रोमि 12:14 - आठपहरिया

¹⁴ खानि याङ्‌छामा माचाट्‌टिगा याप्‌मिचि साराप माखाक्, आसिक् पिडानुम्‌चिम्॥

रोमि 12:14 ပူးပေါင်းရင်းမြစ်များ

मात्‌ति 5:44

टरो आङा खानि लोनाँनि, खानि साट्‌टुरचि माया चोगानुम्‌चिम्, हिट्‌नुङ् खानि निङ्‌ग्‍वा टुक्‍मेप्‍मा मामेट्‌टिगा लोङ्‌सा बिन्‌टि चोगाबिडानुम्‌चिम्॥

लुका 23:34

हिट्‌ना बेला येसु नाड्‌डे पिगे, “हाउ आप्‍पो, नागा माफ पिडुचि, पोङ्‌भोने नागा पाक् ओचोक्‌येट्‌गा हिट्‌ना ठाहा ओटोगुन्‍ना॥” हिट्‌नुङ् उपिङ्‌बाचिङा येसु ओलोट्‌लिङ् हाम्‍मा लोङ्‌सा चिट्‌ठा ओठेन्‍डुए॥

लुका 6:28

खानि साराप ओयाङुगालोङ्‌सा आसिक् पिडानुम्‌चिम्॥ खानि ओचाफेम्‍मा चाट्‌ला मामेट्‌टिगा लोङ्‌सा बिन्‌टि चोगाबिडानुम्‌चिम्॥

मुलिचेला टोॽवा 7:60

हिट्‌नुङ् उन् उटुम्‍बुट्‌ङि युङाउङ् ठेना रिङ्‌ङि नाड्‌डे पिगे, “हाउ टाङ्‌बा, ना पापङाना साजाए नागा पिडुन्‌चिन्॥” नाड्‌डे माट्‌टुङ् ओसोक्‍मा खाडे॥

रोमि 12:21

ओचाफेन्‍ना रिङ्‌ङा खान् मेप्‍मा पिडुन्, टरो याप्‌मिचिङा ओचोगुना ओभेन्‍गा टोॽवा ओचेट्‌नुगा टोॽवा चोगुउङ् मेट्‌टुचि॥

१ थेसालोनिकि 5:15

ना रिङ् मिट्‌टानुम्, साङा चा ओचाफेम्‍मा चोक्‍माना ओसाट्‌टोङि ओचाफेम्‍मा ओचोगुन्‍चा, टरो ठिबाङ्‌ङा आरको हिट्‌नुङ् सोब्‍बे याप्‌मिचिलोक् सोरोक् ओचेट्‌नुलोक् चोक्‍माना निङ्‌ग्‍वा चोगानुम्॥

याकुब 3:10

ना ठिक्‍ए यासिलाम्‍मा आसिक् हिट्‌नुङ् साराप चा याङिटि॥ आम्‍भु-आन्‍झाचि हिट्‌नुङ् आनो-आन्‍झाचि, नाड्‌डे चोक्‍मा ओचेट्‌नु लिनिना॥

१ पाटरुस 3:9

कोइङा खानि ओचाफेम्‍मा माचोगिए भोने हिट्‌ना ओचाफेम्‍मा मेट्‌नेनुम्, हिट्‌नुङ् साराप याङुए भोने चा सारापें चोक्‍नेनुम्॥ टरो हिट्‌ना ओसाट्‌टोङि आसिक् पिडानुम्‌चिम्, पोङ्‌भोने माङ्‌हाङ्‌ङा ना लाउङ्‌सा डोक् खानि माछेम्‌डिगा॥ हिट्‌नुङ् खानिङा उन्‌लाम्‍मा आसिक् टोगानुम्॥