रोमि 10:14 - आठपहरिया

¹⁴ टरो याप्‌मिचिङा बिस्‍वास डोक् ओचोगुन्‍गेट्‌टुन्‍गा भोने खोड्‌डेउङ् हिट्‌नागाँ उनिङ् ओलाडुटुना टे? हिट्‌नुङ् याप्‌मिचिङा उन्‍ङाना बारेङि ओखेम्‍सुन्‍गेट्‌टुन्‍ना भोने खोड्‌डेउङ् उन् बिस्‍वास ओचोगुटुना टे? उन्‍ङाना बारेङि साङा चा पारचार ओचोगुन्‍गेट्‌टुन् भोने, याप्‌मिचिङा खोड्‌डेउङ् उन्‍ङाना बारेङि ओखेम्‍सुटुना टे?

रोमि 10:14 ပူးပေါင်းရင်းမြစ်များ

मात्‌ति 20:7

हिट्‌नागाँ ओलोडुए, ‘खोलो साङा चा आन्‍याँ टोॽवाङि याप्‌मि ओखेङ्‌नेट्‌नि॥’ टब उन्‍ङा हिट्‌नागा लोडुचे, ‘हिट्‌डे भोने खानि चा आङाना आङ्‌गुर बारिङि टोॽवा चोक्‌सिङा खाडान्‍याक्॥’

युहान्‍ना 20:31

टरो येसुम्‍बाक् खिरिस्‍ट, माङ्‌हाङ् छा नुङ् बिस्‍वास चोगानुम्, हिट्‌नुङ् बिस्‍वासलाम्‍मा उन्‌ङि खानिङा चोला टोगानुम् नुङ् ना छाप्‍लाङि छेप्‍टेसे॥

युहान्‍ना 9:36

हिट्‌नाङा लोडुए, “आडाङ्‌बा, उन् साइना आङा याङ्‌लोडा हिट्‌नुङ् आङा बिस्‍वास चोगुङ्‌टुङ्॥”

मुलिचेला टोॽवा 19:2

उन्‍ङा हिट्‌नागा सिलाप्‍टुचे, “पाक् खानिङा टाङ्‌बाङि बिस्‍वास आचोगुमुङ् सेङ्‌सेङ्‌ना हाङ्‌सा आटोगुम्‍मेनि?” हिट्‌नागाँ उन् ओलोडुए, “सेङ्‌सेङ्‌ना हाङ्‌सा युङ्‌ग्‍वा नुङ् आन्‍याँ खेम्‌निम्‍गेट्‌निम्‍मागा॥”

मुलिचेला टोॽवा 8:31

हिट्‌ना नापुङ्‌साकङा लोडुए, “ना रिङ्‌ङाना उटुप् साङा चा याङ्ओलोनेयाट्‌निङ् भोने, आङा खोड्‌डे पारिक् बुजा चोगुङ्‌टुङ्‌ना टे?” हिड्‌डेउङ् हिट्‌नाङा फिलिप छेम्‍डुङ् उन्‌लोक् राथङि एक्‍केउ युङ्‌सुए॥

रोमि 1:5

खिरिस्‍टलाम्‍मा माङ्‌हाङ्‌ङा सोब्‍बे आरु छोङ्‌बाचिलाउङ्‌सा उन्‍ङा चोगुना रिङ् लोमा उन्‍ङा मुलिचेलाचि लिमा आन्‍याँ मौका याप्‌मिपिडे, हिड्‌डेउङ् हिट्‌नागाँ उन् बिस्‍वास ओचोगुङ् उन्‍ङा माट्‌टुना रिङ् ओखेम्‍सुटु, हिट्‌नुङ् सोब्‍बेङा येसु खिरिस्‍ट मान् ओचोगुटु॥

एफिसि 2:17

हिट्‌नुङ् उन् उङ्‌साउङ् माङ्‌हाङ्‌लाम्‍मा लाप्‍माङ् उलिसागा हिट्‌नुङ् नेट्‌टाङ् उलिसागालाउङ्‌सा हाङ्‌हाङ् आपिना नुना खाबोर पारचार चोगुए॥

एफिसि 4:21

छेम्‍बा डोक्, खानिङा उन्‍ङाना बारेङि आखेम्‍सुम्‍मे हिट्‌नुङ् येसुङि डोक् छेम्‍बाना खाबोर युङ्‌ग्‍वा नुङ् सिकाँ आलिसिए॥

२ तिमोथि 4:17

टरो टाङ्‌बाङा घुवार याङ्‌फाडाउङ् सोब्‍बे पानिछोङ्‌बाचिङा खाबोर खेम्‍मा ओटोगु नुङ् उन्‍ङा पारचार चोक्‍माना बोल् याङ्‌पिडे॥ नाड्‌डेउङ् आङा किबाङाना ओयासिलाम्‍मा छुट्‌कारा टोगुङे॥

तितास 1:3

हिट्‌नुङ् ओबेलाङि डोक् सोब्‍बे लोङ्‌सा आन्‍याँ पारचार चोगुम्‍माना उन्‍ङाना खाबोर याप्‌मिचि सोरि उन्‍ङा पारकाट् चोगुए॥ ना खाबोर डोक् खेम्‍मेप्‍माचि लोङ्‌सा आनि काहिङ्‌मेप्‍बा डाङ्‌बा माङ्‌हाङ्‌ङा आङा आग्‍याँ हिट्‌नुङ् जिम्‍मा याङ्‌पिडे॥

हिब्‍रु 11:6

बिस्‍वास माले खोनाङा चा माङ्‌हाङ् खुसि चोक्‍मा उहिडुन्‍ना, पोङ्‌भोने कोइ याप्‌मि माङ्‌हाङ् सोरि खाट्‌मा कोन्‌युक् भोने हिट्‌नाङा उन् माङ्‌हाङ् ए नुङ् बिस्‍वास चोक्‍मा कोन्‌युक्, हिट्‌नुङ् जुन्‍ङा माङ्‌हाङ् ओकोलुटु हिट्‌नागा उन्‍ङा इनाम पिडुचिचि नुङ् चा हिट्‌नागाँ बिस्‍वास चोक्‍मा कोन्‌युक्॥

याकुब 5:15

बिस्‍वासलोक् चोग्‍बालाक् बिन्‌टिङा टुगाना याप्‌मि नुमानिङ् लियुक्, हिट्‌नुङ् टाङ्‌बाङा हिट्‌ना याप्‌मि नुमानिङ् चोगुटु॥ हिट्‌नुङ् उन्‍ङा पाप चोगेसुए भोने चा टाङ्‌बाङा माफि पिडुटु॥