पारकास 2:13 - आठपहरिया13 खानि सैतानङा सासान् चोगुना डेन्ङि आयुङिगा नुङ् आङा ठाहा टोगुङ्टुङ्॥ टरोचा खानिङा आङा आझै बिस्वास आचोगियाक्टिङे॥ हिट्नुङ् आङाना बारेङि पारचार काचोक् बिस्वासिलो एन्टिपासलाउङ्सा पाक् लिसेना हिट्ना रिङ् आङा ठाहा टोगुङ्टुङ्॥ एन्टिपासलाउङ्सा याप्मिचिङा सैतानङा सासान् चोगुना खानि खालाङ्गाङि ओसेडुचा खानिङा आङि बिस्वास चोक्मा आनानेट्निम्॥ အခန်းကိုကြည့်ပါ။ |
पारकास 2:13
27 ပူးပေါင်းရင်းမြစ်များ
हिट्नुङ् आङा हिट्ना जिवाट् चितुवा गाड्डे निङ्साना निसुङे॥ हिट्ना चितुवाङाना ओलाङ् माक्सा ओलाङ् गाड्डेना डाना, हिट्नुङ् हिट्नाङाना ओयासिम्बाक् युबा ओयासि गाड्डेना डाना॥ हिट्ना ठेना ओप्पुङा आप्पे ओसाक्ति, हिट्नाङाना सिङासान्, हिट्नुङ् ओआधिकार हाङ्बा गाड्डे डोक् सासान् चोक्मा हिट्ना जिवाट् पिडुए॥
हिट्ना जिवाट् हिट्नुङ् ठिमेक् हाङ्बाचि माङ्हाङ्ङाना थुमा बिरुद्दाङि उचुङ्युक्, टरो थुमा लोक् उन् बिस्वास काचोक्चिङा हिट्नागा ओमेट्टुचिचि, पोङ्भोने उन् डाङ्बाचिगा टाङ्बा हिट्नुङ् हाङ्बाचिगा हाङ्बा ए॥ थुमालोक् उलिसागा बिस्वासिचिम्बाक् माङ्हाङ्ङा छेम्डुचिगा, सेगुचिगा हिट्नुङ् बिस्वासिलो उलिसाउङ् उन्ङाना सेवा काचोक् याप्मिचि ए॥”
खानिङा आचोगुम्ना सोब्बे थोक् आङा ठाहा टोगुङ्टुङ्॥ खानिङा आचोगुम्ना टुक्लोक् टोॽवा हिट्नुङ् खानिगा आङ्मा हिमाना बोल् आङा निसुङ्टुङ्॥ हिट्नुङ् खानिङा ओभेन्ना रिङ् काचोक्बा याप्मिचि चिम्मा आफुट्टुम्चिगा आङा ठाहा टोगुङ्टुङ्, हिट्नुङ् खानिङा हिट्नागा मुलिचेलाचि नुङ् उपिग्गा याप्मिचिगा बिस्वास जाँच आचोगुम्मे, हिट्नुङ् हिट्नागा माङ्जो उपिग्येट्गा रैछो नुङ् ठाहा आटोगुम्मे॥
हिट्नुङ् पाइले खानिङा जे रिङ् आखेम्सुमुङ् बिस्वास आचोगुमे हिट्ना मिट्टानुम्॥ खानिङा जे रिङ् सिकाँ आलिसिए हिट्ना पालान् चोगानुम्, हिट्नुङ् खानि पापलाम्मा काएल्-काबु लिसानि॥ खानि ओछेक्छेक् आचोगेट्टिन् भोने, आङा चोर गाड्डे डोक् उङ्ङा, हिट्नुङ् आङा खोना बेला खानिङि उङ्ङाना हिट्ना खानिङा ठाहा डोक् आटोक्निम्ना॥
ကြော်ငြာတွေ