पारकास 18:21 - आठपहरिया

²¹ हिट्‌नुङ्‌ना ठिक् साक्‌तिसालि माङ्‌हाङ् रिङ् काउग्‍बाङा ठिक् ठेना झाँटा टेउना लुङ्‌गेॽवा फोगुङ् नाड्‌डे पिक्‍सा सामुन्‍दराङि लेप्‍टुए, “ना माङ्‌ठेना बेबिलोन खालाङ्‌गा चा नाड्‌डेउङ् डोक् जोडलोक् लेप्‌युक्, हिट्‌नुङ् हिट्‌ना फेरि काइले ठेट्‌निना॥

पारकास 18:21 ပူးပေါင်းရင်းမြစ်များ

पारकास 10:1

हिट्‌नुङ्‌ना आङा आरको साक्‌तिसालि माङ्‌हाङ् रिङ् काउग्‍बा टोनालोग्‌लाम्‍मा उङ्‌सागेट्‌टाना निसुङे॥ हिट्‌नाङाना ओयेम् लोट्‌लिङ् गाड्‌डे डोक् खिमेमाङा टेप्‍टुएसुना डाना, हिट्‌नुङ् ओटेहेक्‌ङिम्‍बाक् फारकान्‍जा डाना॥ ओनाभाक् नाम् छेमा गाड्‌डे डोक् ओम्‍सेसाना, हिट्‌नुङ् ओलाङ्‌चि मि हाट्‌टाना ठोक्‍ला गाड्‌डे उनिङ्‌सागा डागा॥

पारकास 12:8

टरो हिट्‌ना ठेना ओप्‍पु लोक् उदुतचिङा मिखाएल हिट्‌नुङ् आरु माङ्‌हाङ् उरिङ् काउग्‍बाचि मेप्‍मा उहिडुवाट्‌टुन्‌चिन्, हिट्‌नुङ् माङ्‌हाङ्‌ङा हिट्‌नागा हिट्‌नाउङ्‌ना खोना बेला चा टोनालोग्‌ङि युङ्‌मा पिडुवाट्‌टुन्‌चिन्॥

पारकास 16:20

लुट्‌लेमा खाडानाँ ख्‍वाप्‍पा टापु हिट्‌नुङ् झोन्‍झोबाचि ओमासाडे॥

पारकास 18:10

हिट्‌नागा हाङ्‌बाचिङा हिट्‌ना खालाङ्‌गाङिगा याप्‌मिचिङा ओटोगुना याङ्‌छामा उनिसुङ् उन्‌चि किप्‍माङा लाप्‍माङ् ओयेब्‍युङ् नाड्‌डे ओमाट्‌टुटु, ‘एलाह्, एलाह्, साक्‌तिसालि हिट्‌नुङ् माङ्‌ठेना बेबिलोन खालाङ्‌गा, छोम्‍मोङ्‌ङा डोक् खान्‍ङा साजाए आटोगुए!’

पारकास 18:22

हिट्‌नुङ् ना खालाङ्‌गाङि फेरि खोना चा साराङ्‌गि काटेन्‍बाचि, छाम्‍लोमा ओछाम्‍लोगा, बाँसुरि हिट्‌नुङ् धुटुरिबा काटेन्‍बाचि उलिनिगा॥ हिट्‌नुङ् सोब्‍बे खाले सिल्‍पाकारिचि खान्‌ङि फेरि काइले चा ओटोग्‌निगा॥ झाँटा उरुट्‌टुगा चा खान्‌ङि काइले चा फेरि खेम्‍मा टोक्‌निना॥

पारकास 20:11

आङा ठिक् ठेना फुट्‌ना सिङासान् हिट्‌नुङ् हिट्‌नि ठिबाङ् युङेसाना निसुङे॥ हिट्‌नुङ् नारा लोक् टाङ्‌साङ् उन्‍ङाना ओनाभाक्‌लाम्‍मा मासाडा चे, हिट्‌नुङ् नारा लोक् टाङ्‌साङ् फेरि साङा चा उनिस्‍वाट्‌टुन्॥

पारकास 5:2

हिट्‌नुङ् हिट्‌नि माङ्‌बोल्‍लेउ ठिबाङ् माङ्‌हाङ् रिङ् काउग्‍बा ठेना ओसोरा चोगुङ् नाड्‌डे पिक्‍सा राट्‌टाना आङा निसुङे, “नागा छाप् लाहाब् चोक्‍बालाक् हेडुङ् छाप्‍लाङाना मुठा ओङ्‌मा योग्‍ए साक् वाहेट्‌ना?”