रोमि 12:17 - आठपहरिया

¹⁷ कोइङा खानि ओचाफेन्‍ना मामेट्‌टिए भोने चा खानिङाम्‍बाक् हिड्‌डे ओचाफेन्‍लोक् मेट्‌नेनुम्‌चिम्, टरो याप्‌मिचिङा उपुयुनाँ जे रिङ् नुना हिट्‌ना रिङ्‌ङि एडोक् निङ्‌ग्‍वा पिडानुम्॥

रोमि 12:17 ပူးပေါင်းရင်းမြစ်များ

मात्‌ति 5:24

खान्‍ङाना भेटि हिट्‌ना ठाना सोरि डोक् पोक्‍टुढोङ् पाइला हिट्‌नालोक् टोङा, हिट्‌नुङ् आबाउङ् काभेटि ठाङ्‌सु॥

मात्‌ति 5:39

टरो आङा खानि लोनाँनि, खानि ओचाफेन्‍लोक् मामेट्‌टिगा लाउङ्‌सा ओचाफेन्‍लोक् चोग्‍नेनुम्‌चिम्॥ हिट्‌नुङ् कोइङा खान्‍ङाना छुप्‍टाङ्‌लेङ्‌ना काकालाङि मालेम्‍से भोने, फेङ्‌साङ्‌ना काकाला चा टाक्‍टुबिडु॥

रोमि 12:19

आम्‍बु-आन्‍झाचि हिट्‌नुङ् आनो-आन्‍झोचि, खानि ओचाफेन्‍लोक् माचोगिगा लाउङ्‌सा ओचाफेन्‍नालोक् मेट्‌नेनुम्‌चिम्, टरो हिट्‌नागा साजाए पिमा माङ्‌हाङ्‌ङि डोक् नाडानुम्, पोङ्‌भोने धारमाछाप्‍लाङि नाड्‌डे छेप्‍टाइसे, हिट्‌नि टाङ्‌बाङा माट्‌टुटु, “ओचाफेन्‍ना टोॽवा ओचोग्‍गालाउङ्‌सा साजाए पिमाना आङाना आटोॽवा॥ आङा डोक् बादला लाडुङ्‌टुङ्॥”

रोमि 14:16

खान्‍ङा ओचेट्‌नुना नुङ् आमिट्‌टुना रिङ् आरुङा ओचाफेन्‍ना नुङ् माप्‍मा पिडुन्‌चिन्॥

कालास्‌सि 4:5

येसुङि बिस्‍वास ओचोगुन्‍गा याप्‌मिचिलोक् ठोना लिसाना गाड्‌डे चोगानि हिट्‌नुङ् खानिङा आटोगुम्‍ना नाड्‌डेना बेला आरु घुवार फामाङि डोक् टिसानुम्॥

१ थेसालोनिकि 4:12

हिड्‌नाड्‌डेउङ् बिस्‍वास ओचोगुन्‍गाँ चा खानि मान् माचोगिटि, हिट्‌नुङ् खानि चाहाब् आलिसिनाँ साक्‌लोक् चा भोर चोक्‍मा कोन्‌निना॥

१ थेसालोनिकि 5:15

ना रिङ् मिट्‌टानुम्, साङा चा ओचाफेम्‍मा चोक्‍माना ओसाट्‌टोङि ओचाफेम्‍मा ओचोगुन्‍चा, टरो ठिबाङ्‌ङा आरको हिट्‌नुङ् सोब्‍बे याप्‌मिचिलोक् सोरोक् ओचेट्‌नुलोक् चोक्‍माना निङ्‌ग्‍वा चोगानुम्॥

१ थेसालोनिकि 5:22

सोब्‍बे पारिग्‍गा ओचाफेन्‍गा रिङ्‌चि नाडानुम्॥

१ तिमोथि 5:14

नाड्‌डेउङ् कायेप्‍मा लाङ्‌लेप्‍माचि भ्‍या उलियाक्, उन्‌चि छालेट्‌चि उलियाक्, आप्‍पे उन्‌चि पाङ्‌ठाङ् ओचोगुजो नुङ् साल्‍लाह पिडुचि॥ हिट्‌नुङ् साट्‌टुरचि आनि बिरोधङि पाक्‍चा चेक्‍मा उहिनिगा॥

१ पाटरुस 2:12

आबिस्‍वासि याप्‌मिचिगा माझाइ खानि चाट्‌ला नुना उलियाक्॥ हिट्‌नुङ् खानिङा आचोगुम्‍ना गाल्‌ति रिङ्‌ङाना हिट्‌नागाँ फाट्‌टुर मालाबिए भोने चा हिट्‌नागाँ खानिगा ओचेट्‌नुना टोॽवा उनिसुवाक् हिट्‌नुङ् माङ्‌हाङ्‌ङा नाराङिगा याप्‌मिचिगा न्‍याए चोगुनाँ हिट्‌नागाँ उन्‍ङाना माहिमा ओचोगुवाक्॥

१ पाटरुस 3:16

हिट्‌ना आसा बारेङि मेयोक् लिसानिउङ् याप्‌मिचि मान् चोक्‍सा लोडानुम्‌चिम्॥ खानि मिप्‍माना बोल् सेङ्‌सेङ् युङ्‌सानुम्॥ हिड्‌नाड्‌डेउङ् खिरिस्‍टङि खोड्‌डे पारिक् नुना चोलाङि आयुङिएसेगा हिट्‌ना रिङ् उनिसुङ् खानि बिरुद्‌दाङि ओचेक्‍गा आप्‍पे ओमोन्‌युसियुक्॥

१ पाटरुस 3:9

कोइङा खानि ओचाफेम्‍मा माचोगिए भोने हिट्‌ना ओचाफेम्‍मा मेट्‌नेनुम्, हिट्‌नुङ् साराप याङुए भोने चा सारापें चोक्‍नेनुम्॥ टरो हिट्‌ना ओसाट्‌टोङि आसिक् पिडानुम्‌चिम्, पोङ्‌भोने माङ्‌हाङ्‌ङा ना लाउङ्‌सा डोक् खानि माछेम्‌डिगा॥ हिट्‌नुङ् खानिङा उन्‌लाम्‍मा आसिक् टोगानुम्॥