पारकास 17:5 - आठपहरिया

⁵ हिट्‌ना मेन्‍झेमाङाना ओनाम्‍धाङ्‌ङि ठिक् ठोबाना उटुप् लिना निङ् छेप्‍टेसाना॥ हिट्‌नि नाड्‌डे छेप्‍टेसाना, “माङ्‌ठेना बेबिलोन खालाङ्‌गा, नाराङिगा वालाफेडुमाचिगा मामा गाड्‌डे डोक् चोक्‍ना, हिट्‌नुङ् नाराङिगा सोब्‍बे ओचाफेन्‍ना टोॽवाङाना उपुन् हिट्‌ना डोक् ए॥”

पारकास 17:5 ပူးပေါင်းရင်းမြစ်များ

फिलिप्‌पि 3:19

आन्‍तेङि माङ्‌हाङ्‌ङा हिट्‌नागा जाखाम् चोगुचिचि॥ उन्‌चि निङ्‌ग्‍वाङि जे चोक्‍मा उमिट्‌टे हिट्‌ना चोक्‍मा डोक् हिट्‌नागाँगा लाउङ्‌सा ठेना ए॥ मोन्‌डिसिइना रिङ् डोक् हिट्‌नागा ठेलोक् ओचोग्‍गा॥ हिट्‌नुङ् हिट्‌नागाँ नाराङिगा रिङ्‌ङि एडोक् उन्‌चि निङ्‌ग्‍वा उपिडुगा॥

२ थेसालोनिकि 2:7

हिट्‌ना भेन्‍ना याप्‌मिङाना ओबोल्‌ङाना टोॽवा पाइले डोक् सोगोप् चोगुएट्‌टु॥ टरो हिट्‌नाङाना ओबोल् जुन्‍ङा छाक्‍टुएसुए माङ्‌हाङ्‌ङा हिट्‌ना मिहोट्‌ङे सोम्‍मा हिट्‌नाडे डोक् लियुयाक्‌युक्॥

पारकास 1:20

खान्‍ङा आछुप्‍टाङ् आमुक्‌ङि आनिसुगा सि ओटा चोक्‌चिङ्‌गेट्‌चि हिट्‌नुङ् सि ओटा साम्‍मेङ्‌ङा चोक्‍बालाक् कुपिदानिचि ठोबाना रिङ्‌ङाना उटुप्‍बाक् नाड्‌डे लियुक्, सि ओटा चोक्‌चिङ्‌गेट्उम्‍बाक् सि ओटा माङ्‌पाङ्‌ङाना माङ्‌हाङ् रिङ् काउग्‍बाचिगा बारेङि माट्‌टुटु, हिट्‌नुङ् सि ओटा साम्‍मेङ्‌ङा चोक्‍बालाक् कुपिदानिचिङाम्‍बाक् सि ओटा माङ्‌पाङ्‌ङाना बारेङि माट्‌टुटु॥”

पारकास 11:8

हिट्‌नागाचिगा सियाना येम् हिट्‌ना निङ्‌ला मुक्‍टाना खालाङ्‌गाङाना लाम्‍बोङि हेन्‌युयाक्‌युक्, हिट्‌ना खालाङ्‌गाङि डोक् हिट्‌नागाँगा टाङ्‌बा खाप्‍चेङि उछुडुना डाना॥ हिट्‌ना खालाङ्‌गा दुस्‍टा सादोम खालाङ्‌गा हिट्‌नुङ् दुस्‍टा मिस्‍रा देस गाड्‌डेना॥

पारकास 14:8

हिट्‌नुङ् दोस्‍रो माङ्‌हाङ् रिङ् काउग्‍बा नाड्‌डे पिक्‍सा पाइलेना माङ्‌हाङ् रिङ् काउग्‍बा ओएङ्-ओएङ् खाडे, “जाखाम् लिसे, ठेना बेबिलोन खालाङ्‌गा जाखाम् लिसे॥ हिट्‌ना खालाङ्‌गाङिगा याप्‌मिचिङा नाराङिगा सोब्‍बे छोङ्‌बाचि इमालिङ्‌ङा टेडुचि गाड्‌डे डोक् इम्‍मेप्‍माजामा टोॽवा चोक्‍मा ओमेट्‌टुएसुचे॥”

पारकास 16:19

हिट्‌नुङ् हिट्‌ना ठेना बेबिलोन खालाङ्‌गा सुम्‍बोक् टुक्‍रा लिसे, हिट्‌नुङ् आरु देसङिगा खालाङ्‌गाचि चा ओहोडाउङ् जाखाम् उलिसे॥ हिट्‌नुङ् माङ्‌हाङ्‌ङा हिट्‌ना ठेना बेबिलोन खालाङ्‌गाङिगा याप्‌मिचिगा पाप मिट्‌टुङ् उन्‍ङाना आड्‌डिक् ठेना उकुन्‌जिरिक्‍वाङा इप्‍टुना खोरेलाम्‍मा हिट्‌नागा ठुङ्‌मा पिडुचे॥

पारकास 17:1

हिट्‌ना सि खोरे ओयाङुगा सि माङ्‌हाङ् रिङ् काउग्‍बाचि माड्‌डे ठिबाङ् आङा सोरि आबाउङ् आङा याङ्‌लोडे, “नेहि आबा, हिट्‌ना वालाफेडुमा मेन्‍झेमा माङ्‌हाङ्‌ङा खोड्‌डेउङ् साजाए पिडुटुना हिट्‌ना रिङ् खान् निमेट्‌नाँ॥ हिट्‌ना वालाफेडुमाम्‍बाक् याप्‍मा होङ् सोरि ओचोगुना ठेना खालाङ्‌गा ए॥

पारकास 17:2

हिट्‌ना वालाफेडुमा मेन्‍झेमालोक् नाराङिगा सोब्‍बे हाङ्‌बाचिङा इम्‍मेप्‍माजामा टोॽवा ओचोगुएसुए, हिट्‌नुङ् नाराङिगा सोब्‍बे याप्‌मिचि इमालिङ्‌ङा ओटेडुचिगा याप्‌मिचि गाड्‌डे डोक् हिट्‌नाङाना ओचाफेन्‍ना टोॽवाङा ओटेडुएसुचे॥”

पारकास 17:7

हिट्‌नुङ् माङ्‌हाङ् रिङ् काउग्‍बाङा आङा याङ्‌लोडे, “खान् पोङ् डोङ् आठोङ्‌युक्‍ना? हिट्‌ना मेन्‍झेमा लोक् हिट्‌ना मेन्‍झेमा खुयुना सि ओटा ओटेहेक् हिट्‌नुङ् ठिमेक् ओटा ओटाङ् लिसाना जिवाट्‌ङाना राहास्‍ये बारेङि आङा खान् लोनाँ॥

पारकास 18:2

हिट्‌ना माङ्‌हाङ् रिङ् काउग्‍बा टुक्‍लोक् नाड्‌डे पिक्‍सा राट्‌टे, “हिट्‌ना माङ्‌ठेना बेबिलोन खालाङ्‌गा जाखाम् लिसे॥ हिट्‌ना सोब्‍बे खाले टोंडेबाचि हिट्‌नुङ् ओचाफेन्‍गा रिमेट्‌चि उयुङ्‌गा ठोङ् लिसेसे॥ हिट्‌नुङ् हिट्‌नि सोब्‍बे खाले आसुद्‌दो नुवाचि लोक् जानावारचि उयुङ्‌युक्॥

पारकास 18:21

हिट्‌नुङ्‌ना ठिक् साक्‌तिसालि माङ्‌हाङ् रिङ् काउग्‍बाङा ठिक् ठेना झाँटा टेउना लुङ्‌गेॽवा फोगुङ् नाड्‌डे पिक्‍सा सामुन्‍दराङि लेप्‍टुए, “ना माङ्‌ठेना बेबिलोन खालाङ्‌गा चा नाड्‌डेउङ् डोक् जोडलोक् लेप्‌युक्, हिट्‌नुङ् हिट्‌ना फेरि काइले ठेट्‌निना॥

पारकास 19:2

पोङ्‌भोने उन्‍ङा न्‍याए टो यो मिचोक्‍ङे हिट्‌नुङ् माहामा चोगुटु, हिट्‌नुङ् नाराङिगा याप्‌मिचि भेन्‍ना टोॽवा चोक्‍मा मेट्‌टुचिगा हिट्‌ना दुस्‍टा वालाफेडुमा उन्‍ङा न्‍याए चोगुएसुए॥ माङ्‌हाङ्‌ङा हिट्‌ना खालाङ्‌गा साजाए पिडुए, पोङ्‌भोने हिट्‌ना खालाङ्‌गाङा माङ्‌हाङ् ओसेवाक्‌चि सेडुचे॥”

पारकास 7:3

“आन्‍याँ माङ्‌हाङ् ओसेवाक्‌चिगा नाम्‍धाङ्‌ङि छाप् मिमेट्‌ङे सोम्‍मा नारा, सामुन्‍दरा हिट्‌नुङ् सिङ् उभुङ्‌माचि जाखाम् चोक्‍नेनुम्॥”