पारकास 2:21 - आठपहरिया

²¹ आङा हिट्‌ना पापलाम्‍मा काएल्-काबु लिसा हिट्‌नुङ् इम्‍मेप्‍माजामा टोॽवा चोक्‍मा नाडु नुङ् मौका पिडुङे, टरो हिट्‌नाँ हिड्‌डे चोक्‍मा नाडुव्‍ट्‌टुन्॥

पारकास 2:21 ပူးပေါင်းရင်းမြစ်များ

रोमि 9:22

हिट्‌डे पारा डोक् माङ्‌हाङ्‌ङा उन् लाउङ्‌सा ओयाग् लेप्‍मा कामेट् याप्‌मिचि लोक् जाखाम् लिमालाउङ्‌सा टेयार उलिसागा याप्‌मिचिलाउङ्‌सा उन्‍ङाना ओयाग् लोक् ओबोल् निमेट्‌मा निङ्‌ग्‍वा चोगुए, टरो हिट्‌ना साट्‌टोङि उन् आड्‌डिक् धैइरे चोगाउङ् हिट्‌नागा आङ्‌डुएसुचे॥

१ पाटरुस 3:20

हिट्‌नागा हाङ्‌साचिम्‍बाक् नोआङा चुवाखोङ्‌डाङ् चोगुना बेला हिट्‌नागा काएल्-काबु उलियुक्‌गि नुङ् माङ्‌हाङ्‌ङा पाङ्‌सुचिगा हाङ्‌साचि ओडागा॥ टरो हिट्‌नागाँ माङ्‌हाङ् उरिङ् ओखेम्‍स्‍वाट्‌टुन्॥ चुवाखोङ्‌डाङ् भिट्‌रा उलिसागा याङ् जाना एरोक् चुवालाम्‍मा उहिङे॥

२ पाटरुस 3:15

आनि टाङ्‌बाङा खानि पापलाम्‍मा हिङ्‌माना मौका मापिडिनाँ उन्‍ङा आम्‍टेप्‍मा धैइरे चोगेना हिट्‌ना रिङ् मुन्‍नेनुम्॥ आनि मायालु झान्‍झा पावालङा चा माङ्‌हाङ्‌लाम्‍मा टोगुना ठोनालाम्‍मा ना रिङ् डोक् खानिलोङ्‌सा छेप्‍टुए॥

२ पाटरुस 3:9

कोइ-कोइङा टाङ्‌बाङा उन्‍ङाना चामारसिङा पुरो चोक्‍मा आबेला चोक्‌युक् नुङ् उमिट्‌टा गाड्‌डे उन् आबेला चोक्‌निना, टरो कोइ चा जाखाम् उलिनेयाट्, टरो ख्‍वाप्‍पा काएल्-काबु उलियाक् नुङ् निङ्‌ग्‍वा चोगुङ् टाङ्‌बाङा खानि माहाङ्‌सेट्‌टि॥

पारकास 16:11

हिट्‌नुङ् हिट्‌नागाँ टोनालोग्‌ङि युङ्‌ना माङ्‌हाङ् बारेङि ओचाफेन्‍लोक् ओमाट्‌टुए, पोङ्‌भोने हिट्‌नागाँ ओटोगुना याङ्‌छामा आड्‌डिक् टुक्‍ना डाना॥ टरो हिट्‌नागाँ ओभेन्‍गा टोॽवा चोक्‍माम्‍बाक् ओनाडुवाट्‌टुन्॥

पारकास 16:9

हिट्‌नुङ् नाम् छेमा औधि छेडाउङ् याप्‌मिचि उटुने, हिट्‌नुङ् हिट्‌नागाँ नाड्‌डेगा बिपोत्‌तिचिङा सेप्‍माना आधिकार लिसाना माङ्‌हाङ् फाट्‌टुर ओलाबुए हिट्‌नुङ् सारापें ओचोगुए॥ टरो हिट्‌नागाँ काएल्-काबु लिमा हिट्‌नुङ् माङ्‌हाङ् मान् पिमा इन्‍कार ओचोगुए॥