रोमि 1:13 - आठपहरिया13 मायालु आम्भु-आन्झाचि हिट्नुङ् आनो-आन्झाचि, आङा याप्मा खेप् खानि टुब्सिङा आप्मा कोलाङ्ना रिङ् खानिङा ठाहा टोगानुम्, टरो हाट्ले सोम्मा खानिङि आप्मा खोलो पाक्लोक् पाक्ङा याङ्छाक्टैसे॥ आङा आरु ठोङ्ङि पानिछोङ्बाचि खिरिस्टङि टाडुङ्चिङ् गाड्डे डोक् खानि ठोङ्ङि चा याप्मिचि खिरिस्टङि टाप्माचिगा आनिङ्ग्वा युङ्ग्वा॥ အခန်းကိုကြည့်ပါ။ |
रोमि 1:13
38 ပူးပေါင်းရင်းမြစ်များ
एन्टिओखियाङि नोक्टा टायाचिउङ् हिट्नागाचिङा माङ्पाङ्ङिगा सोब्बे याप्मिचि छेम्डाचुचे॥ हिट्नुङ् माङ्हाङ्ङा उन्चिलाम्मा चोगुना टोॽवा बारेङि ख्वाप्पा रिङ् माट्टाचुए, हिट्नुङ् खोड्डे पारिक् पानिछोङ्बाचि लोङ्सा चा उन्ङा बिस्वास चोक्माना लाम्बो टेयार चोगुएना हिट्ना रिङ् चा माट्टाचुए॥
आम्भु-आन्झाचि हिट्नुङ् आनो-आन्झाचि, ना ठोबाना रिङ् बारेङि बुजा चोगानुम् नुङ् आङा खानि लोनाँनि, हिट्डेउङ् खानि आप्पे लाउङ्सा ठेलोक् काचोक् लिनेनिन्॥ ना ठोबाना रिङ् बारेङि आङा खानि लोनाँनि, खिरिस्टङि टामा ओकोन्गा टेप्मा पानिछोङ्बाचिङा बिस्वास ओचोगुन्लोक् सोम्मा इस्राइलिचिङा उन्चि निङ्ग्वा ठुम्लोक् ओचोगुटु॥
मायालु भुम्भु-झान्झाचि हिट्नुङ् नाना-झान्झाचि, पिच्छाचि गाड्डे नागा थोक् बारेङि निङ्ग्वा रिमा नाडानुम्॥ ओभेन्गा रिङ्ङि खानि पिच्छाचि गाड्डे लिमा कोन्युक्, पोङ्भोने पिच्छाचिङा ओभेन्गा रिङ् उमिट्टुन्गा, टरो नागा बारदानचि बारेङि खानि निङ्ग्वा रिमाना रिङ्ङि पासिङ् याप्मिचि गाड्डे डोक् लिसानि॥
आम्बु-आन्झाचि हिट्नुङ् आनो-आन्झाचि, हाट्ले आङा माप्मा कोलुङ्ना रिङ्म्बाक् ना ए, खानि माङ्पाङ्ङि माङ्ध्यान् चोक्ङा आछुमिनाँ, कोइलोक् छाम्लोमा ठाक्माना बारदान लिमा हियुक्, आरकोलोक् हिसिक्माना रिङ्, आरकोलोक् माङ्हाङ्ङा निमेट्टुना रिङ् माप्माना रिङ् लिमा हियुक्, कोइलोक् आरु रिङ्ङि चेक्माना बारदान लिमा हियुक् भोने, आरकोलोक् हिट्ना रिङ्ङाना उटुप् माप्माना बारदान लिमा हियुक्॥ नागा सोब्बे रिङ्ङा माङ्पाङ्ङिगा बिस्वासिचि बिस्वासङि दोरो चोक्मालाउङ्सा चोक्मा कोन्युक्॥
ना खाबोर खानि सोरि टाइसे, हिट्नुङ् ना खाबोर ख्वाप्पा नाराङिगा याप्मिचिङा बिस्वास ओचोगेट्टु, हिट्नुङ् माङ्हाङ्ङाना निङ्ग्वा टाना रिङ् ओचोगेट्टु॥ हिट्नाड्डे डोक् खानिङा माङ्हाङ्ङाना मायादाया बारेङि ना छेम्बाना खाबोर आखेम्सुम्ना हिट्नुङ् बुजा आचोगुम्ना बेलालाम्मा डोक् खानि माझाङि चा हिट्नाड्डे डोक् लिएट्॥
ကြော်ငြာတွေ