रोमि 12:19 - आठपहरिया

¹⁹ आम्‍बु-आन्‍झाचि हिट्‌नुङ् आनो-आन्‍झोचि, खानि ओचाफेन्‍लोक् माचोगिगा लाउङ्‌सा ओचाफेन्‍नालोक् मेट्‌नेनुम्‌चिम्, टरो हिट्‌नागा साजाए पिमा माङ्‌हाङ्‌ङि डोक् नाडानुम्, पोङ्‌भोने धारमाछाप्‍लाङि नाड्‌डे छेप्‍टाइसे, हिट्‌नि टाङ्‌बाङा माट्‌टुटु, “ओचाफेन्‍ना टोॽवा ओचोग्‍गालाउङ्‌सा साजाए पिमाना आङाना आटोॽवा॥ आङा डोक् बादला लाडुङ्‌टुङ्॥”

रोमि 12:19 ပူးပေါင်းရင်းမြစ်များ

मात्‌ति 5:39

टरो आङा खानि लोनाँनि, खानि ओचाफेन्‍लोक् मामेट्‌टिगा लाउङ्‌सा ओचाफेन्‍लोक् चोग्‍नेनुम्‌चिम्॥ हिट्‌नुङ् कोइङा खान्‍ङाना छुप्‍टाङ्‌लेङ्‌ना काकालाङि मालेम्‍से भोने, फेङ्‌साङ्‌ना काकाला चा टाक्‍टुबिडु॥

रोमि 12:14

खानि याङ्‌छामा माचाट्‌टिगा याप्‌मिचि साराप माखाक्, आसिक् पिडानुम्‌चिम्॥

रोमि 12:17

कोइङा खानि ओचाफेन्‍ना मामेट्‌टिए भोने चा खानिङाम्‍बाक् हिड्‌डे ओचाफेन्‍लोक् मेट्‌नेनुम्‌चिम्, टरो याप्‌मिचिङा उपुयुनाँ जे रिङ् नुना हिट्‌ना रिङ्‌ङि एडोक् निङ्‌ग्‍वा पिडानुम्॥

रोमि 13:4

पोङ्‌भोने सासाक्‌चि माङ्‌हाङ् ओचाकारचि ए, हिट्‌नागा खानिगा नुलोक् लोङ्‌सा डोक् उन्‍ङा युङ्‌सुचिगा ए॥ टरो खानिङा ओचाफेन्‍गा टोॽवा आचोगुम्‍टुम् भोने सासाक्‌चिलोक् खानि किट्‌टानि, पोङ्‌भोने हिट्‌नागाँ खानि साजाएँ पिमाना आधिकार माङ्‌हाङ्‌लाम्‍मा ओटोगुएसुए॥ हिट्‌नुङ् ओचाफेन्‍गा टोॽवा काचोक् सोब्‍बे साजाए पिमा माङ्‌हाङ्‌ङा हिट्‌नागा युङ्‌सुचिगा ए॥

एफिसि 4:27

हिट्‌नुङ् सैतानङा खानि निङ्‌ग्‍वाङि पाप चोक्‍मेप्‍माना रिङ्‌ङि ठेम्‍मा मौका टोगुन्‍ना॥

१ थेसालोनिकि 4:6

हिट्‌नुङ् ना रिङ्‌ङि साङा चा आप्‍पे बिस्‍वासि भुम्‍भु-झान्‍झाचि बिरुद्‌दाङि पाप ओचोगुन्‍चा आथाबा उसुबुन्‌चिन्‍चा, पोङ्‌भोने नाड्‌डेगा रिङ् काचोक्‌चिलाउङ्‌सा टाङ्‌बाङा डोक् साजाए पिडुचिचि नुङ् आन्‍याँ पाइले डोक् नागा रिङ् बारेङि नुलोक् ओछेक्‍छेक् चोक्‍नाइने॥

२ तिमोथि 4:14

टाँबोङाना भाँडाकुँडा कामाँ काचोक् आलेक्‍जेन्‍डरङा आङा आड्‌डिक् ओचाफेन्‍लोक् याङ्‌मेट्‌टे॥ हिट्‌नाँ चोगुना टोॽवाङाना साजाए टाङ्‌बाङा डोक् पिडुटु॥

हिब्‍रु 10:30

पोङ्‌भोने माङ्‌हाङ्‌ङा माट्‌टुना रिङ् आनि ठाहा टोगुम्‍टुम्, “बादला लाड्‌माना टोॽवा आङाना॥ आङा डोक् बादला लाडुङ्‌टुङ्॥” उन्‍ङा नाड्‌डे चा माट्‌टुए, “माङ्‌हाङ् डाङ्‌बाङा डोक् ओयाप्‌मिचि न्‍याए चोगुचिचि॥”