रोमि 1:21 - आठपहरिया

²¹ हिट्‌नागा याप्‌मिचिङा माङ्‌हाङ् मिसेन् उनिसु चा उन् चोक्‍मा कोन्‍ना मान् ओचोग्‍वाट्‌टुन्, हिट्‌नुङ् उन् पोए-पोए चा ओठाङ्‌स्‍वाट्‌टुन्॥ हिट्‌ना ओसाट्‌टो हिट्‌नागाँ उन्‌चि मिप्‍माना निङ्‌ग्‍वाङि बेकाम्‍मे उलिसे, हिट्‌नुङ् उन्‌चि निङ्‌ग्‍वाङि पाक् माहामाना हिट्‌ना बुजा चोक्‍मा डोक् उहिडुवाट्‌टुन्॥

रोमि 1:21 ပူးပေါင်းရင်းမြစ်များ

युहान्‍ना 3:19

न्‍याएम्‍बाक् ना रिङ्‌ङि लियुक्, व्‍हाङ्‌म्‍बाक् नाराङि टाइसे, हिट्‌नुङ् याप्‌मिचिङा व्‍हाङ् नुङ्‌ना चा डुम्‍बारिक् डुम् डोक् निङ्‌ग्‍वा ओटासुए, पोङ्‌भोने हिट्‌नागाँगा टोॽवा डोक् ओचाफेन्‍ना डाना॥

मुलिचेला टोॽवा 26:18

खान्‍ङा हिट्‌नागा याप्‌मिचिगा मिक् ओङ्‌सुबिडुचि, हिट्‌नुङ् हिट्‌नागा डुम्‍बारिक् डुम्‍लाम्‍मा व्‍हाङ्‌ङि हिट्‌नुङ् सैतानङाना ओसाक्‌तिलाम्‍मा माङ्‌हाङ्‌ङि ओनोक्‌याक्॥ हिट्‌नुङ् माङ्‌हाङ्‌ङा हिट्‌नागाँगा पाप टुगुबिडुचिचि, हिट्‌नुङ् हिट्‌नागाँ माङ्‌हाङ्‌ङि बिस्‍वास ओचोगुनाँ उन्‍ङा सेगुचिगा ओयाप्‌मिचिलोक् साङ्‌गाटिङि युङ्‌मा ओटोगुटु॥’

रोमि 1:19

सोब्‍बे याप्‌मिचिङा माङ्‌हाङ् खोड्‌डेना नुङ् पारचिन्‍दा ठाहा ओटोगुटु, पोङ्‌भोने माङ्‌हाङ् आप्‍पेङा उन् खोड्‌डेना नुङ् सोब्‍बेलाउङ्‌सा पारकाट् चोगुएसुए॥

रोमि 1:28

हिट्‌नुङ् हिट्‌नागाँ माङ्‌हाङ् पिमा कोन्‍ना मान् पिमा चा ओनाडुए॥ हिट्‌डेउङ् माङ्‌हाङ्‌ङा हिट्‌नागा चोक्‍मा लिनिना टोॽवा ओचोगुवाक् नुङ् उन्‌चि ओचाफेन्‍ना निङ्‌ग्‍वाङि डोक् लेडुचे॥

रोमि 11:10

हिट्‌नागाँगा उन्‌चि मिक् डुम् उलियाक्, हिट्‌डेउङ् हिट्‌नागाँ निमा उहिडुन्‍ना, हिट्‌नुङ् हिट्‌नागाँगा येक्‍चुरिक् याङ्‌छामाङा सोरोक् गुङ् उलियुयाक्‌याक्॥”

रोमि 15:9

हिट्‌नुङ् पानिछोङ्‌बाचिङा चा माङ्‌हाङ् मान् ओचोगुवाक् नुङ् खिरिस्‍ट टाए, पोङ्‌भोने उन्‍ङा हिट्‌नागा चा दाया चोगुचिचि॥ धारमाछाप्‍लाङि नाड्‌डे छेप्‍टाइसे– “हिट्‌नाड्‌डेउङ् आङा पानिछोङ्‌बाचि माझै कानिङ् टो-टो चोगुङ्‌टुङ्, हिट्‌नुङ् आङा छाम्‍लोङा हिट्‌नुङ् कानिङ् चोन्‍डुङ्‌टुङ्॥”

२ तिमोथि 3:2

पोङ्‌भोने हिट्‌ना बेलागा याप्‌मिचि आप्‍पेलोङ्‌सा एडोक् माया काचोक्‍बा, ओफाबा एरोक् कामाँ चोक्‍मा निङ्‌ग्‍वा कापिबा, ओठेयुजागा, धामास कापिबा, आरु खिजेक्‍पा काचाट्, मामा-पाबाचिगा रिङ् ओटेन्‌निगा, आधान्‍याबादि हिट्‌नुङ् आधारमोति उलियुक्॥

१ पाटरुस 1:18

खानि टुबाठेबाचिगा खेडोक्‍गा चाल चालान्‌लाम्‍मा माङ्‌हाङ्‌ङा मुल्‍ले हुङुङ् छुट्‌कारा मापिडिगा रिङ् खानिङा ठाहा आटोगुएसुम्‍मे॥ हिट्‌नुङ् ना रिङ्उम्‍बाक् उन्‍ङा जाखाम् लिना साम्‍मेङ् लोक् रुपाक् हुङुना माखाक्,

१ पाटरुस 2:9

टरो खानिम्‍टे माङ्‌हाङ्‌ङा मासेगिगा छोङ्‌बाचि, मुलुक्‌ङिना पुजारिचि, सेङ्‌सेङ्‌गा छोङ्‌बाचि, माङ्‌हाङ्‌ङाना आप्‍पे ओयाप्‌मिचि ए॥ खानिङा उन्‍ङाना ओबोल्‌ङाना टोॽवाचि पारचार चोगानुम् नुङ् उन्‍ङा खानि डुम्‍बारिक्‌लाम्‍मा उन्‍ङाना डोङ् ठोङ्‌डिना ओव्‍हाङ्‌ङि माआप्‌टिए॥

पारकास 14:7

हिट्‌नाङा चारको सोर चोगुङ् माट्‌टुए, “माङ्‌हाङ्‌लोक् किट्‌टानि हिट्‌नुङ् उन् मान् चोगानुम्, पोङ्‌भोने हाट्‌ले उन्‍ङा याप्‌मिचि न्‍याए चोक्‍मा बेला टाइसे॥ हिट्‌नुङ् टाङ्‌साङ्, नारा, सामुन्‍दरा हिट्‌नुङ् चुवा उपुन् सिरिस्‌टि काचोक्‍बा माङ्‌हाङ् माङ्‌ध्‍यान् चोगानुम्॥”

पारकास 15:4

हाउ माङ्‌हाङ् डाङ्‌बा, खान्‌लोक् सोब्‍बे उकिट्‌युक्, सोब्‍बे याप्‌मिचिङा खान्‍ङाना माहिमा ओचोगुटु, पोङ्‌भोने सेङ्‌सेङ्‌ना खान् एना॥ सोब्‍बे याप्‌मिचि खान्‌ङि ओआप्‌युक् हिट्‌नुङ् खान् सोरि कानिङ् टो-टो ओचोगुटु, पोङ्‌भोने सोब्‍बे याप्‌मिचि खान्‍ङाना धारमोति टोॽवा आनिमेट्‌टुएसुचे॥”