पारकास 6:12 - आठपहरिया

¹² हाट्‌ले थुमाङा छैटोँ छाप् ओङ्‌सुना आङा निसुङे, हिट्‌नुङ् हिट्‌नि ठेना लुक्‍लेमा खाडे॥ नाम् माक्‍ठुङ् माक्‍ना लिसाउङ् डुम्‍बारिक् डुम् लिसे, हिट्‌नुङ् लालिप्‍माङ् चा हेलिक् गाॽवा फाबालेङ् फाना लिसे॥

पारकास 6:12 ပူးပေါင်းရင်းမြစ်များ

मात्‌ति 11:21

“इनामा, हाउ खानि खोराजिन हिट्‌नुङ् बेथसेदा खालाङ्‌गाङिगा याप्‌मिचि! खानि माझै चोक्‍बालाक् डोङ् ठोङ्‌डिगा टोॽवाचि टुरोस लोक् सिदोन खालाङ्‌गाङिगा याप्‌मिचिङि चोगानाँ बे हिट्‌निगा याप्‌मिचिङा पाइले डोक् सानिङ्‌ग्‍वा लोसा बोराङाना लोट्‌लिङ् ओवाडुङ् हिट्‌नुङ् ठाबुट् ओनेक्‍टुङ् काएल्-काबु उलिसाएट्‌टे बे॥

मात्‌ति 24:29

“हिट्‌नागा याङ्‌छामा लेम्‍बा लाट्‌नामे नाम् डुम्‍बारिक् डुम् लियुक्, हिट्‌नुङ् लालिप्‍माङ्‌ङा व्‍हाङ् पिमा नाडुटु, टाङ्‌साङ्‌लाम्‍मा चोक्‌चिङ्‌गेट्‌चि ओठायुक्, हिट्‌नुङ् टाङ्‌साङ्‌ङिगा सोब्‍बे साक्‌तिचि ओवान्‌युक्॥

मात्‌ति 24:7

पोङ्‌भोने ठिक् छोङ्‌बाङाना बिरुद्‌दाङि आरको छोङ्‌बाङि खेमाबुङ्‌मा लियुक्, हिट्‌नुङ् ठिक् मुलुक् बिरुद्‌दाङि आरको मुलुक्‌ङि खेमाबुङ्‌मा लियुक्॥ हिट्‌नुङ् ठोङ्-ठोङ्‌ङि चामा-ठुङ्‌मागा थोक्‌चि चा लाट्‌युक् हिट्‌नुङ् लुट्‌लेमा काट्‌युक्॥

मात्‌ति 27:45

हिट्‌नुङ् लेन्‍ना बारो लेम्‍सुना बेलालाम्‍मा सुम्‍बोक् लेम्‍सुना सोम्‍मा देस टेप् डुम्‍बारिक् डुम् लिसे॥

मात्‌ति 27:54

हिट्‌नुङ् लुक्‍लेमा काडाना हिट्‌नुङ् हिट्‌नि लिसाना घाटाना उनिसुङ् येसु ओकोडुङ् उयुङासागा काप्‍तान लोक् उन्‌लोक् उलिसागा आड्‌डिक् उकिट्‌टे, हिट्‌नुङ् हिट्‌नागाँ नाड्‌डे ओमाट्‌टुए, “छेम्‍बा डोक्, ना याप्‌मिउम् माङ्‌हाङ् छा डोक् रैछो॥”

मात्‌ति 28:2

हिट्‌ना बेला ठेना लुक्‍लेमा खाडे, पोङ्‌भोने माङ्‌हाङ् डाङ्‌बाङाना ठिबाङ् माङ्‌हाङ् रिङ् काउग्‍बा टोनालोक्‌लाम्‍मा यो उङ्‌से, हिट्‌नुङ् ओहुम्‍पा टेप्‍बालाक् लिङ्‌गेॽवा सोन्‍डुङ् हिट्‌ना उठुङ्‌ङि युङे॥

मारकुस 15:33

हिट्‌नुङ् लेन्‍ना बारो बाजेलाम्‍मा सुम्‍बोक् मुक्‍टाना बेला सोम्‍मा देस टेप् डोक् डुम्‍बारिक् डुम् लिसे॥

पारकास 11:13

हिट्‌ना बेला डोक् ठेना लुक्‍लेमा खाडे हिट्‌नुङ् हिट्‌ना ठेना खालाङ्‌गाङाना दोसौँ ओभागा जाखाम् लिसे॥ ना लुक्‍लेमाङि सि हाजार याप्‌मिचि उसिए, हिट्‌नुङ् आरु उसिनिएट्‌निगा याप्‌मिचि आड्‌डिक् उकिट्‌टाउङ् हिट्‌नागाँ टोनालोग्‌ङिना माङ्‌हाङ्‌ङाना उनिङ् ओचोन्‍डुए॥

पारकास 16:18

हिट्‌ना बेला डोक् बिजुलि ओम्‍से, टाङ्‌साङि घुरुङ्‌बा लोसे, हिट्‌नुङ् आड्‌डिक् ठेना लुट्‌लेमा खाडे॥ नाराङि याप्‌मिचि सिरिस्‌टि उलिसागा बेला नुङ् नाड्‌डेना आड्‌डिक् किप्‍माडुङ् ठेना लुट्‌लेमा याप्‌मिचिङा काइले चा उनिसुन्‍गेट्‌टुन्‍ना डाना॥

पारकास 16:8

हिट्‌नुङ् चौथो माङ्‌हाङ् रिङ् काउग्‍बाङा ओखोरे नाम्‍छेमाङि ठेन्‍डुए, हिट्‌नुङ् नाम्‍छेमाङा याप्‌मिचि मिङा टुम्‍माना साक्‌ति टोगुए॥

पारकास 8:12

हिट्‌नुङ्‌ना चौंथो माङ्‌हाङ् रिङ् काउग्‍बाङा उन्‌लोक् लिसाना धुटुरिबा टेनुए, हिट्‌ना बेला डोक् नाम्, लालिप्‍माङ्, हिट्‌नुङ् चोक्‌चिङ्‌गेट्‌चिगा एक तिहाइ ओखान्‍डाम्‍बाक् डुम्‍बारिक् डुम् लिसे॥ हिट्‌नुङ् नाम्‌ङा टेम्‍बोक् घान्‍टा टेप्‍मा लेम्‍बा व्‍हाङ् पिडुवाट्‌टुन्, हिट्‌नुङ् लालिप्‍माङ् लोक् चोक्‌चिङ्‌गेट्‌चिङा चा युसा चार घान्‍टा टेप्‍मा व्‍हाङ् उपिडुवाट्‌टुन्॥

पारकास 8:5

हिट्‌नुङ्‌ना हिट्‌ना माङ्‌हाङ् रिङ् काउग्‍बाङा धुपाउरो याङुङ् बेदिङिना मि हिट्‌नि ठेन्‍डुए, हिट्‌नुङ् नाराङि लेप्‍टुए॥ हिट्‌ना बेला डोक् घुरुङ्‌बा लोसे, झालाक् झिलिक् लिसाउङ् बिजुलि ओम्‍से, हिट्‌नुङ् लुक्‍लेमा काडे॥