रोमि 13:11 - आठपहरिया

¹¹ आङा खानि लोनानिगा रिङ् चोगानुम्, पोङ्‌भोने हाट्‌ले आनि हिङेट्‌टिना बेला खोड्‌डेना नुङ् खानिलाउङ्‌सा ठाहा युङ्‌ग्‍वा॥ हाट्‌ले मिॽयुमालाम्‍मा चेम्‍मा बेला लिसे, पोङ्‌भोने पाइले आनि बिस्‍वास चोगुम्‍ना बेला नुङ्‌ना हाट्‌ले आनिना मुक्‌टि आझै नेहेट्‌टाङ् टामैडे॥

रोमि 13:11 ပူးပေါင်းရင်းမြစ်များ

मात्‌ति 16:3

फेरि एका भ्‍यानिक् ‘टाङ्‌साङ् फाबालेङ् हिट्‌नुङ् डुम्‍बारिक् डुम् लिसे भोने, हाटले व्‍हेट् टायुक्‍ना रैछो’ नुङ् खानि आपिगिटि॥ खानिङा टाङ्‌साङ्‌ङि आपुयुमुङ् लेम्‍बा पाक् लियुक्‍ना नुङ् आड्‌काल चोक्‍मा आहिडुम्‍गा, टरो हाटले पाक् लिएट्‌ना ना बेलाङाना मिक्‍सेन् बारेङिम्‍बाक् खानिङा माप्‍मा आहिनिम्‍ना॥

लुका 21:28

जब नागा रिङ्‌चि लिमा ठालाँ लियुक् टब खानि निङ्‌ग्‍वा बोल्‍लेउ चोगानुम् हिट्‌नुङ् मिकिट्‌ने येबानि, पोङ्‌भोने माङ्‌हाङ्‌ङा एला डोक् खानि ना याङ्‌छामालाम्‍मा माहिङ्‌मेट्‌टिटि॥”

१ कोरिन्‌थि 10:11

नागा सोब्‍बे रिङ् याप्‌मिचिङा सिकाँ उलियाक् नुङ् डोक् आनि टुबाठेबाचिङि लिसे, हिट्‌नुङ् नागा थोक् आनि चा हिट्‌नागाँ ओचोगु गाड्‌डे चोक्‌निम्‍चा नुङ् धारमाछाप्‍लाङि छेप्‍टाना, पोङ्‌भोने हाट्‌ले आनि ना जुगङाना आन्‍तेङि वासेट्‌टि॥

१ कोरिन्‌थि 15:34

पाक् नुना ए हिट्‌ना ओछेक्‍छेक् चोगानिउङ् मिट्‌टानुम्, हिट्‌नुङ् पाप चोक्‍मा नाडानुम्॥ ना रिङ् खानिलोङ्‌सा मोम्‍मासिमाना रिङ् उलियाक् नुङ् आङा खानि लोनाँनि, पोङ्‌भोने खानि माड्‌डे आम्‍टेप्‍माङा माङ्‌हाङ् मिसेन् डोक् उनिसुन्‍गेट्‌टुन्‍ना॥

एफिसि 5:14

हिट्‌डेउङ् याप्‌मिचिङा नाड्‌डे ओमाट्‌टुटु, “हाउ आइम्‌सिगा याप्‌मिचि, कोबानि हिट्‌नुङ् सिमालाम्‍मा उहिङ्‌ग्‍वाट् लिसानि, हिट्‌नुङ् खिरिस्‍टङाना व्‍हाङ् खानिङि ओम्‌युक्॥”

याकुब 5:8

खानि चा नाड्‌डेडोक् हाङ्‌सा युङानि॥ खानि आसा सेट्‌नेनुम्, पोङ्‌भोने टाङ्‌बा टामाना लेम्‍बा नेहेट्‌टाङ् युङ्‌ग्‍वा॥

१ पाटरुस 4:7

हिट्‌नुङ् ख्‍वाप्‍पा रिङ्‌ङाना आन्‍ते लिसा डोक् लाबे॥ हिट्‌नाड्‌डेउङ् खानि निङ्‌ग्‍वा रेक्‍टानुमुङ् ओछेक्‍छेक् लिसानिउङ् बिन्‌टि चोगानि॥

२ पाटरुस 3:11

नागा सोब्‍बे रिङ् जाखाम् उलियुक् नुङ् ठाहा आटोगुमुङ् खानिङा आचोगुम्‍गा ख्‍वाप्‍पा थोक्‌ङि सोजो हिट्‌नुङ् माङ्‌हाङ् हारका चोक्‍माना रिङ्‌ङि निङ्‌ग्‍वा पिमा कोन्‌युक् नुङ् मिट्‌टानुम्॥

२ पाटरुस 3:9

कोइ-कोइङा टाङ्‌बाङा उन्‍ङाना चामारसिङा पुरो चोक्‍मा आबेला चोक्‌युक् नुङ् उमिट्‌टा गाड्‌डे उन् आबेला चोक्‌निना, टरो कोइ चा जाखाम् उलिनेयाट्, टरो ख्‍वाप्‍पा काएल्-काबु उलियाक् नुङ् निङ्‌ग्‍वा चोगुङ् टाङ्‌बाङा खानि माहाङ्‌सेट्‌टि॥

१ युहान्‍ना 2:18

खानि आइछाचि गाड्‌डेगा, नाराङाना आखेरि बेलाम्‍बाक् ना डोक् ए॥ खिरिस्‍टङाना ओसाट्‌टुर टायुगेट् नुङ् खानिङा आखेम्‍सुएसुम्‍मे॥ जोम् खिरिस्‍टङाना ओसाट्‌टुरचिम् टे पाइले डोक् ओटामाइडे॥ ना रिङ्‌लाम्‍मा डोक् नाराङाना आखेरि बेला ए नुङ् आनि ठाहा टोगुम्‍टुम्॥

पारकास 1:3

जुन् याप्‌मिङा ना छाप्‍लाङि आङा छेप्‍टुएट्‌टुङ्‌ना माङ्‌हाङ्‌लाम्‍माना रिङ् उरिङ् ठेना चोगुङ् पोढाँ चोगुटु, हिट्‌नुङ् हिट्‌नागा रिङ् खेम्‍सुटु हिट्‌नुङ् बिस्‍वास चोगुटु, हिट्‌ना माङ्‌हाङ्‌ङा आसिक् पिडुटु, पोङ्‌भोने नागा रिङ् एला डोक् लियुक्॥

पारकास 22:10

हिट्‌नुङ् हिट्‌नाङा आङा नाड्‌डे याङ्‌लोडे, “ना छाप्‍लाङि माङ्‌हाङ्‌लाम्‍माना रिङ्‌चि छाप् मेट्‌टुन्, पोङ्‌भोने नागा सोब्‍बे रिङ् एला डोक् पुरो लियुक्॥

पारकास 22:12

येसुङा माट्‌टुटु, “खेम्‍सानुम्, आङा एला डोक् उङ्‌ङागेट्‌ङा॥ हिट्‌नुङ् सोब्‍बे याप्‌मिचि उन्‌चिङा ओचोगुना टोॽवाङाना इनाम् लोक् साजाए आङा पिडुङ्‌चिङ्‌चिङ्॥

पारकास 22:20

नागा सोब्‍बे रिङ्‌ङाना साँचि कापिबाङा नाड्‌डे माट्‌टुटु, “छेम्‍बा आङा एला डोक् उङ्‌ङा॥” आमेन्॥ छेम्‍बा डोक्, आन्‍याँ येसु डाङ्‌बा, एला डोक् उङ्‌सा॥