पारकास 5:13 - आठपहरिया13 हिट्नुङ् टोनालोग्ङि, नाराङि, यो नारा उछिक्ङि हिट्नुङ् सामुन्दराङि उलिसागा ख्वाप्पा जिवाट्चिङा नाड्डे पिक्सा छाम्लोमा ओठाक्टुना आङा खेम्सुङे, “सिङासान्ङि युङ्ना हिट्नुङ् थुमालाउङ्सा उन्चि निङ् आनि चोन्डुम्, मान् पिडुम्, उन्चि निङ् ठेलोक् चोगुम् हिट्नुङ् उन्चि बोल् बारेङि सोरोक् माट्टुम्॥” အခန်းကိုကြည့်ပါ။ |
पारकास 5:13
29 ပူးပေါင်းရင်းမြစ်များ
टरो खानिङा ना छेम्बाना रिङ्ङि बिस्वास चोगायाक्टानुम् हिट्नुङ् ना रिङ्ङि डोक् बोलियो लिसानिउङ् युङानि॥ खानिङा आखेम्सुम्ना नुना खाबोरङि आटोगुम्ना आसालाम्मा खोनालेङ् चा निङ्ग्वा पिनेनुम्॥ ना खाबोर डोक् नारा टेप्गा याप्मिचिलोङ्सा पारचार चोगाइसे॥ हिट्नुङ् आङा पावाल चा ना रिङ् पारचार चोक्माउङ्सा डोक् माङ्हाङ्ङाना ओसेवाक् लिसाइसाङे॥
कोइलोक् चेक्माना बारदान युङ्ग्वा भोने माङ्हाङ् उन्लाम्मा चेक्टि गाड्डे डोक् हिट्ना ओचेक्याक्॥ कोइङा सेवा चोगुटु भोने माङ्हाङ्ङा पिडुना बोल्लाम्मा हिट्नाँ सेवा ओचोगुवाक्॥ हिड्डेउङ् नागा ख्वाप्पा रिङ्ङि येसु खिरिस्टलाम्मा माङ्हाङ्ङाना डोक् उनिङ् टो-टो उलियाक्॥ ख्वाप्पा माहिमा हिट्नुङ् बोल् उन्ङि डोक् सोरोक् उलियाक्॥ आमेन्॥
हिट्नुङ् टेम्बोक् उहिङ्ग्वाट् जिवाट्चि हिट्नुङ् ओठेडोङ्चिङा याम्बा-नायाम्बालाम्मा उपुप्टुना हिट्ना सिङासान्ङिना माझाङि ठिक् थुमा येबाइसाना आङा निसुङे॥ हिट्ना थुमाम्बाक् कोइङा भोक् उपिडुना गाड्डे निङ्साना॥ हिट्नाङाना सि गोटा ओटाङ् हिट्नुङ् सि गोटा उमिक्चि डागा॥ हिट्नागाम्बाक् माङ्हाङ्ङा ख्वाप्पा नाराङि पाङ्सुचिगा सि गोटा ओहाङ्साचि ए॥
हिट्नागाँ नाड्डे पिक्सा ठिक् ओछोङ्ग्वाट् छाम्लो ओठाक्टुए, “ना छाप्लाङाना मुठा खान्ङा एडोक् काप्मा आहिडुटु हिट्नुङ् हिट्नागा छाप्चि ओङ्मा योग्ए खान् एडोक् ए, पोङ्भोने याप्मिचिङा खान् मासेडे, हिट्नुङ् खान्ङा काहेलिक् आवेडुङ् ख्वाप्पा छोङ्बाचि, खाले-खाले रिङ् काचेक्, सोब्बे याप्मिचि हिट्नुङ् ख्वाप्पा देसङिगा माङ्हाङ् लाउङ्सा छुट्कारा आपिडुचे॥
ကြော်ငြာတွေ