पारकास 18:6 - आठपहरिया

⁶ हिट्‌नुङ् हिट्‌ना खालाङ्‌गाङिगा याप्‌मिचि हिट्‌नागाँ आरु याप्‌मिचि ओमेट्‌टुचि गाड्‌डे डोक् मेट्‌टानुम्‌चिम्॥ हिट्‌ना खालाङ्‌गाङिगा याप्‌मिचिङा ओचोगुना ख्‍वाप्‍पा ओचाफेन्‍ना टोॽवा लाउङ्‌सा इप्‍पोक् खेप् हिट्‌नागा ओचाफेन्‍मा मेट्‌टानुम्‌चिम्॥ हिट्‌नागाँ आरु याप्‌मिचि याङ्‌छामा ओचाट्‌टुचि गाड्‌डे खानिङा हिट्‌नागा लाउङ्‌सा इप्‍पोक् खेप् याङ्‌छामा पिडानुम्‌चिम्॥

पारकास 18:6 ပူးပေါင်းရင်းမြစ်များ

२ तिमोथि 4:14

टाँबोङाना भाँडाकुँडा कामाँ काचोक् आलेक्‍जेन्‍डरङा आङा आड्‌डिक् ओचाफेन्‍लोक् याङ्‌मेट्‌टे॥ हिट्‌नाँ चोगुना टोॽवाङाना साजाए टाङ्‌बाङा डोक् पिडुटु॥

पारकास 13:10

कोइ याप्‌मि खाम्‍बाङ्‌ङि ठामा कोन्‌युक् भोने, हिट्‌ना खाम्‍बाङ्‌ङि ठामा डोक् कोन्‌युक्, हिट्‌नुङ् कोइ याप्‌मि चेप्‍सालाम्‍मा सेट्‌मा कोन्‌युक् भोने, हिट्‌ना चेप्‍सालाम्‍मा सेट्‌मा डोक् कोन्‌युक्॥ हिट्‌डेउङ् माङ्‌हाङ्‌ङाना ओयाप्‌मिचिङा याङ्‌छामा आङ्‌मा कोन्‌युक् हिट्‌नुङ् बिस्‍वासङि बोल्‍लेउ लिमा डोक् कोन्‌युक्॥”

पारकास 14:10

हिट्‌नागा उठुङ्‌ङि माङ्‌हाङ्‌ङाना ठेना उकुन्‌जिरिक्‍वा ठायुक्, हिट्‌नुङ् उन्‍ङा दाया डोक् मालेना ठेना साजाए हिट्‌नागा पिडुचिचि॥ हिट्‌नुङ् माङ्‌हाङ्‌ङा हिट्‌ना सेङ्‌सेङ्‌गा माङ्‌हाङ् रिङ् काउग्‍बाचिगा टोकानाङि लोक् थुमाङाना ओटोकानाङि मि लोक् गान्‍धाक्‌ङि लेप्‍टुचिचि॥

पारकास 16:19

हिट्‌नुङ् हिट्‌ना ठेना बेबिलोन खालाङ्‌गा सुम्‍बोक् टुक्‍रा लिसे, हिट्‌नुङ् आरु देसङिगा खालाङ्‌गाचि चा ओहोडाउङ् जाखाम् उलिसे॥ हिट्‌नुङ् माङ्‌हाङ्‌ङा हिट्‌ना ठेना बेबिलोन खालाङ्‌गाङिगा याप्‌मिचिगा पाप मिट्‌टुङ् उन्‍ङाना आड्‌डिक् ठेना उकुन्‌जिरिक्‍वाङा इप्‍टुना खोरेलाम्‍मा हिट्‌नागा ठुङ्‌मा पिडुचे॥

पारकास 17:2

हिट्‌ना वालाफेडुमा मेन्‍झेमालोक् नाराङिगा सोब्‍बे हाङ्‌बाचिङा इम्‍मेप्‍माजामा टोॽवा ओचोगुएसुए, हिट्‌नुङ् नाराङिगा सोब्‍बे याप्‌मिचि इमालिङ्‌ङा ओटेडुचिगा याप्‌मिचि गाड्‌डे डोक् हिट्‌नाङाना ओचाफेन्‍ना टोॽवाङा ओटेडुएसुचे॥”

पारकास 17:4

हिट्‌ना मेन्‍झेमाङा बैजानि राङ्‌गाङाना ओम्‍साना लोट्‌लिङ् वाडुएसुना, हिट्‌नुङ् साम्‍मेङ्, हिरा हिट्‌नुङ् मोतिङाना गारगाहाना ओयेम् टेप् वाडेसुना डाना॥ हिट्‌नाङा उमुक्‌ङि चिम्‍मा फुट्‌टुम्‍ना रिङ्, आसुद्‌दो हिट्‌नुङ् ओचाफेन्‍ना टोॽवाङा इप्‍टुना साम्‍याङ्‌ङाना ठिक् खोरे याङेसुना॥

पारकास 18:20

हाउ टोनालोग्‌ङि उलिसागा, हिट्‌ना जाखाम् लिसानाँ हारका लिसानि॥ माङ्‌हाङ् ओयाप्‌मिचि, मुलिचेलाचि हिट्‌नुङ् माङ्‌काटाचि सोब्‍बे हारका लिसानि॥ पोङ्‌भोने हिट्‌नाङा खानि लाउङ्‌सा जे चोगुए, हिट्‌ना लाउङ्‌सा माङ्‌हाङ्‌ङा साजाए पिडुएसुए॥”