रोमि 1:16 - आठपहरिया16 आङा खिरिस्टङाना बारेङि ना नुना खाबोर खेम्मेट्मा मोन्निङ्सिनिङ्ना, पोङ्भोने ना नुना खाबोर बिस्वास काचोक् सोब्बे याप्मिचि माङ्हाङ् ओबोल्ङा हिङुचिचि॥ ना नुना खाबोर पाइले आन्याँ याहुदि छोङ्बाचिङा खेम्सुम्मे, हिट्नुङ् हाट्ले खानि पानिछोङ्बाचिङा चा आखेम्सुम्मे॥ အခန်းကိုကြည့်ပါ။ |
रोमि 1:16
38 ပူးပေါင်းရင်းမြစ်များ
ना रिङ् ओखेम्सुङ् याहुदि ओठेडोङ्चि उन्चि उन्चि उपिगे, “ना याप्मि खोनि खाप्मा इट्टुएना, हिट्नुङ् खानिङा आङा याङ्आटुबिन्नागा पिक्युक्ना? पाक् ना याप्मि गिरिक् याप्मिचिगा छेट्राङि चेम्बेलेङ् उलिसाउङ् उयुङागा आनि याहुदिचिङि खाट्युङ् हिट्नागा गिरिक् याप्मिचि हिसिक्मा निङ्ग्वा चोगुएनि पाइना?
हिड्डेउङ् ना खातानाम्बाक् माङ्हाङ्ङा आब्राहाम धारमोति याप्मि नुङ् लाडुना रिङ्ङाना चिन्ना उन्ङा टोगुना ए, पोङ्भोने आब्राहामङा खाताना चोक्मा पाइले डोक् माङ्हाङ्ङि बिस्वास चोगुना डाना॥ नाड्डेउङ् आब्राहामम्बाक् माङ्हाङ्ङि बिस्वास ओचोगुगा सोब्बे याप्मिचिगा टुबाठेबा लिसे, हिट्नुङ् हिट्नागाँ खाताना ओचोगुन्चा माङ्हाङ्ङा धारमोति याप्मिचि नुङ् लाडुचे॥
आरुङा खानिलाम्मा आम्टेप्मा थोक् टोक्माना हाक युङ्ग्वा भोने, आन्च्याँ लोङ्साउम् हिट्ना नुङ्ना चा झान् बेसि टोक्माना हाक वाइना इ टे? टरो चा आन्च्याँ ना हाक चालाँ चोक्चुन्गेट्चुन्नागा, टरो खिरिस्टङाना नुना खाबोर याप्मिचिङा बिस्वास चोक्मा बाधा उलिन्याक् नुङ् सोब्बे रिङ् आङ्चुचुङा॥
हिट्नुङ् आन्याँ चा माङ्हाङ्ङि पोए-पोए ठाङ्सुम् याक्टुम्टुम्मा, पोङ्भोने खानिङा आन्याँलाम्मा आखेम्सुम्ना माङ्हाङ्ङाना रिङ् खानिङा याप्मिङाना रिङ् गाड्डे माखाक्, टरो माङ्हाङ्ङाना रिङ् डोक् नुङ् आलाडुमे॥ छेम्बा डोक् ना माङ्हाङ् उरिङ् डोक्॥ ना रिङ् डोक् बिस्वास काचोक् खानिङि टोॽवा चोगुएट्टु॥
पोङ्भोने माङ्हाङ् उरिङ् उहिङ्ग्वाट् हिट्नुङ् साक्तिसालि ए, हिट्नुङ् ना इप्पोक्लेङ् ओधार लिसाना चेप्सा नुङ्ना चा आड्डिक् यान्ना ए॥ चेप्साङा याप्मिङाना उमिकिलिक्चि हिट्नुङ् उसारुॽवाङाना उछि फाडु गाड्डे डोक्, ना रिङ्ङा भिट्रा ठेट्निना हिट्ना याप्मिङाना ओसोक्मा हिट्नुङ् हाङ्साङाना ओभागा फाडुटु, हिट्नुङ् याप्मिङाना उनिङ्ग्वाङिना रिङ् लोक् पाक् चोक्मा मिट्टुटुना हिट्ना चा जाँच चोगुटु॥
ကြော်ငြာတွေ