रोमि 1:30 - आठपहरिया30 हिट्नुङ् याप्मिचि ओचाफेन्लोक् ओमेट्टुचिगा, माङ्हाङ् चिम्मा काफुट्चि, साक्चा मान् ओचोगुन्चिन्गा, आप्पे ठेलोक् ओचोग्गा, ठेना ठेना रिङ् ओचेक्गा उलियुक्॥ हिट्नुङ् ओभेन्गा रिङ् ओकोलुङ् ओहोट्टुगा, पाबा-मामाङाना रिङ् ओखेम्सुन्गा, အခန်းကိုကြည့်ပါ။ |
रोमि 1:30
42 ပူးပေါင်းရင်းမြစ်များ
हिट्ना बेलालाम्मा येसुङा उन् खोड्डे पारिक् यरुसलेम खाप्मा कोन्युक्, हिट्नुङ् ओठेडोङ्चिलाम्मा हिट्नुङ् गाडुवाडाङ्बाचिलाम्मा हिट्नुङ् धारमाबिधि काहिसिक्बाचिलाम्मा जोम् याङ्छामा आङ्मा कोन्युक्, उन् ओसेडुटु, टरो सुम्बोक् लेम्बा उहिङ्ग्वाट् लियुङ् कोब्युक् पिक्सा ओचेलाचि लोमा ठालाँ चोगुचे॥
पोङ्भोने आङा हिट्नि खानि टुब्सिङा आप्ङानाँ आङा आसा चोगुङ् गाड्डे टुब्नेनिन्गा हिट्नुङ् खानिङा आसा आचोगुम् गाड्डे आङा आटुबिन्नागा होला नुङ् आङा किट्टेसाङे॥ आङा खानि टुब्सिङा आप्ङानाँ खानि माझाङि खेमाबुङ्मा, रेक् काप्मा, याक्लेप्मा, आप्पे एडोक् नुलोक् लिमा कोम्मा, लोमाजामा, खुसुखुसु चोक्मा, घामान्डि लिमा हिट्नुङ् भाँडभैलो लिसाना रिङ् टोगुङ्टुङ् होला नुङ् आङा किट्टेसाङे॥
हिट्नाँ माङ्हाङ् बिरोध चोगुटु हिट्नुङ् याप्मिचिङा माङ्हाङ् नुङ् उमिट्टुगा ख्वाप्पा थोक्चि हिट्नुङ् माङ्ध्यान् ओचोगुगा सोब्बे थोक्ङाना बिरोध चोगुटु, हिट्नुङ् हिट्नाँ आप्पे लोङ्सा सोब्बे नुङ्ना ठेना चोगुटु॥ नाट्टेप्मा एरोक् माखाक्, हिट्ना माङ्हाङ्ङाना माङ्ठानाङि युङ्युक् हिट्नुङ् आङा डोक् माङ्हाङ् पिक्सा माट्टुटु॥
ठिक् बेला आनि आप्पे चा डोम्डोम्गा, रिङ् खेम्निम्गा हिट्नुङ् ठागाँ लिसिगा याप्मि लिसिएसिगा॥ आनि जोम् ओचाफेन्ना निङ्ग्वा लोक् ओचाफेन्लोक् मोज्मोज्जाङाना कामारा लिसेइसिगा॥ आनि चोला ख्वाप्पा दुस्टा हिट्नुङ् रेक् काप्मा रिङ्ङा इप्टुएसुना, हिट्नुङ् याप्मिचिङा चिम्मा आफुट्टागा हिट्नुङ् याप्मिचि चिम्मा फुट्टुम्चिम्गा याप्मिचि वासेट्टिगा॥
ကြော်ငြာတွေ