पारकास 4:4 - आठपहरिया4 हिट्ना सिङासान् याम्बा-नाआम्बा आरु चौबिस ओटा सिङासान् ओडागा, हिट्नुङ् हिट्नि उन्चि टेहेक्ङि साम्मेङ्ङाना मुकुट् हिट्नुङ् फुट्ना लोट्लिङ् ओवाडुएसुगा चौबिस जाना ओठेडोङ्चि उयुङेसागा आङा निसुङे॥ အခန်းကိုကြည့်ပါ။ |
पारकास 4:4
24 ပူးပေါင်းရင်းမြစ်များ
हिट्नागा एक लाख चावालिस हाजार याप्मिचिङा माङ्हाङ्ङाना सिङासान् सोरि, टेम्बोक् उहिङ्ग्वाट् जिवाट्चि टोकानाङि हिट्नुङ् ओठेडोङ्चि टोकानाङि ठिक् ओछोङ्ग्वाट् छाम्लोमा ओठाक्टुएट्टुगा॥ नाराङिगा याप्मिचि माड्डे छुट्कारा ओटोगुगा एक लाख चावालिस हाजार याप्मिचिङा एडोक् हिट्ना ओछोङ्ग्वाट् छाम्लोमा खोड्डे पारिक् छाम्लोमाना नुङ् उनिसुगा डागा, आरु खोनाँ चा उनिसुन्गा डागा॥
हाट्ले खानिङा आङ्डुम्लाबुम्ना याङ्छामालोक् किट्नेनिन्॥ खानि बिस्वास जाँचा चोक्माउङ्सा खानि माड्डे कोइ-कोइ सैतानङा खाम्बाङ्ङि माठेन्डिटि॥ हिट्नुङ् खानिङा ठिमेक् लेम्बा टेप्मा याङ्छामा आआङ्डुम्टुम्॥ टरो सिमा डोक् कोन्ना लिचा आङि बिस्वास चोक्मा नानेनुम्, हिट्नुङ् आङा खानि खोना बेला चा लाट्निना चोलाङाना इनाम् पिनाँनि॥
हिट्नुङ् आङा सिङासान् निसुङे, हिट्नि न्याए चोक्मा आधिकार ओटोगुगा याप्मिचि उयुङासागा॥ हिट्नि येसुङाना खाबोर लोक् माङ्हाङ् रिङ् पारचार ओचोगुनाँ नाराङि उन्चि टेहेक् ओचेप्टुचिगा याप्मिचिगा हाङ्सा चा निसुङे॥ हिट्नागाम्बाक् हिट्ना जिवाट् लोक् हिट्नाङाना मुरति साम्माङ् ओचोग्वाट्टुन् हिट्नुङ् हिट्नाङाना छाप् उन्चि नाम्धाङ्ङि आथाबा उन्चि मुक्ङि चा ओवाडुवाट्टुन्॥ हिट्नागा फेरि उहिङ्ग्वाट् उलिसे हिट्नुङ् खिरिस्टलोक् ठिक् हाजार बारखा सासान् ओचोगुए॥
हिट्नुङ् टेम्बोक् उहिङ्ग्वाट् जिवाट्चि हिट्नुङ् ओठेडोङ्चिङा याम्बा-नायाम्बालाम्मा उपुप्टुना हिट्ना सिङासान्ङिना माझाङि ठिक् थुमा येबाइसाना आङा निसुङे॥ हिट्ना थुमाम्बाक् कोइङा भोक् उपिडुना गाड्डे निङ्साना॥ हिट्नाङाना सि गोटा ओटाङ् हिट्नुङ् सि गोटा उमिक्चि डागा॥ हिट्नागाम्बाक् माङ्हाङ्ङा ख्वाप्पा नाराङि पाङ्सुचिगा सि गोटा ओहाङ्साचि ए॥
हिट्ना बेला डोक् हिट्नागा टेम्बोक् उहिङ्ग्वाट् जिवाट्चि हिट्नुङ् चौबिस जाना ओठेडोङ्चि थुमा ओटोकानाङि ओखाडाउङ् स्या ओमेट्टुए॥ हिट्नागा ख्वाप्पालोक् उन्चि मुक्ङि ठिक् टेम्माना बिना हिट्नुङ् बुङ्बुङ् नाम्ना धुपाङा इप्टाना साम्याङ्ङाना खोरे डाना॥ हिट्ना धुपाम्बाक् माङ्हाङ् ओयाप्मिचिङा ओठाङ्सुना बिन्टिङाना चिन्ना ए॥
माङ्हाङ्ङा हिट्नागा ख्वाप्पालाउङ्सा फुट्ना लोट्लिङ् वाप्मा पिडुचे, हिट्नुङ् हिट्नागा नाड्डे लोडुचे, “होप्मो बेला सोम्मा खानि आराम चोगानि, पोङ्भोने आझै खानिलोक् टोॽवा काचोक् खानि साइबाचि हिट्नुङ् टाङ्बाङाना सेवा काचोक् बिस्वासिचि खानि गाड्डे डोक् याप्मिचिङा ओसेडुचिचि॥ जब हिट्ना ओसेडुचिगा साङ्ख्या युयुक्, हिट्नुङ् एरोक् आङा साजाए पिडुङ्चिङ्चिङ्॥”
हिट्नाउङ्ना आङा साङा चा ङेमा डोक् उहिडुन्ना माङ्जोम् याप्मिचिगा खिमेयाङ्मे निसुङे॥ हिट्नि नारालाम्मा, ख्वाप्पा देसङिगा, ख्वाप्पा छोङ्बाचि, सोब्बे याप्मिचि हिट्नुङ् खाले-खाले रिङ् ओचेक्गा ओडागा॥ हिट्नागा सोब्बे सिङासान् हिट्नुङ् थुमा सोरि ओयेबाइसागा॥ हिट्नुङ् हिट्नागाँ फुट्टुम्बुरि फुट्ना लोट्लिङ् ओवाडुङ् सोब्बेङा उन्चि मुक्ङा खाजुर उभुङ्माङाना ओडाला ओयाङुएसुना॥
ကြော်ငြာတွေ