पारकास 18:11 - आठपहरिया

¹¹ “नाराङिगा बेपारिचिङा हिट्‌ना खालाङ्‌गा जाखाम् लिसाना उनिसुङ् ओहाप्‌युक् हिट्‌नुङ् सानिङ्‌ग्‍वा ओलोयुक्, पोङ्‌भोने साङा चा उन्‌चि मालमात्‍ता काइले चा फेरि हिट्‌ना खालाङ्‌गाङि उइनुन्‍ना॥

पारकास 18:11 ပူးပေါင်းရင်းမြစ်များ

मात्‌ति 22:5

टरो हिट्‌नागा निम्‍तो उपिडुचिगाँ यान्‍दा डोक् मिचोक्‍ङे ठिबाङ् ओबेङ्‌सिलेङ्, आरको बेपारलेङ् खाडे॥

युहान्‍ना 2:16

येसुङा ढुकुर काछोङ्‌बाचि लोडुचे, “नाहिलाम्‍मा नागा सोब्‍बे थोक् खाट्‌टानुम्॥ आङाना माङ्‌हाङ् पाबाङाना ओपाङ् खानिङा बेपार चोक्‍माना ठोङ् चोक्‍नेनुम्॥”

२ पाटरुस 2:3

नागा काहिसिक्‍बाचि आड्‌डिक् लोभिचि उलियुक्, हिट्‌नुङ् नागाँ माङ्‌जोगा छिॽवाक् मुन्‍डुम्‌चि मालोडिउङ् खानि मासुबिटि॥ माङ्‌हाङ्‌ङा पाइले डोक् हिट्‌नागा साजाए पिमा निङ्‌ग्‍वा चोक्‍मा हिडुएसुए, हिट्‌नुङ् हिट्‌नागा जाखाम् चोक्‍मा उन् ढिलो चोक्‌निना॥

पारकास 18:15

“हिट्‌ना खालाङ्‌गाङि बेपार ओचोगाउङ् माक्‍फेन्‍सुबेन् कामाँ ओचोगुगा बेपारिचि लाप्‍माङ् डोक् ओयेब्‌युक्, पोङ्‌भोने हिट्‌नागा हिट्‌ना किप्‍माडुङ् याङ्‌छामालाम् आड्‌डिक् डोक् उकिट्‌युक्॥ हिट्‌नागा ठेना सोरा ओचोगुङ् ओहाप्‌युक् हिट्‌नुङ् सानिङ्‌ग्‍वा ओलोयुक्॥

पारकास 18:20

हाउ टोनालोग्‌ङि उलिसागा, हिट्‌ना जाखाम् लिसानाँ हारका लिसानि॥ माङ्‌हाङ् ओयाप्‌मिचि, मुलिचेलाचि हिट्‌नुङ् माङ्‌काटाचि सोब्‍बे हारका लिसानि॥ पोङ्‌भोने हिट्‌नाङा खानि लाउङ्‌सा जे चोगुए, हिट्‌ना लाउङ्‌सा माङ्‌हाङ्‌ङा साजाए पिडुएसुए॥”

पारकास 18:23

ना खालाङ्‌गाङि फेरि खोना बेला चा कुपि हाट्‌निना, हिट्‌नुङ् बेउला लोक् बेहुलिङाना उन्‌चि सोर खोना बेला चा खेम्‌निना॥ नाराङिगा बेपारिचिङि खान्‌ङिगा बेपारिचि आड्‌डिक् ओवागाठागा ओडागा, हिट्‌नुङ् खान्‌ङिगा सोब्‍बे माङ्‌जोगा चाटाकेचिङा नाराङिगा सोब्‍बे याप्‌मिचि उसुबुचे॥

पारकास 18:3

पोङ्‌भोने सोब्‍बे देसङिगा याप्‌मिचिङा हिट्‌नाङाना इम्‍मेप्‍माजामा टोॽवाङाना इमालिङ् उठुङुङ् ओटेडुएसुचे, हिट्‌नुङ् नाराङिगा हाङ्‌बाचि हिट्‌नालोक् इम्‍मेप्‍माजामा टोॽवा ओचोगुएसुए॥ हिट्‌नुङ् हिट्‌नाङा निङ्‌ग्‍वा चोगु गाड्‌डे माहाङ्‌गो थोक्‌चि नाराङिगा सोब्‍बे बेपारिचिङा ओछोङ्‌सुङ् वागाठागा उलिसेसे॥”

पारकास 18:9

“हिट्‌नुङ् हिट्‌ना खालाङ्‌गा मिङा टुनुङ् मिखुमाङ् होन्‍डागेट्‌टाना उनिसुनाँ हिट्‌ना खालाङ्‌गाङिगा याप्‌मिचिलोक् ओचाफेन्‍ना टोॽवा काचोक् हिट्‌नुङ् मोज्‍मोज्‍जा चोक्‍मा साहाभागि उलिसागा नाराङिगा हाङ्‌बाचि ओहाब्‌युक् हिट्‌नुङ् सानिङ्‌ग्‍वा ओलोयुक्॥