रोमि 11:25 - आठपहरिया

²⁵ आम्‍भु-आन्‍झाचि हिट्‌नुङ् आनो-आन्‍झाचि, ना ठोबाना रिङ् बारेङि बुजा चोगानुम् नुङ् आङा खानि लोनाँनि, हिट्‌डेउङ् खानि आप्‍पे लाउङ्‌सा ठेलोक् काचोक् लिनेनिन्॥ ना ठोबाना रिङ् बारेङि आङा खानि लोनाँनि, खिरिस्‍टङि टामा ओकोन्‍गा टेप्‍मा पानिछोङ्‌बाचिङा बिस्‍वास ओचोगुन्‍लोक् सोम्‍मा इस्‍राइलिचिङा उन्‌चि निङ्‌ग्‍वा ठुम्‍लोक् ओचोगुटु॥

रोमि 11:25 ပူးပေါင်းရင်းမြစ်များ

मात्‌ति 13:11

उन्‍ङा हिट्‌नागा लोडुचे, “खानिङाम्‍टे टोनालोग्‌ङिना मुलुक्‌ङाना सोगोप्‍ना रिङ्‌चि ठाहा टोग्‍माना ठोना आटोगुएसुम्‍मे, टरो हिट्‌नागा लाउङ्‌सा भोने पिनिगेट्‌निना॥

लुका 21:24

साट्‌टुरचिङा आम्‍टेप्‍मा याप्‌मिचि चेप्‍साङा ओचेप्‍टु ओसेडुचिचि हिट्‌नुङ् आरु लोङ्‌साम्‍बाक् याप्‍मा देसङि ओछाक्‍टुचिउङ् ओखाट्‌टुचिचि॥ पानिछोङ्‌बाचिगा बेला मिलाट्‌ङे सोम्‍मा हिट्‌नागाँ यरुसलेम खालाङ्‌गा चियोप्-यायोप् ओयेप्‍टुटु॥

युहान्‍ना 10:16

हाट्‌ले ना ठुँबा खोराङि ओवानिगा आङागा आरु ठुँबाचि चा ओवाहेट्॥ हिट्‌नागा चा आङा टाप्‍माचि कोलाइसे, हिट्‌नुङ् हिट्‌नागाँ आसोरा ओखेम्‍सुटु, हिट्‌नुङ् हिट्‌नि ठुँबाचिगा ठिक्‍ए बागाल लियुक्, हिट्‌नुङ् ठिबाङ् एडोक् गोठाले लियुक्॥

रोमि 1:13

मायालु आम्‍भु-आन्‍झाचि हिट्‌नुङ् आनो-आन्‍झाचि, आङा याप्‍मा खेप् खानि टुब्‌सिङा आप्‍मा कोलाङ्‌ना रिङ् खानिङा ठाहा टोगानुम्, टरो हाट्‌ले सोम्‍मा खानिङि आप्‍मा खोलो पाक्‍लोक् पाक्‍ङा याङ्‌छाक्‍टैसे॥ आङा आरु ठोङ्‌ङि पानिछोङ्‌बाचि खिरिस्‍टङि टाडुङ्‌चिङ् गाड्‌डे डोक् खानि ठोङ्‌ङि चा याप्‌मिचि खिरिस्‍टङि टाप्‍माचिगा आनिङ्‌ग्‍वा युङ्‌ग्‍वा॥

रोमि 11:12

हिट्‌नुङ् याहुदिचिङा पाप ओचोगुनाँ नाराङिगा ख्‍वाप्‍पा याप्‌मिचिङा आसिक् ओटोगुए, हिट्‌नुङ् याहुदिचिङा मुक्‌टि टोक्‍माना रिङ् ओनाडुनाँ पानिछोङ्‌बाचिङा जोम् आसिक् ओटोगुए॥ हाट्‌ले मिट्‌टानुम् जब याहुदि याप्‌मिचि काएल्-काबु उलियुङ् माङ्‌हाङ्‌लेङ् ओनोक्‌युक् झेन् जोम् आसिक् टायुक्॥

रोमि 11:24

हिट्‌नुङ् पाइले बाकेंचाङि लेट्‌बालाक् साद्‌दे सिङ् उभुङ्‌माङि जाङ्‌गालाङिना सिङ् उभुङ्‌मा ओहागेप्‍पा कालामि रेक्‍मा साजिलो लिनिना॥ टरो माङ्‌हाङ्‌ङा खानि पानिछोङ्‌बाचि माचेप्‌टिडेसिए हिट्‌नुङ् खानि जाङ्‌गालि उभुङ्‌मा ओहागेप्‍पा गाड्‌डेगा आलिसि चा हिट्‌ना ओचेट्‌नुना जैतुन उभुङ्‌माङि उन्‍ङा खानि मारेक्‍टेसिए॥ हिट्‌नुङ् हिट्‌नागा याहुदिचि ओचेट्‌नुना जैतुन सिङ् उभुङ्‌मा ओहागेप्‍पा गाड्‌डेगा, हिट्‌डेउङ् माङ्‌हाङ् लाउङ्‌सा हिट्‌नागा आप्‍पे उभुङ्‌माङि फेरि कालामि रेक्‍मा साजिलो लियुक्॥

रोमि 12:16

खानि सोब्‍बेलोक् टोङानिउङ् युङानि, ठेलोक् चोक्‍नेनिन्, टरो याप्‌मिचिङा पाक्‍चा ठानाँ ओचोगुन्‌चिन्‍गा याप्‌मिचि टाक् चोगानुम्‌चिम्॥ सोब्‍बे थोक् निसुङ्‌गा गाड्‌डे काइले चा चोक्‍नेनिन्॥

रोमि 16:25

आनि सोब्‍बेङा माङ्‌हाङ् उनिङ् चोन्‍डुम्॥ माङ्‌हाङ्‌ङा खानि बिस्‍वास बोल्‍लेउ चोक्‍मा हिडुटु॥ जुन् आङा पारचार चोगुएट्‌टुङ्‌ना येसु खिरिस्‍ट बारेङाना नुना खाबोरङा हिड्‌डे डोक् माट्‌टुटु॥ हिट्‌नुङ् ना नुना खाबोर माङ्‌हाङ्‌ङा याप्‍मा बारखालाम्‍मा ठोबुएसुना॥

रोमि 9:18

हिट्‌डेउङ् माङ्‌हाङ्‌ङा दाया चोक्‍मा निङ्‌ग्‍वा चोगुचिगालाउङ्‌सा दाया चोगुचिचि, हिट्‌नुङ् निङ्‌ग्‍वा काठोर चोक्‍मा निङ्‌ग्‍वा चोगुचिगालाउङ्‌सा काठोर डोक् चोगुचिचि॥

१ कोरिन्‌थि 10:1

आम्‍बु-आन्‍झाचि हिट्‌नुङ् आनो-आन्‍झाचि, याप्‍मा बारखा पाइले आनि टुबाठेबाचि साक्‍चा उयुङ्‌निना डेन्‌ङि ओवासागा रिङ् मुन्‍नेनुम् नुङ् लोनाँनि, हिट्‌नागा सामुन्‍दरा माझालाम्‍मा मोसा रोक् उरिक्‍टुए हिट्‌नुङ् हिट्‌नागा खिमेमाङा लाम्‍बेट्‌टुचे॥ नाम्‍बाक् हिट्‌नागाँ बाप्‌टिस्‍मा ओलाडुगा गाड्‌डे डोक् डाना॥

१ कोरिन्‌थि 12:1

हाट्‌ले आम्‍भु-आन्‍झाचि हिट्‌नुङ् आनो-आन्‍झोचि, सेङ्‌सेङ्‌ना हाङ्‌साङाना बारदान बारेङि खानिङा पारचिन्‍दा ठाहा टोगानुम् नुङ् आनिङ्‌ग्‍वा युङ्‌ग्‍वा॥

१ कोरिन्‌थि 2:7

टरो आनिम्‍टे माङ्‌हाङ्‌ङाना ठोबाना ठोनाङाना रिङ् पारचार चोगुएट्‌टुम्, ना रिङ् माङ्‌हाङ्‌ङा पाइले साक्‍चा निमेट्‌टुव्‍टुन्‌चिन्, हिट्‌नुङ् ना योजाना आनिना ओचेट्‌नु लाउङ्‌सा माङ्‌हाङ्‌ङा नारा सिरिस्‌टि चोगुना बेलालाम्‍मा डोक् चोगुएसुना डाना॥

१ कोरिन्‌थि 4:1

खानिङा आन्‍याँ खिरिस्‍टङाना ओसेवाक् हिट्‌नुङ् माङ्‌हाङ्‌ङाना ठोबाना रिङ् माप्‍मा जिम्‍मा काटोग्‍बाचि नुङ् मिप्‍मा कोन्‌युक्॥

एफिसि 1:9

माङ्‌हाङ्‌ङा उन्‍ङाना माङ्‌ठेना बुद्‌दि हिट्‌नुङ् ठोनालाम्‍मा खिरिस्‍टङि पुरो चोगुङ्‌टुङ् नुङ् माट्‌टुना उन्‍ङाना ठोबाना रिङ् चा आनि आनिमेट्‌टे॥

एफिसि 3:9

हिट्‌नुङ् सोब्‍बे थोक् काचोक्‍बा माङ्‌हाङ्‌ङा पाइलेलाम्‍मा डोक् सोगोप् युङ्‌सुना राहस्‍सेङाना योजाना सोब्‍बे याप्‌मिचि लोमाचि लाउङ्‌सा आङा याङ्‌सेगे॥

एफिसि 4:18

हिट्‌नागाँ पारचिन्‍दा बुजा ओचोगुन्‍गा, हिट्‌नुङ् हिट्‌नागा माङ्‌हाङ्‌ङा आपिना चोलालाम्‍मा लाप्‍माङ् उलिसेसे, पोङ्‌भोने हिट्‌नागाँ बुजा चोक्‍माना ठोना उछुप्‍टुएसुए हिट्‌नुङ् उन्‌चि निङ्‌ग्‍वा ठुम्‍ना ओचोगुएसुए॥

२ पाटरुस 3:8

टरो मायालु आसाइबाचि, ना ठिक् रिङ् खानिङा मुन्‍नेनुम्॥ टाङ्‌बा लाउङ्‌सा ठिक् लेम्‍बा हाजार बारखा गाड्‌डे हिट्‌नुङ् हाजार बारखा ठिक् लेम्‍बा गाड्‌डे लियुक्॥

पारकास 1:20

खान्‍ङा आछुप्‍टाङ् आमुक्‌ङि आनिसुगा सि ओटा चोक्‌चिङ्‌गेट्‌चि हिट्‌नुङ् सि ओटा साम्‍मेङ्‌ङा चोक्‍बालाक् कुपिदानिचि ठोबाना रिङ्‌ङाना उटुप्‍बाक् नाड्‌डे लियुक्, सि ओटा चोक्‌चिङ्‌गेट्उम्‍बाक् सि ओटा माङ्‌पाङ्‌ङाना माङ्‌हाङ् रिङ् काउग्‍बाचिगा बारेङि माट्‌टुटु, हिट्‌नुङ् सि ओटा साम्‍मेङ्‌ङा चोक्‍बालाक् कुपिदानिचिङाम्‍बाक् सि ओटा माङ्‌पाङ्‌ङाना बारेङि माट्‌टुटु॥”

पारकास 10:7

टरो हिट्‌ना बेला सातौँ माङ्‌हाङ् रिङ् काउग्‍बाङा उन्‌लोक् लिसाना धुटुरिबा टेनु डोक् लाबुटु, माङ्‌हाङ्‌ङा याप्‍मा बारखा पाइले ओसेवा काचोक् माङ्‌काटाचि लोडुचि गाड्‌डे उन्‍ङा ठोबुङ् युङ्‌सुना योजाना युडुएट्‌टुटु॥”

पारकास 11:15

हिट्‌नुङ्‌ना सातौँ माङ्‌हाङ् रिङ् काउग्‍बाङा उन्‌लोक् लिसाना उधुटुरिबा टेनुए, हिट्‌नुङ् टोनालोग्‌ङि माङ्‌ठेना सोरा याप्‌मिचि ओचेक्‌युएट्‌गा गाड्‌डे मुक्‍टानाँ नाड्‌डे याङ्‌लोडे, “आनि डाङ्‌बा माङ्‌हाङ् हिट्‌नुङ् उन्‍ङा सेगुना खिरिस्‍टङा हाट्‌ले सोब्‍बे नाराङि सासान् चोक्‍माना आधिकार युङ्‌ग्‍वा, हिट्‌नुङ् उन्‍ङा डोक् सोरोक् सासान् चोगुटु॥”

पारकास 7:9

हिट्‌नाउङ्‌ना आङा साङा चा ङेमा डोक् उहिडुन्‍ना माङ्‌जोम् याप्‌मिचिगा खिमेयाङ्‌मे निसुङे॥ हिट्‌नि नारालाम्‍मा, ख्‍वाप्‍पा देसङिगा, ख्‍वाप्‍पा छोङ्‌बाचि, सोब्‍बे याप्‌मिचि हिट्‌नुङ् खाले-खाले रिङ् ओचेक्‍गा ओडागा॥ हिट्‌नागा सोब्‍बे सिङासान् हिट्‌नुङ् थुमा सोरि ओयेबाइसागा॥ हिट्‌नुङ् हिट्‌नागाँ फुट्‌टुम्‍बुरि फुट्‌ना लोट्‌लिङ् ओवाडुङ् सोब्‍बेङा उन्‌चि मुक्‌ङा खाजुर उभुङ्‌माङाना ओडाला ओयाङुएसुना॥