रोमि 12:18 - आठपहरिया

¹⁸ लिमा हियुक् भोने सोब्‍बे याप्‌मिचिलोक् टोङानिउङ् हाङ्‌हाङ् युङानि॥

रोमि 12:18 ပူးပေါင်းရင်းမြစ်များ

मात्‌ति 5:24

खान्‍ङाना भेटि हिट्‌ना ठाना सोरि डोक् पोक्‍टुढोङ् पाइला हिट्‌नालोक् टोङा, हिट्‌नुङ् आबाउङ् काभेटि ठाङ्‌सु॥

मात्‌ति 5:5

मेयोक् उलिगा लोङ्‌सा माङ्‌हाङ्‌ङा आसिक् पिडुचिचि, पोङ्‌भोने उन्‍ङा हिट्‌नागा ना नारा हिट्‌नुङ् नेहिगा ख्‍वाप्‍पा थोक्‌चि पिडुचिचि॥

मात्‌ति 5:9

याप्‌मिचि काटोङ्‌बाचि लोङ्‌सा माङ्‌हाङ्‌ङा आसिक् पिडुचिचि, पोङ्‌भोने हिट्‌नागा माङ्‌हाङ् ओछालेट्‌चि उलियुक्॥

मारकुस 9:50

युम् नुना ए, टरो युम्‌ङाना ओसाम् खाडे भोने, हिट्‌ना खोड्‌डेउङ् युम्‍युम् लोना चोक्‍माना? हिट्‌नुङ् खानि चोला युम् गाड्‌डे डोक् नुम्‍नुम् चोगानुम्, हिट्‌नुङ् सोब्‍बेलोक् टोङानिउङ् युङानि॥”

रोमि 1:15

हिट्‌नाडेउङ् खानि रोमङि आलिसिगा याप्‌मिचिलाउङ्‌सा चा ना नुना खाबोर पारचार चोक्‍मा आड्‌डिक् आनिङ्‌ग्‍वा युङ्‌ग्‍वा॥

रोमि 14:17

पोङ्‌भोने माङ्‌हाङ् उमुलुक् आनि चोलाङि चामाना हिट्‌नुङ् ठुङ्‌माना बारेङि माखाक्, टरो माङ्‌हाङ्‌ङाना धारमिक्‍ता, हाङ्‌हाङ् हिट्‌नुङ् आनान्‍दाङाना बारेङि ए, नाम्‍बाक् सेङ्‌सेङ्‌ना हाङ्‌साङा आनि आपियुक्॥

रोमि 14:19

हिड्‌डेउङ् खोना रिङ्‌ङा हाङ्‌हाङ् टाडुटुना, हिट्‌नुङ् खोना रिङ्‌ङा आरु बिस्‍वासिचि उन्‌चि बिस्‍वासङि बोल्‍लेउ चोगुचिचिगा हिट्‌ना रिङ् चोक्‍मा लाहाब् लिसियाक्‌टि॥

१ कोरिन्‌थि 7:15

टरो बिस्‍वास चोगुन्‍गेट्‌टुन्‍ना साम्‌युक् भोने साम्‍मा पिडानुम्॥ हिट्‌ना बेला हिट्‌ना बिस्‍वास काचोक्‍बा येम्‍बेछा आथाबा टालिमाङ् सोतान्‍तर लियुक्॥ टरो माङ्‌हाङ्‌ङा आनि हाङ्‌हाङ् युङि नुङ् आसेगाना॥

२ कोरिन्‌थि 13:11

आम्‍भु-आन्‍झाचि, हाट्‌ले नागा रिङ् छेप्‍टुङुङ् बाबा लोनाँनि, आनान्‍दा चोगानि, नुना रिङ् चोक्‍मा निङ्‌ग्‍वा पिडानुम्, आङा लोनानिगा रिङ् खेम्‍सानुम्, ठिक्‍ए निङ्‌ग्‍वा चोगानुम् हिट्‌नुङ् टोङानिउङ् युङानि॥ हिट्‌नुङ् माया लोक् हाङ्‌हाङ् आपिना माङ्‌हाङ् खानिलोक् लियुक्॥

गालाति 5:22

टरो सेङ्‌सेङ्‌ना हाङ्‌साङा माट्‌टु गाड्‌डे काचोक्‍बा याप्‌मिङा नाड्‌डेगा टोॽवा चोगुटु, उन्‍ङा याप्‌मिचि माया चोगुचिचि, खुसि लियुक्, हाङ्‌हाङ् लियुक्, आङ्‌मा काहिबा लियुक्, याप्‌मिचि दाया चोगुचिचि, आरु नुलोक् मेट्‌टुचिचि, बिस्‍वासिलो लियुक्,

एफिसि 4:3

माङ्‌हाङ्‌ङाना हाङ्‌साङा डोक् खानि ठिक्‍ए माचोगिटि, हिट्‌डेउङ् ठिबाङ् आरकोलोक् हाङ्‌हाङ् युङ्‌माउङ्‌सा कोसिस चोगानि॥

१ थेसालोनिकि 5:13

हिट्‌नुङ् हिट्‌नागाँ ओचोगुना टोॽवा लोङ्‌सा हिट्‌नागा मायालोक् आड्‌डिक् मान् चोगानुम्‌चिम्॥ हिट्‌नुङ् खानि खानि टोङानिउङ् युङानि॥

२ तिमोथि 2:22

हिट्‌डेउङ् ठाङ्‌बेन् बेला निङ्‌ग्‍वालाम्‍मा टाना ओचाफेन्‍गा रिङ्‌चिलाम्‍मा पिन्‍डा, हिट्‌नुङ् सेङ्‌सेङ्‌ना निङ्‌ग्‍वाङि टाङ्‌बा माङ्‌ध्‍यान् काचोक् याप्‌मिचिलोक् पाक् नुना हिट्‌ना रिङ्‌ङि, बिस्‍वासङि, मायाङि हिट्‌नुङ् हारका लिसिना रिङ्‌ङि लाहाब् लिसा॥

हिब्‍रु 12:14

खानि सोब्‍बे याप्‌मिचिलोक् हाङ्‌हाङ् युङ्‌माना कोसिस चोगानि हिट्‌नुङ् चोखो लिसानि, पोङ्‌भोने सेङ्‌सेङ् मिलिङे साक्‍ङा चा टाङ्‌बा निमा उहिडुन्‍ना॥

१ पाटरुस 3:11

हिट्‌नाङा ओचाफेन्‍ना टोॽवा चोक्‍मा नाडुङ् ओचेट्‌नुना टोॽवा चोक्‍मा कोन्‌युक्॥ हिट्‌नाङा आरु याप्‌मिचिलोक् सान्‌तिङि युङ्‌मा निङ्‌ग्‍वालाम्‍मा डोक् चोक्‍मा कोन्‌युक्॥