रोमि 1:17 - आठपहरिया

¹⁷ पोङ्‌भोने ना नुना खाबोरङा माङ्‌हाङ्‌ङा ओटोकानाङि आनि खोड्‌डेउङ् माहामाना आचोगेना नुङ् आनिमेट्‌युक्, हिट्‌नुङ् ना रिङ् बिस्‍वासलाम्‍मा उटुम् लियुङ् बिस्‍वासलाम्‍मा डोक् पुरो लियुक्॥ धारमाछाप्‍लाङि नाड्‌डे छेप्‍टेसे, “धारमोति याप्‌मिम्‍बाक् माङ्‌हाङ्‌ङि बिस्‍वास चोगुङ् डोक् हिङ्‌युक्॥”

रोमि 1:17 ပူးပေါင်းရင်းမြစ်များ

युहान्‍ना 3:36

जुन्‍ङा छाङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ जुन्‍ङा छाङि बिस्‍वास चोगुन्‍ना, हिट्‌नाङा खोना बेला चा लाट्‌निना चोला टोगुन्‍ना, टरो माङ्‌हाङ्‌ङाना साजाए हिट्‌ना उठुङ्‌ङि लियुयाक्‌युक्॥

रोमि 10:3

पोङ्‌भोने माङ्‌हाङ्‌ङा ओनाभाक्‌ङि याप्‌मिचि खोड्‌डेउङ् धारमोति चोगुचिगा हिट्‌ना रिङ् हिट्‌नागाँ ठाहा ओटोगुन्‍गा, हिट्‌नुङ् हिट्‌नागाँ धारमाबिधि पालान् ओचोगुङ् आप्‍पे धारमोति लिमा कोसिस ओचोगुएट्‌टु॥ हिट्‌डेउङ् माङ्‌हाङ्‌ङा याप्‌मिचि धारमोति चोगुचिगा लाम्‍बो हिट्‌नागाँ इन्‍कार ओचोगुटु॥

रोमि 3:21

टरो हाट्‌लेम् माङ्‌हाङ्‌ङा याप्‌मिचि धारमाबिधि माले डोक् खोड्‌डेउङ् धारमोति चोगुचिचिगा हिट्‌ना रिङ् उन्‍ङा आनिमेट्‌टेसे॥ ना रिङ् बारेङि डोक् धारमाबिधि हिट्‌नुङ् माङ्‌काटाचिङा ओमाट्‌टुएसुए॥

रोमि 3:22

येसु खिरिस्‍टङि बिस्‍वास काचोक् जुन् याप्‌मि चा माङ्‌हाङ्‌ङा धारमोति याप्‌मि चोगुटु, पोङ्‌भोने उन्‍ङा खोना चा साम्‍डुन्‌चिन्‍गा॥

रोमि 3:3

ना रिङ् छेम्‍बा डोक् इम्‍टेप्‍मा याहुदिचिङा माङ्‌हाङ्‌ङि ओचोगुना चामारसिङा पालान् ओचोग्‍वाट्‌टुन्॥ हिट्‌डे भोने आम्‍टेप्‍माङा पालान् ओचोग्‍वाट्‌टुन्‍ना कारानङा डोक् माङ्‌हाङ्‌ङा उन्‍ङा चोगुना चामारसिङा चोगुन्‍ना इ टे?

रोमि 9:30

हिट्‌डे भोने आन्‍याँ पाक् माट्‌टुम्‍माना टे? नाड्‌डे माप्‍मा हिडुम्‍टुम्, पानिछोङ्‌बाचिङा माङ्‌हाङ् सोरि धारमोति लिमा ओकोलुवाट्‌टुन्, टरो हिट्‌नागाँ बिस्‍वास ओचोगुनाँ माङ्‌हाङ्‌ङा हिट्‌नागा धारमोति चोगुचे॥

२ कोरिन्‌थि 3:9

पोङ्‌भोने याप्‌मि फाट्‌टुर लाहाब् आचोक्‍ना धारमाबिधिङाना टोॽवाउम् आम्‍टेप्‍मा याप्‍मा ओम्‍साना भोने, झान् याप्‌मि धारमोति आचोक्‍नाउम् आम्‍टेप्‍मा याप्‍मा ओम्‌युक् होला॥

२ कोरिन्‌थि 5:21

पोङ्‌भोने आनिउम्‍टे खिरिस्‍टलाम्‍मा माङ्‌हाङ् ओटोकानाङि धारमोति उलिसियाक् नुङ् पाप डोक् चोगुन्‍गेट्‌टुन्‍ना खिरिस्‍ट माङ्‌हाङ्‌ङा आनि पाप लाउङ्‌सा भोक् ठाङ्‌मा मेट्‌टुए॥

गालाति 3:11

हिड्‌डेउङ् माङ्‌हाङ् ओटोकानाङि धारमाबिधि पालान् चोगुङ् खोना याप्‌मि चा धारमोति लिनिना नुङ् पारचिन्‍दा युङ्‌ग्‍वा॥ पोङ्‌भोने धारमाछाप्‍लाङि छेप्‍टेसे, “धारमोति याप्‌मिम्‍बाक् माङ्‌हाङ्‌ङि बिस्‍वास चोगुङ् डोक् हिङ्‌युक्॥”

फिलिप्‌पि 3:9

हिट्‌नुङ् आङा उन्‍ङाना लिमा उहिङाक् नुङ् हिड्‌डे चोगुङ्‌टुङ्॥ धारमाबिधि पालान् चोगुङ् माङ्‌हाङ्‌ङाना ओटोकानाङि आङा धारमि लिमा हिनिङ्‌ना॥ टरो खिरिस्‍टङि बिस्‍वास चोगुङुङ् एडोक् माङ्‌हाङ्‌ङा आङा धारमोति नुङ् याङ्‌लोयुक्॥

हिब्‍रु 10:38

आङाना धारमोति याप्‌मिम्‍बाक् माङ्‌हाङ्‌ङि बिस्‍वास चोगुङ् डोक् हिङ्‌युक्, टरो हिट्‌नागा माड्‌डे कोइ आङालाम्‍मा नोक्‌यु खाट्‌युक् भोने आङा हिट्‌नालोक् हारका लिनिङ्‌ना॥”