पारकास 21:22 - आठपहरिया22 आङा हिट्ना खालाङ्गाङि खोनाइ चा माङ्ठाना निमानिनेट्निङ्, पोङ्भोने सोब्बे नुङ्ना माङ्बोल्लेउ टाङ्बा माङ्हाङ् हिट्नुङ् थुमा डोक् हिट्नि वासेट्टाचिगा, हिट्नुङ् सोब्बेङा उन्चि सोरि माङ्ध्यान् ओचोगुटु॥ အခန်းကိုကြည့်ပါ။ |
पारकास 21:22
25 ပူးပေါင်းရင်းမြစ်များ
हिट्नागा खोना चा मेच्छेमाचिलोक् ओचाफेन्ना टोॽवा ओचोक्नेट्निगा हिट्नुङ् उन्चि आप्पेलाउङ्सा चोखो उयुङ्सुएसुए॥ हिट्नागाँ थुमा खोनालेङ् खाट्चा उन् रोक् उरिक्टुना डाना॥ हिट्नुङ् नाराङिगा याप्मिचिलाम्मा छुट्कारा ओटोगुगा याप्मिचि हिट्नागा डोक् ए, हिट्नुङ् माङ्हाङ् लोक् थुमा लोङ्सा ओसाम्डुचिगा पाइलेगा याप्मिचि हिट्नागा डोक् ए॥
हिट्नागाँ माङ्हाङ् ओसेवाक् मोसाङाना छाम्लोमा हिट्नुङ् थुमाङाना छाम्लोमा ओछाम्लोसेट्टागा, “माङ्हाङ् डाङ्बा, खान् सोब्बे नुङ्ना माङ्बोल्लेउ, हिट्नुङ् खान्ङा आचोगुना टोॽवा माङ्ठेना हिट्नुङ् डोङ् ठोङ्डिना ए॥ खान् सोब्बे छोङ्बाचिगा हाङ्बा ए, खान्ङागा सोब्बे टोॽवा सिधा हिट्नुङ् छेम्बागा ए॥
नागा ओभेन्गा रिमेट्चिलोक् डोङ् ठोङ्डिना टोॽवा चोक्माना साक्ति डाना॥ हिट्नागा नाराङिगा ख्वाप्पा हाङ्बाचिङि ओखाट्युक् हिट्नागाँगा उन्चि टिलिङ्गाचि चुङ्मा लाउङ्सा उछुम्सुचिचि, हिट्नुङ् सोब्बे नुङ्ना माङ्बोल्लेउ माङ्हाङ्ङा ओसाट्टुरचि साजाए पिडुचिना लेम्बा हिट्नागा माङ्हाङ्लोक् उचुङ्युक्॥
साट्टुरचि मेप्माचि लाउङ्सा ओयासिलाम् यान्ना चेप्सा भारा होन्डाइसाना, हिट्नुङ् उन्ङा नाराङिगा ख्वाप्पा याप्मिचि धाउङाना डान्डिङा टुक्लोक् सासान् चोगुचिचि॥ हिट्नुङ् आङ्गुर पेलाँ चोक्मा ठेना कोल्ङि ठेन्डि गाड्डे डोक् उन्ङा याप्मिचि माङ्बोल्लेउ माङ्हाङ्ङाना उकुन्जिरिक्वाङा साजाए पिडुचिचि॥
हिट्नागा टेम्बोक् उहिङ्ग्वाट् जिवाट्चिगा ङा-ङा ओटा उन्चि लाप्टाङ् ओडागा॥ हिट्नागाँगा उन्चि येम्टेप् उन्चि मिक् ए मिक् डाना, उन्चि लाप्टाङ् उछिक्ङि चा उन्चि मिक् डाना॥ हिट्नागा लेन्सेन् नाड्डे उपिगाउङ् छाम् ओलोसायाक्टागा डागा, “सोब्बे नुङ्ना माङ्बोल्लेउ माङ्हाङ् टाङ्बा सेङ्सेङ्ना, उन् सेङ्सेङ्ना, उन् सेङ्सेङ्ना॥ उन् उटुम्लाम् डोक् डाना, हाट्ले चा वाहेट्, हिट्नुङ् उन् सोरोक् लियुयाक्युक्॥”
हिट्नुङ् टेम्बोक् उहिङ्ग्वाट् जिवाट्चि हिट्नुङ् ओठेडोङ्चिङा याम्बा-नायाम्बालाम्मा उपुप्टुना हिट्ना सिङासान्ङिना माझाङि ठिक् थुमा येबाइसाना आङा निसुङे॥ हिट्ना थुमाम्बाक् कोइङा भोक् उपिडुना गाड्डे निङ्साना॥ हिट्नाङाना सि गोटा ओटाङ् हिट्नुङ् सि गोटा उमिक्चि डागा॥ हिट्नागाम्बाक् माङ्हाङ्ङा ख्वाप्पा नाराङि पाङ्सुचिगा सि गोटा ओहाङ्साचि ए॥
ကြော်ငြာတွေ