रोमि 1:10 - आठपहरिया

¹⁰ हिट्‌नुङ् माङ्‌हाङ्‌ङा उनिङ्‌ग्‍वा चोगुए भोने आखेरिङि उलि चा खानि टुब्‌सिङा आप्‍माना लाम्‍बो आङा ओटोगुङ् नुङ् उन् बिन्‌टि ठाङ्‌सुङ्‌टुङ्॥

रोमि 1:10 ပူးပေါင်းရင်းမြစ်များ

मुलिचेला टोॽवा 18:21

हिट्‌नुङ् पावालङा नाट्‌डे लोडुचिउङ् हिट्‌नागालोक् सेन्‍डे, “माङ्‌हाङ्‌ङाना उनिङ्‌ग्‍वा लिसे भोने, आङा फेरि खानि सोरि नोक्‍ङा टाङा॥” हिट्‌डे लोडुचिउङ् उन् चुवाखोङ्‌डाङ्‌ङि ठाङाउङ् एफिसासलाम्‍मा लाम्‌टिए॥

मुलिचेला टोॽवा 19:21

नाड्‌डेना घाट्‌ना लिमाहिडाउङ् सेङ्‌सेङ्‌ना हाङ्‌साङाना आगुवाइङि पावाल माकेडोनिया हिट्‌नुङ् आखैया छेट्‌रा लिसाउङ् यरुसलेम खाप्‍माना निङ्‌ग्‍वा चोगुए॥ उन्‍ङा लोडुचे, “यरुसलेम टासुङुङ् आङा रोम खालाङ्‌गा चा खाप्‍मा डोक् कोन्‌युक्॥”

मुलिचेला टोॽवा 21:14

आन्‍याँ पावालङाना उनिङ्‌ग्‍वा नोक्‍मा हिनिम्‍माना निसुमुङ् “टाङ्‌बाङाना उनिङ्‌ग्‍वा गाड्‌डे डोक् उलियाक्” पिक्‍सा मिचेक्‍ङे युङिङे॥

रोमि 15:29

आङा खानि सोरि आप्‍ङानाँ खिरिस्‍टङा आनि माङ्‌जोम् आसिक् आपियुक् नुङ् आङा ठाहा टोगुङ्‌टुङ्॥

१ कोरिन्‌थि 1:1

माङ्‌हाङ् उनिङ्‌ग्‍वालाम्‍मा खिरिस्‍ट येसुङाना मुलिचेला लिमा याङ्‌सेगाना आङा पावाल हिट्‌नुङ् आनि झान्‍झा सोस्‍थेनेसलाम्‍मा ना चिट्‌ठि छेप्‍टाचुङाना ए॥

१ कोरिन्‌थि 4:19

टरो टाङ्‌बाङाना उनिङ्‌ग्‍वा लिसे भोने आङा खानि सोरि एला डोक् आप्‍ङा, हिट्‌नुङ् हिट्‌नागा ठेलोक् काचोक्‌चि छेम्‍बा डोक् माङ्‌हाङ्‌ङाना ओचेट्‌नुना टोॽवा ओचोगुएट्‌टुनि आथाबा रिङ् एडोक् ओचेक्‌येट्‌गि हिट्‌ना रिङ् ठाहा टोगुङ्‌टुङ्॥

फिलिप्‌पि 4:6

पाक् रिङ्‌ङि चा सुरटा चोक्‍नेनिन्, टरो सोब्‍बे रिङ् लाउङ्‌सा बिन्‌टि चोगानुम्॥ खानिलाउङ्‌सा आभोर आलिसिगा थोक् बिन्‌टि चोगानुमुङ् माङ्‌हाङ् लोडानुम् हिट्‌नुङ् उन्‍ङा चोगुना ख्‍वाप्‍पा थोक् लाउङ्‌सा पोए-पोए ठाङ्‌सानुम्॥

१ थेसालोनिकि 2:18

पोङ्‌भोने आन्‍याँ खानि सोरि आप्‍माना निङ्‌ग्‍वा चोगुम्‍मे॥ हिट्‌नुङ् आङा पावालङाम्‍बाक् खानि टुब्‍मा आप्‍मा निङ्‌ग्‍वा चोगुङ्‌याक्‍टुङ्‌ङे, टरो सैतानङा आन्‍याँ याप्‌मिछाक्‍टे॥

फिलेमोन 1:22

हिट्‌नुङ् आरको रिङ् चा युङ्‌ग्‍वा, आङा लाउङ्‌सा चा बास हेम्‍माना ठोङ् याङ्‌टोङ्‌साबिडा, पोङ्‌भोने खानिङा आचोगुम्‍ना बिन्‌टिङा आङा चा खानि सोरि आप्‍मा उहिङा नुङ् आसा चोगुएसुङे॥

हिब्‍रु 13:19

हाट्‌ले आङा एला डोक् खानि सोरि फेरि आप्‍मा उहिङा नुङ् बिन्‌टि याङ्‌चोगाबिडानि नुङ् खानि आङा आनुरोध चोक्‍नाँनि॥

याकुब 4:15

खानिङा नाड्‌डेना रिङ्‌उम्‍टे माप्‍मा कोले, “माङ्‌हाङ्‌ङा उनिङ्‌ग्‍वा लिसे भोने, आनि हिङिटि हिट्‌नुङ् नागा रिङ् चोगुम्‍टुम् आथाबा हिट्‌नागा रिङ् चोगुम्‍टुम्॥”