रोमि 11:29 - आठपहरिया

²⁹ पोङ्‌भोने माङ्‌हाङ्‌ङा आनि आपिडाना बारदान नोक्‍टुखाट्‌टुन्‍ना हिट्‌नुङ् उन्‍ङा सेगुचिगा याप्‌मिचि बारेङि उनिङ्‌ग्‍वा फेराँ चोगुन्‍ना॥

रोमि 11:29 ပူးပေါင်းရင်းမြစ်များ

रोमि 11:30

एक बेला खानि पानिछोङ्‌बाचिङा माङ्‌हाङ् उरिङ् आखेम्‍नेट्‌निम्॥ टरो हाट्‌ले इस्‍राएलि याप्‌मिचिङा माङ्‌हाङ् उरिङ् ओखेम्‍स्‍वाट्‌टुन् नुङ् खानिङा उन्‍ङाना ओदाया आटोगुएसुम्‍मे॥

रोमि 8:28

माङ्‌हाङ् माया काचोक्‌चिलाउङ्‌सा उन्‍ङा सोब्‍बे रिङ् उन्‌चि ओचेट्‌नु लाउङ्‌सा डोक् चोगुटु नुङ् आनि ठाहा टोगुम्‍टुम्– हिट्‌नागा याप्‌मिचि डोक् माङ्‌हाङ्‌ङाना उनिङ्‌ग्‍वा गाड्‌डे छेम्‍डुचिगा याप्‌मिचि ए॥

रोमि 8:30

हिट्‌नुङ् उन्‍ङा पाइले डोक् उइछा गाड्‌डे चोक्‍मा निङ्‌ग्‍वा चोगुचिगालाउङ्‌सा, उन्‍ङा छेम्‍डुचे चा॥ हिट्‌नुङ् उन्‍ङा छेम्‍डुचिगालाउङ्‌सा उन्‍ङा ओनाभाक्‌ङि धारमोति चा चोगुचे, हिट्‌नुङ् धारमोति चोगुचिगालाउङ्‌सा उन्‍ङा मान् चा पिडुचे॥

१ कोरिन्‌थि 1:26

मायालु बिस्‍वासि साइबाचि, माङ्‌हाङ्‌ङा माछेम्‌डिना बेला खानि खोट्‌डेगा याप्‌मिचि आवासेट्‌टिगा? हिट्‌ना रिङ् खानिङा मिट्‌टानुम्॥ हिट्‌नुङ् नाराङिगा याप्‌मिचिङा खानि माड्‌डे खाट्‌टिप्‍मा एडोक् ठोना उलिसागा याप्‌मिचि, खाट्‌टिप्‍मा एरोक् सासान् काचोक्‍बाचि हिट्‌नुङ् खाट्‌टिप्‍मा एडोक् वागाठागा याप्‌मिचि आवासेट्‌टिगा नुङ् निङ्‌ग्‍वा ओचोगुगा डागा॥

एफिसि 1:18

आनि खिरिस्‍टङि युङ्‌सुम्‍ना आसा खानिङा बुजा चोक्‍मा माङ्‌हाङ्‌ङा घुवार माफाडियाक् नुङ् आङा बिन्‌टि चोगुङ्‌टुङ्, हिट्‌नुङ्‌ना माङ्‌हाङ्‌ङा सेगुचिगा ओयाप्‌मिचि चामारसिङा चोगुना ओचेट्‌नुना रिङ्‌ङाना उटुप् खानिङा बुजा आचोगुम्‍टुम्, हिट्‌नुङ् उन्‍ङा सेगुचिगा याप्‌मिचिङा ओचोगुनाँ माङ्‌हाङ्‌ङा ठेना मान् टोगुटु॥

एफिसि 4:1

हाट्‌ले आङा खाम्‍बाङ्‌ङि वाङेट्‌ङा, पोङ्‌भोने आङा टाङ्‌बाङाना सेवा चोगुङ्‌टुङ्॥ माङ्‌हाङ्‌ङा खानिलाउङ्‌सा ओयाप्‌मि लिमा मासेगिए, हिट्‌ना पारा डोक् खानि चोलाङि युङानि नुङ् खानि आनुरोध चोक्‍नाँनि॥

एफिसि 4:4

आनि सोब्‍बे येसुङि बिस्‍वास काचोक्‌चि ठिक्‍ए येम् गाड्‌डेगा ए, हिट्‌नुङ् सेङ्‌सेङ्‌ना हाङ्‌सा चा ठिक् एना ए॥ हिट्‌नाडेउङ् खानिङा आसा आचोगुम्‍ना हिट्‌ना ठिक् एना नुना आसिक् लाउङ्‌सा माङ्‌हाङ्‌ङा खानि माछेम्‌डिए॥

फिलिप्‌पि 3:14

नाड्‌डेउङ् टोनालोग्‌ङिना इनाम् टोक्‍माउङ्‌सा आङा लाक्‍छेलेङ् टामा बोल् चोक्‍ङेट्‌ङा॥ माङ्‌हाङ्‌ङा ना रिङ् लोङ्‌सा डोक् खिरिस्‍ट येसुलाम्‍मा लाट्‌निना चोला टोक्‍माउङ्‌सा आङा याङ्‌छेम्‍डाना॥

२ थेसालोनिकि 1:11

हिड्‌डेउङ् माङ्‌हाङ्‌ङा जुन् चोला लोङ्‌सा खानि माछेम्‌डिए, हिट्‌ना लोङ्‌सा उन्‍ङा योग्‍ए माचोग्‌याक्, हिट्‌नुङ् उन्‍ङाना बोल्‍ङा ओचेट्‌नुना टोॽवा चोक्‍माना निङ्‌ग्‍वा हिट्‌नुङ् बिस्‍वासङि सोब्‍बे थोक् चोक्‍मा घुवार माफाड्‌याक् नुङ् आन्‍याँ खानि सोब्‍बेलाउङ्‌सा सोरोक् बिन्‌टि चोगुम्‍टुम्‍मा॥

२ तिमोथि 1:9

उन्‍ङा डोक् आनि आहिङ्‌ग्‍मेट्‌टाउङ् आप्‍पे उन्‍ङाना सेङ्‌सेङ्‌ना याप्‌मि लिमा आछेम्‍डे॥ आन्‍याँ चोगुम्‍माना टोॽवाङा माखाक्, टरो आप्‍पे उनिङ्‌ग्‍वा हिट्‌नुङ् ओमायादायाङा माङ्‌हाङ्‌ङा आनि आछेम्‍डे॥ ना मायादायाउम् टे नारा सिरिस्‌टि लिमा पाइले डोक् आनिलोङ्‌सा खिरिस्‍ट येसुलाम्‍मा आपिडाइसाना॥

हिब्‍रु 3:1

हिट्‌नाड्‌डेउङ् मायालु भुम्‍भु-झान्‍झाचि हिट्‌नुङ् आनो-आन्‍झाचि, खानि माङ्‌हाङ्‌ङा मासेगिगा याप्‌मिचि हिट्‌नुङ् टोनालोग्‌ङिना ओभागा काटोक्‌चि ए, माङ्‌हाङ्‌ङाना खाबोर कालो हिट्‌नुङ् सानिङ्‌डाङ्‌बा नुङ् लाडुम्‍ना येसुङि आनि निङ्‌ग्‍वा पिडुम्॥

२ पाटरुस 1:10

हिड्‌नाड्‌डेउङ् भुम्‍बु-झान्‍झाचि हिट्‌नुङ् आनो-आन्‍झाचि, माङ्‌हाङ्‌ङा खानि माछेम्‌डिगा हिट्‌नुङ् मासेगिगा रिङ् छेम्‍बाना ए नुङ् निमेट्‌मा लाउङ्‌सा टुक्‍लोक् टोॽवा चोगानि, पोङ्‌भोने नाड्‌डेगा रिङ् खानिङा आचोगुम्‍टुम् भोने, खानि खोना बेला चा माङ्‌हाङ्‌लाम्‍मा लाप्‍माङ् आलिसिन्‍गा॥