रोमि 10:6 - आठपहरिया

^6-8 टरो आनि चोगुम्‍ना बिस्‍वासङा माङ्‌हाङ्‌ङि धारमोति लिसाना बारेङि धारमाछाप्‍लाङि नाड्‌डे छेप्‍टेसे, “माङ्‌हाङ् रिङ् खानि सोरि डोक् युङ्‌ग्‍वा, ना रिङ् डोक् खानि निङ्‌ग्‍वाङि युङ्‌ग्‍वा, हिट्‌नुङ् ना रिङ् खानि यासिलाम्‍मा डोक् आमाट्‌टुएटुम्॥” ना रिङ्‌म्‍बाक् मुक्‌तिङाना नुना खाबोर ए॥ हिड्‌नाडेउङ् खानि निङ्‌ग्‍वाङि नाड्‌डे माट्‌नेनुम्, “साक्‌उम्‍बाक् टोनालोग्‌ङि खिरिस्‍ट छेम्‌सिङा खाट्‌युङ् नाराङि उक्‍टुटुना?” पोङ्‌भोने खिरिस्‍ट पाइले डोक् यो उङ्‌सेसे॥ हिट्‌डेडोक् नाड्‌डे चा पिक्‍नेनिन्, “साक्‌उम्‍बाक् यो पातालङि खाट्‌युङ् उसियागा याप्‌मिचिलाम्‍मा खिरिस्‍ट काप्‍मा हिडुटुना?” पोङ्‌भोने खिरिस्‍ट पाइले डोक् उहिङ्‌ग्‍वाट् लिमा हिडेसे॥ हिट्‌नुङ् हाट्‌ले आन्‍याँ पारचार चोगुएट्‌टुम्‍माना बिस्‍वासङाना खाबोरम्‍बाक् खिरिस्‍ट ए॥

रोमि 10:6 ပူးပေါင်းရင်းမြစ်များ

युहान्‍ना 6:33

पोङ्‌भोने माङ्‌हाङ्‌ङा आपिना चालेप्‍पाम्‍बाक् हिट्‌ना डोक्, जुन् टोनालोग्‌लाम्‍मा उङ्‌युङ् नाराङिगा याप्‌मिचि खोना बेला चा लाट्‌निना चोला पिडुचिचि॥”

युहान्‍ना 6:38

पोङ्‌भोने आङा आप्‍पे आनिङ्‌ग्‍वाङिना रिङ् युमा टोनालोग्‌लाम्‍मा उङ्‌साङ्‌ना माखाक्, टरो आङा याङ्‌पाङ्‌साना माङ्‌हाङ्‌ङाना उनिङ्‌ग्‍वा युमाउङ्‌सा उङ्‌साङ्‌ना॥

युहान्‍ना 6:58

टोनालोग्‌लाम्‍मा उङ्‌साना चालेप्‍पा खानि टुबाठेबाचिङा ओचोना चालेप्‍पा गाड्‌डेना माखाक्, जुन् हिट्‌नागाँ ओचोए हिट्‌नुङ् उसिए॥ टरो ना चालेप्‍पा जुन् याप्‌मिङा चोटु हिट्‌ना सोरोक् हिङ्‌युक्॥”

रोमि 3:22

येसु खिरिस्‍टङि बिस्‍वास काचोक् जुन् याप्‌मि चा माङ्‌हाङ्‌ङा धारमोति याप्‌मि चोगुटु, पोङ्‌भोने उन्‍ङा खोना चा साम्‍डुन्‌चिन्‍गा॥

रोमि 3:25

माङ्‌हाङ्‌ङा खिरिस्‍ट येसु आनि पाप लाउङ्‌सा भोक् लिमा पाङ्‌सुए, हिट्‌नुङ् उन्‌ङि बिस्‍वास काचोक् याप्‌मिचिगा पाप ओहेलिक् वेडुङ् टुगुबिडुएसुचे॥ माङ्‌हाङ्‌ङा ना टोॽवा चोगुङ् उन् धारमोति नुङ् आप्‍पेलाउङ्‌सा पारकाट् चोगुए, पोङ्‌भोने पाइले माङ्‌हाङ् आड्‌डिक् धैइरे चोगे, हिट्‌नुङ् याप्‌मिचिङा ओचोगुना पापङाना साजाए पिडुवाट्‌टुन्‌चिन्॥

रोमि 4:13

आच्‍छो बेला माङ्‌हाङ्‌ङा आब्‍राहाम हिट्‌नुङ् उपुङ्‌लाचि ख्‍वाप्‍पा नाराङिना हाकवाला चोक्‍मा हिट्‌नागा चामारसिङा चोगुचे॥ आब्‍राहामङा धारमाबिधि पालान् चोगुनाँ माङ्‌हाङ्‌ङा चामारसिङा चोगुना माखाक्, टरो आब्‍राहामङा माङ्‌हाङ्‌ङि बिस्‍वास चोगुनाँ माङ्‌हाङ्‌ङा उन् चामारसिङा चोगुए हिट्‌नुङ् माङ्‌हाङ्‌ङा उन् धारमोति याप्‌मि नुङ् लाडुए॥

फिलिप्‌पि 3:9

हिट्‌नुङ् आङा उन्‍ङाना लिमा उहिङाक् नुङ् हिड्‌डे चोगुङ्‌टुङ्॥ धारमाबिधि पालान् चोगुङ् माङ्‌हाङ्‌ङाना ओटोकानाङि आङा धारमि लिमा हिनिङ्‌ना॥ टरो खिरिस्‍टङि बिस्‍वास चोगुङुङ् एडोक् माङ्‌हाङ्‌ङा आङा धारमोति नुङ् याङ्‌लोयुक्॥

हिब्‍रु 1:3

माङ्‌हाङ्‌ङाना माहिमा उइछाङि ओम्‌युक् हिट्‌नुङ् माङ्‌हाङ् खोड्‌डेना नुङ् उन्‌ङि निसुम्‍टुम्॥ उन्‍ङा उन्‍ङाना साक्‌तिसालि रिङ्‌ङा डोक् टोनालोग्‌ङि हिट्‌नुङ् नाराङिगा ख्‍वाप्‍पा थोक् उठुङ्‌ङि सासान् चोगुटु॥ हिट्‌नुङ् उन्‍ङा याप्‌मिचिगा पाप माफ चोक्‍मा हिडुङ् उन् टोनालोक्‌ङि माङ्‌ठेना माङ्‌हाङ्‌ङाना छुप्‍टाङ् उमुक्‌लेङ् युङे॥

हिब्‍रु 11:7

बिस्‍वास चोगुङ् डोक् नोआङा ओजाहानचि चुवाङाना ओभोललाम्‍मा बाचाँ चोक्‍मा लाउङ्‌सा ठेना चुवाखोङ्‌डाङ् चोगुए॥ हिट्‌नुङ् नोआङा पाइले काइले चा लिनिगेट्‌निना रिङ् हाट्‌ले हान्‍डेङ् लियुक् नुङ् ओछेक्‍छेक् काचोक्‍बा माङ्‌हाङ्‌ङा लोडु गाड्‌डे उन् वासे॥ उन्‍ङा चोगुना बिस्‍वासङा डोक् हिट्‌ना बेला नाराङिगा ख्‍वाप्‍पा याप्‌मिचिङा गाल्‌ति ओचोगुए नुङ् पारमान् पिडुचे, हिट्‌नुङ् हिट्‌ना बिस्‍वासलाम्‍मा नोआ धारमोति याप्‌मि लिसे॥