचिङि लिसे, हिट्‌नुङ् नागा थोक् आनि चा हिट्‌नागाँ ओचोगु गाड्‌डे चोक्‌निम्‍चा नुङ् धारमाछाप्‍लाङि छेप्‍टाना, पोङ्‌भोने हाट्‌ले आनि ना जुगङाना आन्‍तेङि वासेट्‌टि॥

१ कोरिन्‌थि 7:29

बिस्‍वासि आसाइबाचि, हाट्‌ले आङा खानि ना रिङ् लोनाँनि, ना नाराङि युङ्‌माना आनिलोक् याप्‍मा बेला वाइना॥ हाट्‌लेउङ् खानि भ्‍या आलिसिगा येम्‍बेछाचि खानि टालिमाङ्‌ङि एडोक् निङ्‌ग्‍वा पिनेनुम्॥

२ कोरिन्‌थि 10:4

आनि चालाँ चोगुम्‍गा हातियारम्‍बाक् नाराङिगा याप्‌मिचिङा चालाँ ओचोगुना हातियार माखाक्, टरो माङ्‌हाङ् बिरुद्‌दाङि ओकोब्‍गा माङ्‌जोगा रिङ् हिट्‌नुङ् साट्‌टुरचिगा बोल्‍लेउ ठोङ्‌चि जाखाम् चोक्‍माना माङ्‌हाङ् ओबोल्‌ङाना हातियारम्‍बाक् आनिलोक् युङ्‌ग्‍वा॥

२ कोरिन्‌थि 6:7

छेम्‍बाना खाबोर पारचार चोगुमुङ् हिट्‌नुङ् माङ्‌हाङ्‌ङाना ओबोल्‌लाम्‍मा माङ्‌हाङ् ओटोॽवा काचोक्‌चि नुङ् आप्‍पेलाउङ्‌सा निमेट्‌टुम्‍टुम्‍मा॥ हिट्‌नुङ् धारमिक्‍ताङाना हातियारम्‍बाक् इप्‍पोक् मुक्‍ङा डोक् चुङ्‌माउङ्‌सा हिट्‌नुङ् सुरेक्‍छे चोक्‍मा याङुम्‍टुम्‍मा॥

एफिसि 4:22

हिट्‌डेउङ् पाइलेना खानिगा उचाफेम्‍मा चाट्‌लाङा खानि जाखाम् माचोगिट्‌टि हिट्‌नुङ् ना पाइलेना चोलालोक् नाहिगा ख्‍वाप्‍पा ओचाफेन्‍गा रिङ्‌चि नामा कोन्‌युक् नुङ् खानिङा सिकाँ आलिसेसिए॥

एफिसि 5:11

डुम्‍बारिक् डुम्‌ङिगा खेडोक्‍गा टोॽवाङि खानि केङ्‌मा केङ्‌नेनिन्, टरो हिट्‌नागा टोॽवा ओचाफेन्‍गा नुङ् याप्‌मिचि निमेट्‌टानुम्‌चिम्॥

एफिसि 5:8

पोङ्‌भोने पाइले खानि निङ्‌ग्‍वा ओमाक्‍पा डाना, टरो हाट्‌ले खानि टाङ्‌बा ओयाप्‌मिचि आलिसिनाँ माङ्‌हाङ् ओव्‍हाङ् खानिलोक् युङ्‌ग्‍वा॥ हिट्‌डेउङ् हिट्‌ना व्‍हाङ्‌ङिगा पिच्‍छाचि गाड्‌डे डोक् वासानि॥

हिब्‍रु 10:25

आम्‍टेप्‍मा बिस्‍वासिचिगा साङ्‌गाटिङि खाप्‍माना चालान् लिनिना, टरो आनिम्‌बाक् एक्‍के ठोङ्‌ङि छुम्‍मा नानिम्‍चा॥ टरो टाङ्‌बा उङ्‌ना लेम्‍बा एला टायुगेट् नुङ् ठाहा आटोगुम्‍नाँ ठिबाङ्‌ङा आरको आझा आँट् पिडानुम्‌चिम्॥

हिब्‍रु 12:1

हिट्‌नाडेउङ् नाट्‌टेप् औधि बिस्‍वासङाना साँचि कापिबा याप्‌मिचिगा ठेना खिमेयाङ्‌मेङा आकुप्‍टा गाड्‌डे, हाट्‌ले आनि लाम्‍बोङि ओटागा बाधाचि हिट्‌नुङ् आबान्‍गा पाप लेप्‍टुम्, हिट्‌नुङ् माङ्‌हाङ्‌ङा आनि सोरि आयुङ्‌साबिडाना दौड नुलोक् पिन्‌डि॥

याकुब 1:21

हिड्‌नाड्‌डेउङ् सोब्‍बे नाड्‌डेगा ओचाफेन्‍गा हिट्‌नुङ् ओभेन्‍गा चाट्‌ला नाडानुम्, हिट्‌नुङ् मेयोक् लिसानिउङ् खानि निङ्‌ग्‍वाङि युङ्‌बालाक् माङ्‌हाङ् उरिङ् लाडानुम्, पोङ्‌भोने ना रिङ्‌ङा डोक् खानि जोगाँ चोक्‍मा माहिडिटि॥

याकुब 5:8

खानि चा नाड्‌डेडोक् हाङ्‌सा युङानि॥ खानि आसा सेट्‌नेनुम्, पोङ्‌भोने टाङ्‌बा टामाना लेम्‍बा नेहेट्‌टाङ् युङ्‌ग्‍वा॥

१ पाटरुस 2:1

हिड्‌नाड्‌डेउङ् सोब्‍बे ओभेन्‍गा रिङ्, सोब्‍बे छाल चोक्‍माना टोॽवा, काप्‌टि लिमा, रेक् काप्‍मा हिट्‌नुङ् सोब्‍बे पारिग्‍गा लोमाजामा रिङ्‌चि नाडानुम्॥

१ पाटरुस 4:7

हिट्‌नुङ् ख्‍वाप्‍पा रिङ्‌ङाना आन्‍ते लिसा डोक् लाबे॥ हिट्‌नाड्‌डेउङ् खानि निङ्‌ग्‍वा रेक्‍टानुमुङ् ओछेक्‍छेक् लिसानिउङ् बिन्‌टि चोगानि॥

२ पाटरुस 3:11

नागा सोब्‍बे रिङ् जाखाम् उलियुक् नुङ् ठाहा आटोगुमुङ् खानिङा आचोगुम्‍गा ख्‍वाप्‍पा थोक्‌ङि सोजो हिट्‌नुङ् माङ्‌हाङ् हारका चोक्‍माना रिङ्‌ङि निङ्‌ग्‍वा पिमा कोन्‌युक् नुङ् मिट्‌टानुम्॥

२ पाटरुस 3:9

कोइ-कोइङा टाङ्‌बाङा उन्‍ङाना चामारसिङा पुरो चोक्‍मा आबेला चोक्‌युक् नुङ् उमिट्‌टा गाड्‌डे उन् आबेला चोक्‌निना, टरो कोइ चा जाखाम् उलिनेयाट्, टरो ख्‍वाप्‍पा काएल्-काबु उलियाक् नुङ् निङ्‌ग्‍वा चोगुङ् टाङ्‌बाङा खानि माहाङ्‌सेट्‌टि॥

१ युहान्‍ना 2:18

खानि आइछाचि गाड्‌डेगा, नाराङाना आखेरि बेलाम्‍बाक् ना डोक् ए॥ खिरिस्‍टङाना ओसाट्‌टुर टायुगेट् नुङ् खानिङा आखेम्‍सुएसुम्‍मे॥ जोम् खिरिस्‍टङाना ओसाट्‌टुरचिम् टे पाइले डोक् ओटामाइडे॥ ना रिङ्‌लाम्‍मा डोक् नाराङाना आखेरि बेला ए नुङ् आनि ठाहा टोगुम्‍टुम्॥

पारकास 1:3

जुन् याप्‌मिङा ना छाप्‍लाङि आङा छेप्‍टुएट्‌टुङ्‌ना माङ्‌हाङ्‌लाम्‍माना रिङ् उरिङ् ठेना चोगुङ् पोढाँ चोगुटु, हिट्‌नुङ् हिट्‌नागा रिङ् खेम्‍सुटु हिट्‌नुङ् बिस्‍वास चोगुटु, हिट्‌ना माङ्‌हाङ्‌ङा आसिक् पिडुटु, पोङ्‌भोने नागा रिङ् एला डोक् लियुक्॥

पारकास 22:10

हिट्‌नुङ् हिट्‌नाङा आङा नाड्‌डे याङ्‌लोडे, “ना छाप्‍लाङि माङ्‌हाङ्‌लाम्‍माना रिङ्‌चि छाप् मेट्‌टुन्, पोङ्‌भोने नागा सोब्‍बे रिङ् एला डोक् पुरो लियुक्॥