रोमि 1:28 - आठपहरिया

²⁸ हिट्‌नुङ् हिट्‌नागाँ माङ्‌हाङ् पिमा कोन्‍ना मान् पिमा चा ओनाडुए॥ हिट्‌डेउङ् माङ्‌हाङ्‌ङा हिट्‌नागा चोक्‍मा लिनिना टोॽवा ओचोगुवाक् नुङ् उन्‌चि ओचाफेन्‍ना निङ्‌ग्‍वाङि डोक् लेडुचे॥

रोमि 1:28 ပူးပေါင်းရင်းမြစ်များ

मुलिचेला टोॽवा 17:23

आङा खानि खालाङ्‌गा टेप् लिन्‍डुङे हिट्‌नुङ् खानिङा माङ्‌ध्‍यान् आचोगुम्‍ना डेन्‌चि चा निसुङे॥ पुसा खाडाङ्‌नाँ ‘मिसेन् निनिम्‍गेट्‌निम्‍ना माङ्‌हाङ् लोङ्‌सा’ छेप्‍बालाक् साम्‍माङ् ठाना चा टुबुङे॥ हिट्‌ना मिसेन् मिनिङे माङ्‌ध्‍यान् आचोगुम्‍ना माङ्‌हाङ्‌ङाना बारे खानि सोरि आङा पारचार चोगुएट्‌टुङ्॥

मुलिचेला टोॽवा 17:32

जब याप्‌मिचिङा उसियागा उहिङ्‌ग्‍वाट् उलियुक् नुङ् ओखेम्‍सुङ् इम्‍टेप्‍मा याप्‌मिचिङा पावाल खिसि चोक्‍सा ओरेट्‌टुजोए॥ टरो आरुङाम्‍बाक् नाङाना बारेङि आरको खेप् आन्‍याँ कारिङ् खेम्‍सुम्‍टुम्‍मा पिक्‍सा ओलोडुए॥

रोमि 1:18

टोनालोग्‌ङिना माङ्‌हाङ्‌ङा उनिङ्‌ग्‍वा गाड्‌डे ओचोक्‌निगा हिट्‌नुङ् ओभेन्‍गा टोॽवा काचोक् सोब्‍बे याप्‌मिचि बिरुद्‌दाङि उकुन्‌जिरिॽवा पारकाट् चोगुएसुए॥ हिट्‌नागाँ ओचोगुना ओचाफेन्‍ना टोॽवाङा आरु याप्‌मिचिङा माङ्‌हाङ्‌ङाना बारेङि छेम्‍बाना रिङ् लाड्‌मा हिट्‌नागाँ ओछाक्‍टुएसुचे॥

रोमि 1:21

हिट्‌नागा याप्‌मिचिङा माङ्‌हाङ् मिसेन् उनिसु चा उन् चोक्‍मा कोन्‍ना मान् ओचोग्‍वाट्‌टुन्, हिट्‌नुङ् उन् पोए-पोए चा ओठाङ्‌स्‍वाट्‌टुन्॥ हिट्‌ना ओसाट्‌टो हिट्‌नागाँ उन्‌चि मिप्‍माना निङ्‌ग्‍वाङि बेकाम्‍मे उलिसे, हिट्‌नुङ् उन्‌चि निङ्‌ग्‍वाङि पाक् माहामाना हिट्‌ना बुजा चोक्‍मा डोक् उहिडुवाट्‌टुन्॥

रोमि 1:24

हिट्‌नाडेउङ् माङ्‌हाङ्‌ङा हिट्‌नागा उन्‌चि निङ्‌ग्‍वाङा उमिट्‌टु गाड्‌डे डोक् आसुद्‌दो थोक् चोक्‍मा लेडुचे, हिट्‌नुङ् हिट्‌नागाँ उन्‌चि उन्‌चिङि मोम्‍मासिमाना टोॽवा ओचोगुए॥

रोमि 1:26

हिट्‌नुङ् हिट्‌नागाँ माङ्‌हाङ् माङ्‌ध्‍यान् ओचोग्‍वाट्‌टुन् नुङ् माङ्‌हाङ्‌ङा हिट्‌नागा आप्‍पे उन्‌चि निङ्‌ग्‍वा गाड्‌डे मोन्‌डिसिइना टोॽवा चोक्‍मा लेडुचे॥ हिट्‌नागाँगा उन्‌चि पाङ्‌ढाङ्‌मा आप्‍पे उन्‌चि पाङ्‌ढाङ्‌बालोक् इम्‍माजामा खाप्‍मा ओनाडुए, टरो उन्‌चि पाङ्‌ढाङ्‌मा पाङ्‌ढाङ्‌मा डोक् उइम्‍साजायाउङ् ओचाफेम्‍मा टोॽवा ओचोगुए॥

१ कोरिन्‌थि 15:34

पाक् नुना ए हिट्‌ना ओछेक्‍छेक् चोगानिउङ् मिट्‌टानुम्, हिट्‌नुङ् पाप चोक्‍मा नाडानुम्॥ ना रिङ् खानिलोङ्‌सा मोम्‍मासिमाना रिङ् उलियाक् नुङ् आङा खानि लोनाँनि, पोङ्‌भोने खानि माड्‌डे आम्‍टेप्‍माङा माङ्‌हाङ् मिसेन् डोक् उनिसुन्‍गेट्‌टुन्‍ना॥

२ कोरिन्‌थि 10:5

हिट्‌नुङ् ना हातियारलाम्‍मा याप्‌मिचिङा उमिट्‌टुना माङ्‌जोना रिङ् लोक् माङ्‌हाङ् मिसेन् निमा आबान्‍ना रिङ् ख्‍वाप्‍पा जाक्‍खाम् चोगुम्‍टुम्॥ हिट्‌नुङ् याप्‌मिङा उमिट्‌टुगा ख्‍वाप्‍पा रिङ् आधिन्‌ङि युङ्‌सुम्‍टुम्, हिट्‌नुङ् नागा रिङ् चोक्‍माउङ्‌सा खिरिस्‍टङाना उनिङ्‌ग्‍वाङि युङ्‌सुम्‍टुम्॥

एफिसि 5:4

हिट्‌टेप्‍मा एडोक् माखाक्, खानिङा मोन्‌डिसिइगा रिङ् चेक्‍नेनिन्, खेडोक्‍गा माङ्‌जोगा रिङ् चोक्‍नेनिन्, हिट्‌नुङ् खोङ्‌माना रिङ् चेक्‍नेनिन्, नाड्‌डेगा रिङ् चेक्‍मा बिस्‍वासिचि लाउङ्‌सा खान्‍डुन्‍ना॥ हिट्‌नागा ओसाट्‌टोङि, खानिङा सोरोक् माङ्‌हाङ् पोए-पोए ठाङ्‌माना रिङ् माट्‌टानुम्॥

२ थेसालोनिकि 1:8

हिट्‌नुङ् माङ्‌हाङ् मिसेन् निमा ओटेन्‌निगा हिट्‌नुङ् आनि टाङ्‌बा येसुङाना नुना खाबोर गाड्‌डे चोक्‍मा ओटेन्‌निगा लोङ्‌सा उन्‍ङा साजाए पिडुचिचि॥

२ तिमोथि 3:8

यान्‍नेस लोक् याम्‍बेरसङा मोसाङाना बिरोध चोगाचु गाड्‌डे डोक्, नागा याप्‌मिचिङा चा छेम्‍बाना रिङ् बिरोध ओचोगुगा॥ नागाँगा ठोना डोक् जाखाम् लिसाइसे हिट्‌नुङ् हिट्‌नागागाँ बिस्‍वास डोक् छेम्‍बाना माखाक्॥

तितास 1:16

हिट्‌नागाँ माङ्‌हाङ् मिसेन् निसुएसुम्‍मे पिक्‍साम्‍बाक् ओमाट्‌टुगा, टरो उन्‌चि टोॽवा लाम्‍माम्‍बाक् माङ्‌हाङ् बिरोध ओचोगुना॥ हिट्‌नागा चिम्‍मा फुट्‌टुम्‌चिम्‍गा, रिङ् ओखेम्‌निगा हिट्‌नुङ् हिट्‌नागा खोना चा नुना टोॽवा चोक्‍मा काहिबा ओवाइगा॥

फिलेमोन 1:8

नाड्‌डेउङ् खान्‍ङा पाक् चोक्‍मा कोन्‌युक्‍ना हिट्‌ना चोगु नुङ् लोनाँ॥ हिट्‌नुङ् खिरिस्‍टङि आँटि लिङाउङ् खान्‍ङा नाड्‌डे चोगु लोमा बे हिनें॥

२ पाटरुस 3:5

हिट्‌नागाँ सिरिस्‌टि चोग्‍बालाक् रिङ् ठाहा ओटोगु चा ओटोगुन्‍गेट्‌टुन्‍गा गाड्‌डे ओचोग्‍गा॥ आच्‍छो बेला डोक् माङ्‌हाङ्‌ङा उरिङ्‌लाम्‍मा डोक् टोनालोग् चोगुए, हिट्‌नुङ् उन्‍ङा नाराम्‍बाक् चुवालाम्‍मा चोगुए हिट्‌नुङ् चुवालाम्‍मा साम्‍डुए॥